"المجازف" نوع من الطلبة المخاطرين في تحديد مستقبلهم في السادس الاعدادي

"المجازف" نوع من الطلبة المخاطرين في تحديد مستقبلهم في السادس الاعدادي

🔰 #المفكـــــــــر_الخطيـــــــــر 🔰

هسة تكولون شنو هذا 😂😂

هذا دائما الي يجازف بسادس ويعتمد على الحظ ويلوصها 😂😂

بحيث مسويلك السادس ضربة حظ لو #بالهدف لو #بالنجف 😂😎

وغالباً افكارة تكون كالاتي 😅

1⃣ يفكر بيهة من فترى المراجعة يكلك هن 7 مواد امتحن 3 دور اول وامتحن 3 دور ثاني ويبقى درس راح اعتمد على الدور 3 😈

- هووب يمعود وين رايح خوية ابو جاسم 😂

- انت تدري اذا اجلت لدور الثاني درجة نجاح الدور الاول على المعدل راح تروح منك 🐸

- اي ادري واذا خليها تروح 😎

- زين بوية تعال الدور الثالث ممضمون شلون تجازف هيج مجازفة وهو سنة يجي وسنة لا
وبالكوات يلا بالمناسبة ترى الدور الثالث انطو بسبب الاحداث الاخير مال داعش وبالوقت الحالي بعد داعش ماكو دخلنا مرحلة جديدة هالسنة مندري اذا اكو دور ثالث او لا 😎😍

2⃣ اجاك ابو تغريد النوعية الثانية ابو خابصها الي مشلع الكتب والقرارات وتلكا ليل نهار من قناة لقناة من بيج لبيج هذا من النوع المتعصب اذا تكلة ع فلان قرار يابة ماكو لو ممعلوم هالسنة يسقطك تسقيط المشركين لرسول 😂😂

- هذا النوع يكلك اني هالسنة مراح اعبر بس خلي اضمن شي بجيبي امتحن

- مادتين دور اول 👀

- مادتين دور ثاني 😂

اخلي 3 مواد احملهن ع سنة تجي شلوني 😈

- يا شلونك بوية انت اتعس من النوع الاول 😭

اولاً التحميل اجة لمساعدة الطلاب بسبب الضروف الاخيرة الي حصلت #بالعراق

ثانياً / يعني ممضمون هالسنة اكو تحميل او لا شلون اجازف هيج مجازفة على حساب مستقبلك

زين تعال بوية هو التحميل بكل سنوات الي اجة شمل مادتين وانت تريد تحمل 3 مواد ترى ميصير عزيز استقر 😂😂

🔰 #نصيحــــــــــــــــــة 🔰

💠 لا جازفون بمستقبلكم على قرار وزاري لان كلش زين تعرفون الوزارة ممضمونة سنة جيب قرار و تلغي قرار ونفس ما شفنة الي صار وية الصفوف *الغير المنتهية لغت قرار التحميل الهم لسنة 2019 القادمة 💠

ننتظر تصريح او تعليمات بالايام القادمة بخصوص الاتي 👇👇

1⃣ تحسين المعدل غالباً يعلن عنه بعد امتحانات الدور الاول 😎

2⃣ التحميل وغالباً يعلن عنه بعد امتحانات الدور الثاني 😍

3⃣ الدور الثالث غالباً يعلن عنه بعد نتائج الدور الثاني 😈

الجماعة الي نجحو دور اول خالي ملازمكم كتبكم حضروهن وضموهن على صفحة لان عن قريب راح نأخذهن منكم ونوزعهن على الطلاب #الجدد

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الصفوف الغير منتهية هي ( اول وثاني متوسط / ورابع وخامس اعدادي )

شارك الموضوع

مواضيع ذات صلة