اسئلة واجوبة بخصوص طلبة الامتحانات الخارجية "الدراسة الخارجية"
س/ طلاب الخارجي يحقلهم يمتحنون دور اول وثاني وثالث؟ يحقلهم يسوون تحسين معدل؟
ج/ يحقلهم دور اول وثاني و عاشر هم، كل الادوار تحقلهم حالهم حال طلاب المدارس.
تحسين المعدل اذا اجه ايضا يحقلهم.
س/ امتحانات الدور الثاني شوكت؟
ج/ بشهر الثامن تقريبا 8/27
س/اني طالب خارجي اذا اجيب معدل ب90 وفوك و مواليدي مقبول مسائي يحقلي اقدم صباحي لو لا؟
ج/ العام اجه استثناء يكول من حق الطالب الخارجي يقدم صباحي اذا معدله 90 وفوك بغض النظر عن مواليده مقبول صباحي او ما مقبول بس هالسنه يجي استثناء لو ما يجي الله اعلم
س/ اكو تفاضل بالقبولات بين طلاب المدارس وطلاب الخارجي؟
ج/ انت من تدخل وزاري و مواليدك ينقبل صباحي بعد محد يعرف انت طالب صباحي لو مسائي لو خارجي، اهم شي مواليدك مقبول بالكليات الصباحيه حالك حال الطلاب شينقبل معدلك تنقبل مثلهم ماكو اي تفاضل بينكم.
س/ مواليدي 2000 مواليدي 95 مواليدي 77 ... انقبل بالكليات الصباحيه لو المسائية؟
ج/ عوفك من المواليد راح اسهلهه الك اكثر، اذا عمرك 24 سنه فأقل تنقبل كليات صباحيه. و اذا عمرك 25سنه فأكثر تنقبل مسائي و اهلي.
س/كم درس الدخول الوزاري لطلاب السادس اعدادي الخارجي.
ج/ الدخول ب3 دروس فقط.
س/اني راسب سنتين بالسادس يحقلي اقدم
ج/سنه 2016 اجه كتاب يكول الطالب الراسب سنتين يحقله يروح خارجي او مسائي بس المديريات بالتقديم عالخارجي تاخذ على ضوابط الامتحانات الخارجية الي تكول اذا الطالب بصف سادس اعدادي لازم يترك سنه يلا يقدم خارجي. و اكو نسبة 5% من المديريات تقبل الطالب الراسب سنتين بدون ترك بس 95% تطلب ترك سنه.
س/ضوابط الخارجي ثابته لو تتغير؟
ج/ بشهر العاشر كل سنه تنزل الضوابط الجديدة و تصير تغييرات ببعض النقاط.
س/ هاي السنه اكو دور ثالث؟
ج/ الدور الثالث حسب الوزارة ونسبة النجاح الله اعلم اذا اكو او لا
#طلبة_الامتحانات_الخارجية