مراجعة ودراسة مواد السادس الاعدادي خلال 30 يوم فقط
مادارس ولا شي او دارس ماده وحده بس او ممضبط ولا ماده...
و باقي 32 يوم للامتحانات شسوي؟!
#رح انطيك 3⃣حلول واختار الي يناسبك
🌐ساعات دراستك لازم تكون من 10_12ساعه باليوم
🌐لتگولي الايام قليله لان مو مشكله احد هاي مشكلتك وكله من ايدك انت ضيعت وقتك
🌐لازم تخصص ساعتين ونص من وقتك كل يوم لدراسه ادب وانكليزي وممكن اسلاميه اذا تريد
بمعنى ١٠ ساعه دراسه للماده الاساسيه
وساعه ادب
وساعه انكليزي
ونصف ساعه اسلاميه
#الانكلش تدرس الحفظ من قطع وانشاءات.... الخ
#الاسلاميه كذلك تكدر تدرس بالنصف ساعه ايات الحفظ والاحاديث او تكمل يونت واحد كل اسبوعين
هسه نجي #للحل_الاول
✔️تقرر مع نفسك تمتحن كل المواد او لاا حتى توفر وقت
مثلا تأجل مادتين او ماده وحده يكون فهمك الهاا صفر ولا دارسها ولا شايفهاا
✔️يبقى ٥ او ٦ مواد
#الفيزياء ٦ يوم
تكدر تدرس اول ٣ فصول كامله والباقيات ع مراجعه مركزه
سعيد محي تومان مضبوطه وتضمن درجه كامله واني مجربتهاا
#الكيمياء ٦ ايام
#الرياضيات ٦ ايام
#الانكلش ٤ ايام
تكفي للانكلش لان رح تدرس كل الحفظ طول الـ٣٢ يوم يبقى بس قواعد ومراجعه سريعه
#العربي ٥ ايام
٤ ايام قواعد
و١ يوم ادب لان انت ح تدرسه ع طول ٣٢ يوم
#الاسلاميه ٥ ايام
٥ ايام تكفي تدرسها كامله من دون مراجعه مركزه
او تكدر تعتمد ع مراجعه عبد الباسط العام كانت درجه كامله
تكدر تدرس اول ٣ وحدات من الاسلاميه كامله والباقيات ع مراجعه مركزه
#اعتمدت طريقه انك تدرس القسم الاول من كل ماده (اول ٣ او ٤ فصول ) دراسه كامله والباقي من الماده مراجعه مركزه
لان اكيد دارسين هل القسم وممتحنين بي هوايه وعدكم فكره عنه دراسته متاخذ هوايه وقت
🌐هنا أجلت فقط ماده وحده تكدر تغيرها حسب الماده الي تريدها انت
والي يأجل مادتين ياخذ ايام الماده المؤجله ويوزعها ع باقي المواد
----------------------------------------
#الـحل_الثـاني
✔️متأجل ولا ماده وتعتمد ع مراجعات مركزه فقط
تختار اي مراجعه مركزه تشوفها مناسبه ومضمونه
وتوزع عدد صفحاتها حسب الايام المقرره لكل ماده
مثلا
#الفيزيا ٥ايام
#الكيميا ٥ايام
#الرياضيات ٥ ايام
#الاحياء ٥ ايام
#العربي ٤ ايام
#الانكليزي ٤ ايام
#الاسلاميه ٤ ايام
#مراجعه
✔️سلام الربيعي احياء
✔️حبيب الجنابي او سلام البهادلي كيميا
✔️حيدر القريشي انكلش
✔️سعيد محي تومان فيزيا
هاي المراجعات👆🏻اني دارسه عليها ودرجاتها مضمونه كلش واغلبها كامله
#اغلب المراجعات المركزه قريبه لبعضها وبنفس المستوى تقريبا ودرجتها مضمونه اختار الي تشوفها مناسبه
🌐نفس الحاله هم تدرس ١٢ ساعه
وساعتين ونصف
بين ادب وانكلش واسلاميه
-------------------------------------------------------------------
#الـحل_الثالث
🌀تقسم المواد بين دراسه كامله وبين مراجعه مركزه بمعنى تركز ع مادتين او ٣ وتضمن درجتهم والباقي لاا
وهذا يعتمد ع الي يريد نجاح وميريد معدل عالي او يريد معدل وسط
بمعنى مثلاا تدرس اي مادتين انت قوي بيهم دراسه كامله وتضمن درجتهاا
مثلا
اسلاميه وفيزيا ورياضيات دراسه كامله
#فيزيا ٧ ايام
#رياضيات ٧ ايام
#اسلاميه ٦ ايام
#الكيميا مراجعه مركزه ٤ ايام
#الانكلش مراجعه مركزه ٤ ايام
#العربي ٤ ايام
الادب تكدر تدرسه ساعه كل يوم طول فتره الـ٣٢
والانكلش كذلك
#تكدر تأجل ماده او تكدر تدرس فقط درجه نجاح لماده معينه يعني هل الحل الثالث للطالب الي يريد نجاح او معدل عادي مثل ماذكرت👆🏻
وانت وحظك ان استغليت وقتك صح ودرست بكل جهد تكدر تتغلب ع المواد وممكن تحقق معدله تريده😌