الخطوات الصحيحة للاجابة وحل الاسئلة الوزارية لمادة الاسلامية

كيف_تجيب_على_أسئلة_الأسلامية

أول ما تستسلم الأسئلة لازم تقسمها الى 3 أقسام أو تخلي ابالك هذا الشي .. 
سهل
متوسط
صعب 

شوف يروحي تستلم الأسئلة سمي بالرحمن وصلي على محمد بالبداية راح تحس وكأنه متعرف ولا حرف هذا الوضع طبيعي .بعد لحضات راح تشوف انه هي سهله وكوله قاريه .. 


1⃣ أول شي قبل كولشي وبدون أي تأخير .. تجاوب على #أية_الحفظ حتى متنساها 
بعدها تجاوب على #الحديث_الشريف 

2⃣ بعدها تجاوب ع #المعاني أو اذا اكو نقاط تعداد بالمباحث او بالتهذيب أو غيرها 

3⃣ أنتبه .ألاجابه عن الاحكام هو اخر شيئ تجاوبه .لأن الاحكام تحتاج تفكير ومزاج رايق .. 

4⃣ أشر .. أي حبيبي أي شي تعرف جوابه اكتب فوكاه اول 3 كلمات من جوابه حته خاف تنساه ذني يعتبرن مفتاح تذكير .. راح تسمع لتكتب ع الاسئله ومن هالحجي من مدير القاعه .ماعليك بيه أشر وما عليك 

5⃣ بعدها تبدي تجاوب بالصعب مثلا المباحث او القصص او أي شي تشوفه ممل .. 

أبدي باللي تعرفه وخاف تنساه .
ليش اول شي اجاوب الأية ؟
لأن الاية بيها 20 درجه من تجاوبها راح تشعر انه انته جاوبت نصف الاسئله وكأنه ضمنت حصة الأسد فراح تنطيك تحفيز قوي لأجابة بقية الاسئلة .. 

وبعد ؟ 🤔
أستغل كل وقتك للتفكير .ما عليك فلان طلع وفلان تعارك وي المراقب وفلان مدري شسوه . 
تجي تراجع أجوبتك . بس احذر من المسح . ثق بأول جواب جاوبته اوك ؟ وراجع شنو تركت وشنو جاوبت وكم فرع يعني سوي #جرد مرتين و 3 .. 

الامتحان بسيط .لتخاف ثق بنفسك وتأكد هاي أول خطوة وأول خطوة تحتاج أن تكون بيها أسد تحتاج أن تجعل بيها كل امكانياتك وتذب بيه كل طاقتك حتى ينطيك حافز قوي لبقية الامتحانات .. ربي يوفقكم ويسهل أموركم 


#سؤال_وجواب_في_الاسلاميه 


قبل كل شيئ .. الأسلامية تعتمد ع المصحح بنسبة 90% .. يعني هواي طلاب يتوقع تجيه 70 . تجي النتيجه محصل 90 .لان اغلب المصححين موشرط خط قرأني .ومو شرط شرح نصا.... الخ 




1⃣ شلون اكتب الاية ؟ بالخط القرأني ؟ لو بالخط العادي ؟ 

- بالاجوبه النموذجية تكتبها بالخط القرآني نفس ماموجوده .يعني اذا بالاية ( الصلو'ت ) تكتبها نفسها . بدون الف .بس الف مقصوره .. لكن اغلب المصححين بل 95% منهم يقبل كتابتها ( الصلوات) .. 

2⃣ الحركات مطلوبه ؟ وهم ينقصون اذا ما اخلي حركات ؟ 

- شوف اذا نرجع لنفس القرآن لا اني ولا انته ولا حتى عبدالباسط عبدالصمد يخليهن صح كلهن 😒 . بس انته خلي حركات بسيطه مثل الضمه والكسره والي تغير من نطق الكلمة .. 

اجبر المصحح انه ينطيك درجه كامله .. 
لكن ماكو تنقيص درجه ابد .. 

شباب الخط ثم الخط .بيك وما تحسن خطك بالاية وبين سطر وسطر ولتنسه تكتب البسملة (بسم الله الرحمن الرحيم) اغلبكم ينسوها .. 

3⃣ الترقيم مطلوب ؟ ترقيم الايات ؟

- لا غير مطلوب انه تخلي رقم . لكن المطلوب هو وجود دائره او نجمة بين أية واية .. حتى لو تخلي دائره وتلونها بقلم الرصاص 

4⃣ معاني الكلمات الغير داخلات بأية الحفظ . مطلوبااات ؟ 

- اعتقد وحسب ما اذكر اجه بس مره وحده وبدور 3 او نازحين ما اذكر بالضبط .لكن كدور أول ما اعتقد يجن 

5⃣ بشرح الايات . شرط ان اكتب نصا ؟

- نفس ما حجيت هي ترجع ع مصحح . لكن انته اذا تكتب شوي شرح مغاير .بس خل يكون من ضمن نفس الشرح . مو يطلب شي وانته تحجيله ع غير شي

5⃣ المباحث شرط الشرح نصا ؟ 

- اذا جان تعداد ملتزم تكتب نصا .اذا شرح حتى لو مو نصا 100% 

6⃣ اكو ايات ضمن الشرح ذني مطلوبات ؟ 

- نعم اذا كلك استدل او وضح ذلك بدليل فتكتب الاية .او الحديث او القول عن الامام او الصحابي 

7⃣ الاحكام .اذا جاب ايه بيها فد 8 احكام وكال استخرج 5 .. شرط استخرج اول 5 ؟ 

- لا حتى لو تستخرج من البداية والنهاية وتعوف اللي بالوسط . 

8⃣ اذا راد تعداد . وهه 8 او 7 نقاط شكد اكتبله ؟

- 5 نقاط كافي . وانته افهمها من الدرجه يعني اذا جان ع فرع 10 درجات فأكتب 5 حته ع نقطه درجتين وهكذا 

#ملاحضات 

1) أبد ابد ابد لتترك شي فارغ .بالاخص بالاسلامية شتعرف اكتب حتى اذا متعرف صفط من يمك لتخلي السؤال فارغ ابد ابد 
2) اهتم بدفترك لتحشك حشك . تره اكو مجال بالدفتر 


-------------


شارك الموضوع

مواضيع ذات صلة