كيفية اخيتار المدرس الخصوصي ؟

#شلون_اختار_استاذ_الخصوصي ؟؟ 

طبعا قبل كولشي اني ما اتقصد اي استاذ وانما احجي بشكل عام .. واتمنى ان يتفهمني الجميع 

أغلب الطلاب من يختار استاذ يختاره حسب #شهرته 👨‍🏫

وهذا اكبر خطأ يوكع بيه الطالب .. 

وخل اوضح فد امر .. هوووواي طلاب 👨‍💼👩‍💼👨‍💼👩‍💼👩‍🔧 
عدهم وجهين .. هو داخل عند الاستاذ وما فاهم اي شي .. ودافع مليون او مليون ونص ذابهن بالشط . ورغم دخوله عند اشهر استاذ الا انه هو يتابع شرح ادمنية القنوات اللي همه #طلاب جامعات ويفتهم منهم اكثر من استاذه الخصوصي 👨‍💻 .. 

لكن تشوفه يدز رسائل لاستاذه..
( لو ما انته جان هسه اني ضايع وجان مافهمت اي شي وجان هسه اني ميت وانته خليتني جبل بالماده .. وانته... وانته... وانته ... ....... الخ ) 

لكن #بالحقيقه هو ما مستفاد اي شي من استاذه .. 😒

وهذا نفس #شهادة_الزور .. لان الاستاذ راح ينشر كلامك .. وراح يشوفه طالب السنه الجديده وراح يكلك لك شنو هذا ؟ هذا كارثه وهذا ماكو مثله . ومن يجي يدخل يتورط وبركبتك 😐

ولهذا اغلب طلاب السادس تكون #ضحية الشهره .. 

مو كل استاذ نزلك درجات طلابه هذا 100 وهذا 99 وهذا 98 
تره اكو طلاب بلا خصوصي تطلع ال 100 ..

هذا مو مقياس . اذا تريد مقياس صدك راجع درجات طلاب الاستاذ #بالمدرسه ☺️

لو المدرسه صارت شي خارج عن القانون ؟ 😒

ولهذا اكو هووواي اساتذه مامعروفين ابد بس شرحهم وأهتمامهم بالطالب 1000 مره احسن من المشهور 

- مو كل استاذ محاضرته مليون او مليون ونص هذا احسن شي

اكو اساتذه محاضرتهم ب 200 الف او 250 او 300 وهمه احسن بألف مره 

وبعد ؟ 

ماكو داعي تستعجل بأختيارك استاذ الخصوصي .تكدر تجرب تدخل عند كل استاذ 5 محاضرات ولتدفع الا ان تستقر عند استاذ .. 

طبعا هالكلام 👆 كوله بأدله ماجايب شي من جيبي ابد .. الاف الطلاب داخلين عند احسن الاساتذه حسب الشهره. يجوون يدورون حل اسئلة الواجب !!!!!

اكو اساتذه يشرحون ع يوتيوب شرحهم يجيبلك ال 102 مو بس 100 .. 

#أشوو

شارك الموضوع

مواضيع ذات صلة