حتى تأكل يجب ان تكون ؟ .. جائعا ..
اغلب الطلبه ...
صارلي ٥ سنوات وحلمي ميتحقق 😞
صار سنتين انتظر حلمي يتحقق 😔
اني ليش مكمش بحلمي ؟ وهو مو الي
الله ميريد يحققه الي اني صوجي هو مو الي 😞
اغلبكم هيج يفكر 🤷♂
سؤال .. اذا صرت دكتور او محامي او طيار او مهندس او تاجر راح تضر الله بشي ؟؟
الجواب ..... لاااا
الله بيده السموات والارض كل عقلك يغيض الله تحقيق حلمك ؟؟؟!!!!!!!
لكن شوف الله شيكول
( الله يبسط الرزق لمن يشاء من عباده ويقدر له )
( وهو الذي ينزل الغيث من بعد ماقنطوا )
هنا يكول ينطي الرزق لمن اراد ذلك ينطي المعدل لمن اراد ذلك
لكن مرات الانسان يقنط يعني يأيس ويكول خلص انسدت الابواب كله
هنا يكله انزل عليك الغيث اللي هو الخير بعد ماتوصل لاعلى درجات اليأس 😦
لكن حتى تحقق حلمك لازم تكون كد هالمسوؤليه
حتى تحقق حلمك لازم تعرف الطريق اللي تختاره ما منه رجعه .. ولا بيه استسلام ولا بيه خوف
اما ان تكون بقلب اسد او لا تدخل غابة الاحلام
حتى تحقق حلمك لازم تكون جائع جدا لهذا الحلم ...
مو بس تحلم لاااااا
حتى تشبع رغباتك لازم تقاتل لاجل كل لكمه تتقدملك يوميا او كل سنه
لا تعلم اي لكمه هي اللي راح تسد جوعك
ماكو شي اسمه الله ميريدلي احقق هالشي
الله ماعنده عداوه وياك
بكل حياتك انت مسير وليس مخير ماعدا في الدين فقط انت مخير
اما حياتك .. زواجك .. معدلك .. عملك .. هو انت مسير بيه تسوي اللي تريده وانت وجهادك وطاقتك بعد
عجييييب تكون سنتين او ٣ او ٤ او ٥ او ١٠
وانت تقاتل لاجل هالحلم وتستلم باخر محاوله !!!!
شنو اللي يثبتلك انه انت حاليا مو باخر خطوه من تحقيق الحلم ؟؟؟
الحلم / كلمه تعني اتباع المجهول لزيادة الايمان بالمعلوم
وكانه مغمضين عيونك وتصعد درج
متعرف اي بايه هي الاخيره اللي راح توصلك للقمه
لازم تكون عنيد اكثر من خساراتك
شرس اكثر من فشلك
وصبور اكثر من ايامك
لازم تكون مرعب وجائع ومنتعش لاجل تحقيق حلمك