مرحبا بكم على موقعنا | أتمنى أن يعجبكم محتواه | فقط ادعمونا بالانضمام الى الموقع | لتحفيزنا على تقديم المزيد. ×

اجوبة على مجموعة من الاسئلة عن معهد التدريب النفطي في بغداد للطلاب الجدد 2016


#معهـــــــد_النفــــــط_بغــــــــداد
#اجوبة على مجموعة من الاسئلة عن معهد التدريب النفطي في بغداد للطلاب الجدد 
________________________________
‪Image‬‏

"إعلانات"
"------------------------------------------------"


س/ شوكت التقديم ؟ 
ج / ينفتح بعد نتائج الدور الثاني ب ايام 
________________________________
س / شلون يتم التقديم ؟ 
ج ،التقديم الكتروني عن طريق الموقع الرسمي للمعهد 

 http://www.boti.oil.gov.iq/

________________________________
س/ يا محافظه ويا محافظه يقبل معهد 
ج/ يقبل كل محافظاتنه الوسطى 

السماوه. الكوت. الحله . القادسيه. النجف .كربلاء. بغداد .ديالى

و المناطق ( بلد . تلعفر. الدجيل ) همه صح ب نينوى او صلاح الدين وتابعين لمعهد نفط بيجي لكن الهم استثناء امني بسبب القتال ضد داعش فـيصير يجون معهد بغداد او معهد البصره بكيفهم (بكيف الطالب)
________________________________
س/ المعهد بي مسائي ؟ 
ج/ماكو مسائي ويقبل خريجي الفرع العلمي حصراً ،، المتخرج توّه من السادس او ثاني سنه بعد التخرج ، يعني مثلا لو كان اول مرحلة بالكليه وخلصهه ، من حقه السنه الوراهه يقدم عل معهد 
________________________________
وين صاير المعهد ؟ 
ج / بالوزيرية قرب جامعة الامام الصادق ( البكر سابقآ) ، نفس فرع شركة الصناعة و المعادن او شارع دخول دائرة كهرباء الرصافة خلف الرعاية الاجتماعية بالضبط بس تسأل يدلوك عليه .
_______________________________
س/ شكَد المعدل المطلوب ؟؟
المعدل لا يقل عن 75 بس القبول يكون حسب التقديم .. 
خلال السنتين الفاتن تراوح معدل قبول الولد من 83_85 
ومعدل قبول البنات تراوح من 86_ 88 
واحتمال توصل للسبعين او التسعين كله يعتمد على التقديم 
والبنات ينقبلن باقسام محدده ومن ضمنهن اعلى الاقسام 
( يعني اختصاص يمكن للبنت العمل فيه ) 
________________________________
س / فرضا طلع اسمي وانقبلت شسوي ؟؟ 
ج / انت سواء طلع اسمك او مطلع تروح تقدم عل انسيابية وتنقبل بكلية وتقدم عليها حسب الاصول وتنطيهم وثيقتك وبعدين من يطلع اسمك بالمعهد تاخذ كتاب ترقين قيد من كليتك وتجيبة للمعهد ويه البطاقه الامتحانية ، ووثيقة تسحبها من الموقع من يطلع اسمك  وتجي للمعهد تقدم اوراقك وتباشر دوام .
و تره التقديم ع المعهد يسموا خاص مو مباشر لتشتبه يعني ماله علاقة بالتعليم العالي انت اتصالك وية وزارة النفط
________________________________
س/  شنو الاقسام الموجوده ومنو اعلى قسم ؟ 
ج : معهد النفط اربع اقسام وكل قسم يتفرع الى اختصاصات 

#قسم النفط : و يشمل كل من :-
       *- شعبة الانتاج و القياسات الحقلية
             *- شعبة ميكانيك اجهزة الحفر.
                       *- شعبة الحفر.
                        .

#قسم التصفية : و يشمل كل من:-
                       
                 *-شعبة التحليلات النفطية
             *- شعبة التشغيل و السيطرة.
                           *- شعبة تقنية الغاز.
               

#قسم الميكانيك : و يشمل كل من:-
               *-شعبةالسلامة الصناعية
           *- شعبة المضخات و التوربينات.
        *- شعبة ميكانيك المعدات النفطية.
         *- شعبة اللحام الغازي و الكهربائي.
             *- شعبة تقنية خطوط الانابيب.
        *-شعبة السيارات والمعدات الثقيلة 
                         
                                                     

#قسم الكهرباء : و يشمل كل من:-
            *- شعبة كهرباء المعدات النفطية
                  *- شعبة القياس و السيطرة.
________________________________
* ملاحظه ع الاقسام 👆: كل طالب يفظل الاقسام من حيث واقع حاله يعني اكو اختصاصات خده و خدر بس راتبه مو مثل الاختصاصات المتعبة و الخطره يعني خلهه بالك النفط راتبك ع كد تعبك اوك راح ارتب الاختصاصات حسب رأي غالبية الطلبة : 
1_ التحليلات النفطية
2_الانتاج
3_التشغيل و السيطره 
4_ تقنية الغاز 
5_ القياس و السيطره
6_ كهرباء معدات نفطية 
7_سلامة صناعية
8_ميكانيك معدات نفطيه 

اما بقية الاختصاصات متقاربه فيما بينها تتبع رغبة كل شخص 

*** #تنويه_مهم/ كل سنة تنفتح اختصاصات و تنسد اختصاصات حسب الحاجة .
_______________________________

س / العشرة الاوائل ؟ 
ج، ماكو شي اسمه العشرة الاوائل ، اكو 10% اوائل ، تفرق ، يعني اذا قسم بي 40 طالب يطلعون 4 بس 

وقبولهم بالكليات حسب الاختصاص مع العلم  ، لازم سنتين تطلع اوائل بالمعهد ، ومن تخلص يخيروك بين التعيين والهندسه 
فرضا اختاريت الهندسة ، لازم تطلع خلال اربع سنين من الربع الاول بالكليه ، حتى ترجع تتعين بالنفط ، واذا سنه من السنين مطلعت ينلغي العقد بينك وبين شركة النفط وتبقه عل تعليم العالي حالك حال اي طالب هندسه ،، لذلك محد يرغب للاوائل ، اصلا معدلاتنه تقبل هندسه جان رحنه من البدايه ،، عدا قسم النفط الي يودي هندسه نفط هذا يستاهل التعب ، للولد فقط هذا القسم 🌹

س / شنو الاقسام الصعبة والسهلة ؟

ج / شباب انتو طلاب سادس وشفتوا معاناة هواي ويه الدراسة ، هنا يتغير مصطلح الصعب والسهل عن مفهومكم ،،،  يعني اذا تريد تطلع اوائل لازم تبذل جهد اقل من جهد السادس بمقدار النصف او اكثر واضمنلك تطلع اوائل 👍
________________________________
س / الاقسام الداخلية ؟ 
ج/ اكو اقسام داخل المعهد خاصة للولد فقط . 
________________________________
س / شكد المخصصات ؟ 
75 الف  , وتنقص الف ونص بكل يوم تغيب عن الدوام يعني ما ينطون سكن لان اكو اقسام داخليه

طلاب معهد بيجي شلون سكنهم ؟؟

حبايبي ينطوكم شهريا بدل سكن 150 الف و احسلك اتاجر شقه تنطي 90 بالشهر و 60 ظيفهن ع المنحه الحمد لله 😂
________________________________
س / هل التعيين مركزي ؟
ج/ اذا انت تريد تعيين ، فـ حته لو مو مركزي واحتمال يتاخر شويه بس اول وتالي اول شخص يتعين بالعراق هو خريج معهد النفط .... 
بس يجوز يتاخر خصوصا ويه هاي الازمة الاقتصادية و التقشف لكن يبقة خريج النفط الاوفر حظا بين اقرانه 
من خريجي الكليات من حيث التعيين .
________________________________
س / واهم سؤال عدكم ، شگد الراتب اول ما اتعين ؟ 😂😂 
ج/ اول متتعين يحسبولك خبره ثلاث سنين مال الدوام بالمعهد فراتبك يبدي ب 950 الى 1.200 حسب اختصاصك .
________________________________
س/ شهادة المعهد ؟ 
ج ، عزيزي قابل ينطوك ماجستير  هو دبلوم سنتين  بس بالتعيين شهادتك تعادل تلث سنين دراسة  على اعتبار مداوم بالعطله تدريب ميداني ( مو وكته تعال داوم و تعرف شنو تدريب ) 
________________________________
س / شيصيحولي من اتعين ؟ 
ج / اكيد  دكتور لو مهندس اقدم !! 😂😂
شيصيحولك اكيد عامل واذا كلش تجمل تصير عامل فني ^^ ويبقه العمل شرف وراتبك يسوه ابو المهندس الي كاعد وماكو تعيين 
________________________________
س / وين نتعين ؟؟
ج / اذا قسمك نفط  ، فتتعين بالبصره او بالعمارة حسب الموقع النفطي ، عداهه تتعين بمحافضتك وبالاكثر اداري 
.................
*ملاحضه اخيرة : المعهد هو اول معهد في الشرق الاوسط تأسس سنة 1974م
و حصل مؤخرآ على شهادة الآيزو العالمية للجودة ________________________________
والله يوفق الجميع
.........
نسألكم الدعاء الى كل من ساهم  بـكتابة هذا المعلومات وتنقيحها ☺️ 
🌹🌹🌹🌹🌹🌹🌹🌹🌹🌹


منقول من (رحلة التفوق في السادس)
مع التحية
2016-2107

اجوبة على مجموعة من الاسئلة عن معهد التدريب النفطي في بغداد للطلاب الجدد 2016 اجوبة على مجموعة من الاسئلة عن معهد التدريب النفطي في بغداد للطلاب الجدد 2016 Reviewed by HamaDa Al-iraqi on 8:18 م Rating: 5

هناك تعليق واحد:

  1. يالله يامحمد ياعلي باسمج ياام البنين

    ردحذف


يتم التشغيل بواسطة Blogger.