نبذة تعريفية عن كلية التمريض , الدراسة و المواد و الحدود الدنيا

نبذة تعريفية عن كلية التمريض , الدراسة و المواد و الحدود الدنيا

التمريض 
صباحي + مسائي
-كلية تمريض تأتي بعد كلية تقنية طبية 
الي يتخرج يصبح ممرض جامعي حاصل على شهاده البكلوريوس بعلوم التمريض 
-هاي مابيها اقسام يعني تشمل تمريض عام 
-بيها اربعه اقسام او فروع:
-السنه الاولى يدرس اساسيات تمريض بالاضافه الى دروس الكيمياء والتغذيه والتشريح والمصطلحات والطفيليات
-الثانيه (تمريض البالغين ) وهي من اهم سنوات الدراسه بالكليه ويدرس فيها الامراض الباطنيه (قلبيه،امراض دم ،وغيرها )ويدرس الجراحه (كسور،جملة عصبيه ،بولية ،جراحه عامة ،اذن وانف وحنجرة ،عيون،وغيرها ) وكذلك يدرس ماده الفارماكولوجي(صيدلة)والبكتريولوجي والباثوفسيلوجي والانكلزي

-الثالثه عبارة عن كورس نسائية وكورس اخر اطفال بالاضافة الى الدروس الاخرى 

_الرابعه كورس نفسيه وعقليه وصحه مجتمع وبعض الدروس الاخرى 
-راتبها  اعلى من المعهد الطبي حيث يكون ٥٧٠،٠٠٠



كلية التمريض ❤️
اولا كلية التمريض ما بقت مثل قبل والواقع راح يتحسن سنة بعد سنة لان فتحولنه بورد التمريض العربي بعد محاولات عديدة وتقديم مئات الطلبات لوزيرة الصحة وبعدها الحمدلله تم الموافقة 😍
🔴 كلية التمريض ٤ مراحل 
المرحلة الاولى بشكل عام نظري بس الكورس الثاني يبدي العملي يوم بالاسبوع بالمستشفى تطبيق اساسيات التمريض ( زرق ابر ، فحص ضغط ، تشكيل كانيولا ،،،الخ) والتدريب الصيفي هنا اسبوعين .
🔴المرحلة الثانية الوضع يختلف والطالب يتخوف من مادتين الي هن الپاراسايت والمايكرو وهن مادتين كلش سهلات بالواقع والطالب يكدر ينجح وبامتياز بس بدون ما يتاثر بكلام احد 😉والتدريب الصيفي هنا شهر كامل.
🔴 المرحلة الثالثة تبدي الدراسة بشكل متخصص يعني بالكورسين ندرس اطفال ونسائية بكل تفاصيلها وطبعا تطبيق بالمستشفى ٣ ايام بالاسبوع 👍🏻والطالب يتشبع بالمعلومات والتدريب الصيفي هم شهر كامل.
🔴 المرحلة الرابعة والي هي اسهل مرحلة على الاطلاق وبيهه الطالب يخلص السنة ونسة😜وع الاكثر التركيز يكون على العملي بالمستشفى وندرس بيها قلبية ونفسية واكو مادة اختيارية بعض المستشفيات تعتمد التعيين على هاي المادة الي دارسها الطالب والي ممكن تكون نفسية او قلبية او صحة مجتمع او اطفال او نسائية وحسب الجامعة ... 
وراح انزل الحدود الدنيا لكافة الجامعات العراقية الحكومية لكلية التمريض للسنة الماضية ❤️❤️
#منقول

الحدود الدنيا لكليات التمريض بجامعات العراق👇🏻2017-2018
جامعة بغداد ذكور ٩٤،٦ اناث ٩١،٣
جامعة البصرة ذكور ٩٣،٣ اناث ٨٨،٧
جامعة الموصل ذكور ٩٣،٤  اناث ٨٥،١
جامعة الكوفة ذكور ٩٤،٠ اناث ٩٠،٧ 
جامعة تكريت ذكور ٩٣،٣  اناث ٨٦،٧
جامعة القادسية ذكور ٩٤،٤ اناث ٩٣ 
جامعة بابل ذكور ٩٤،١ اناث ٩١،١
جامعة كربلاء ذكور ٩٤ اناث ٩٠،٦
جامعة ذي قار ذكور ٩٣،٦ اناث ٨٩،٤
جامعة كركوك ذكور ٩٣،٩ اناث ٩١،١
جامعة ميسان ذكور ٩٣،٤ اناث ٨٩ 
جامعة المثنى ذكور ٩٣،٩ اناث ٩٠
جامعة تلعفر ذكور ٩٣ اناث ٨٣،٩




وضع القراءة :
حجم الخط
+
16
-
تباعد السطور
+
2
-