مرحبا بكم على موقعنا | أتمنى أن يعجبكم محتواه | فقط ادعمونا بالانضمام الى الموقع | لتحفيزنا على تقديم المزيد. ×

موضوع شامل عن كل مايخص المعاهد النفطية والتقديم اليها في العراق 2016



"إعلانات"
"------------------------------------------------"

#كل_مايخص_معهد_النفط 
السلام عليكم ورحمة الله وبركاته 
اخوان حبيت احجيلكم فد مختصر عن معهد التدريب النفطي في البصره حصرا وكيفية القبول ...
معهد نفط البصره يقبل طلاب المحافظات الجنوبيه النفطيه الي هي ( البصره /ميسان/ الناصريه ) وبعض الاستثناءات مثل #المناطق_الساخنه ...
معهد الفط  تابع لوزارة النفط يعني ما تابع لوزارة التعليم العالي ولا يمه ✋✋ 
التقديم اله يكون مباشر على الانترنيت من خلال موقع المعهد .. 🌹😘
موعد التقديم بعد نتائج الدور الثاني .. ويتم الاعلان عن التقديم والشروط 
في موقع المعهد 
🌹🌹🌹🌹🌹🌹🌹🌹🌹🌹🌹🌹🌹🌹
هسه نجي للمعدل وبعض الامور اوضحهن
من شروط التقديم ان لا يقل المعدل عن 75 ويكون القبول حسب المفاضله يعني الي معدله اعلى يكون قبوله مضمون اكثر 
المعهد يقبل الذكور كأغلبيه عظمى والبنات يقبلهن بس بشكل قليل جدا 
اقل معدل قبله العام الماضي 81.5 بالنسبه للذكور واابقيه خلوهم احتياط اول وثاني وثالث ومرات يصعدون من الاحتياط الاول اذا احتاجوا ومرات يستغنون عنهم مثل العام الماضي 
والبنات قبل اقل معدل 92 تقريبا 
مدة دراسة المعهد سنتين وتتخرج وتكون وزارة النفط ملزمه بتعيينك لان ما يصير تتعين بـ وزارة ثانيه 
من تقدم وتروح تسجل توقع على تعهد بعدم المطالبه بتعيين عند التخرج وهذا شي روتيني علمود ما تصير ضجه بعد التخرج  بس يبقه تعيينك مضمون لان وزارة النفط تمويلها ذاتي واحنه بلد نفطي فنحتاج الى ايدي عامله قةفيكون التعيين مضمون 
يحتوي معهد نفط البصره على 12 اختصاص موزعه على 4 اقسام والاقسام هي  
قسم النفط اذا تطلع من الاوائل بأختصاصاته تكمل هندسه نفط ❤️
وقسم الكهرباء  اذا تطلع من الاوائل بأختصاصاته تكمل هندسه كهرباء❤️
وقسم التصفيه  اذا تطلع من الاوائل بأختصاصاته تكمل هندسه كيمياويه❤️❤️
قسم الميكانيك  اذا تطلع من الاوائل بأختصاصاته تكمل هندسه ميكانيك ❤️
يوجد معهد نفط في محافظة ميسان وهو فرع من معهد نفط البصره وتابع له وهو حصري لطلاب محافظة ميسان يحتوي على 3 اختصاصات وهي (قياس وسيطره /تشغيل وسيطره / لحام غازي) 
بالمعهد اذا كنت طالب محافظات من ميسان او الناصريه او احد اقضية البصره ينطونك راتب شهري مقداره 225 الف لكل طالب شهريا 75 يسمونها جيبيه و 150 يسمونها سكن 
اما بالنسبه لطلاب مركز محافظة البصره ينطونهم جيبيه فقط اي 75 الف دينار لكل طالب شهريا 
لا توجد اقسام داخليه في المعهد يعني لازم تأجر شقه والشقق موجوده قريبه ع المعهد 
ولكن اكو قسم داخلي لا زال قيد البناء والانجاز واكو احتمال يفتحونه السنه القادمه 2017 مو اكيد بس ينفتح بأذن الله 
اذا الله راد ومن تتعين خلي يكون بعلمك راتبك كلش حلؤ ومرتب 😉😉😉😉 

اتمنه ان اكون وضحت بعض الامور بالنسبه للراغبين يرحون معهد نفط 
#الدوله_النفطيه_باقية_وتتمدد
اخوكم الطالب النفطي #التشغيلاوي_اختصاصي 
#مصطفى_قيس
وهذا رابط المعهد النفطي ع الفيس بوك 👇
https://m.facebook.com/-1055215714523254/
هذا مايخص معهد البصره الذي يشمل(بصره_ناصرية_عماره) 

لمعلومات اكثر حول معهد نفط بغداد من الرابط ادناهـ

اجوبة على مجموعة من الاسئلة عن معهد التدريب النفطي في بغداد للطلاب الجدد 2016


موضوع شامل عن كل مايخص المعاهد النفطية والتقديم اليها في العراق 2016 موضوع شامل عن كل مايخص المعاهد النفطية والتقديم اليها في العراق 2016 Reviewed by HamaDa Al-iraqi on 8:19 م Rating: 5

ليست هناك تعليقات:


يتم التشغيل بواسطة Blogger.