كلية طب الاسنان | المواد ونظام الدراسة وعدد السنوات

مساااء الخير ☺️
راح احجيلكم شويه عن كلية طب الاسنان ...
اول شي نظام الدرجات فصلي مو كورسات يعني نمتحن الفصل الاول عملي 5 درجات و5 درجات نظري =صار عشر درجات فصل اول وتجي نص السنه عليها 10درجات عملي و20درجه نظري =٣٠
والفصل الثاني نفس الشي عشر درجات والفاينل ٢٠درجه عملي و٣٠درجه نظري 
***خلصنه تقسيم الدرجه*****



بالنسبة للمرحله الاولى سبع مواد وتقريبا اصعب ماده biology 1_
والعملي مالت البايولوجي سلايدات بالمجهر نشوفها وتدوخ 😒
واكثر مادة اساسيه dental anatomy 2_تحجي عن تشريح السن ماده لطيفه 😍
والعملي مالته نحت الاسنان بالشمع 😍
3_والفيزياء الطبيه جان يجينه استاذ مصعبها لان هو حقنه 😏 بس هي ماده حلوه وتشبه فيزياء صف رابع علمي عتلات والقوه في ذراعها مسائل طبيه يعني💖
والعملي تجارب مختبريه وتقارير 
4_الكيمياء حلوه كلاميات ومسائل تشبه مادة صف سادس بس اصعب لان مسائل على جسم الانسان ومحاليل البڤر والph
والعملي نشتغل تجارب بالمختبر ونسوي تقارير ❤️😍
5_مصطلحات طبيه ماده سهله بمعنى الكلمه  
مبيه عملي 😋
6_حقوق الانسان ماده باللغه العربيه ومسطلحات غريبه وتحس نفسك بالبرلمان ومرحلى اولى وكون تناقش گدام الطلاب 😭😭
7_الحاسوب بسيط وسهل 
هاي كل مواد المرحله الاولى 💖❤️
اسهل مرحله بس بعدين بالثاني تنعلسون😭😔بالتشريح والصناعه😥



#طب_الاسنان 💉❗️


 فروع الطب. 😎يختص بدراسة وتشخيص ومعالجة أمراض الفم والوجه والفكين والأسنان والأنسجة المحيطة بها والوقاية منها ويتفرع إلى العديد من الاختصاصات.✨

تسعى كلية طب الاسنان تخريج🎓 كوادر علمية كفوءة ومؤهلة لتقديم افضل الخدمات الطبية والاستشارية في كافة الاختصاصات الدقيقة لعلوم طب الاسنان للاعتناء والنهوض بصحة الفم والاسنان لابناء المجتمع وتطوير التعليم المستمر لاعضاء الهيئة التدريسية🤗 بما يتناسب مع التطور الحاصل في الاختصاصات الدقيقة لطب الاسنان عربياً واقليمياً ودولياً.

#س1/ شكد المعدل الي تقبله ؟🤔
طب الاسنان يقبل معدل من 96.3--97.7 حسب حدود الدنيا مال عام 2016/2017 وحسب كل جامعة تختلف عن الثانيه بعدد الاعشار.
⚠️اما الحدود الدنيا لعام 2017/2018 فقبلت اقل معدل في جامعة الموصل 96.0 واعلى معدل في جامعة بغداد 97.0.

#س2/ تعينها مركزي ؟💯
اي نعم مركزي ☺️، بعد ما تتخرج تترسل الاسماء المتخرجين للوزارة الصحة وتعليم عالي ونقابة مال اسنان ثم وزارة التخطيط والماليه ويعينوك.

#س3/ شكم سنة الدراسة؟
مدة دراسة ٥ سنوات🎓

#س4/ اكو طب اسنان اهلي؟ وشكد المعدل؟ واقل قسط شكد؟
اي نعم اكو ،🙄 معدل حسب حدود دنيا مال عام ٨٥ الى ٨٣ ، اقل قسط 9500000 في كلية اصول الدين الجامعة .

#س5/ الموازي شكد يقبل ؟
لازم يكون اقل بدرجة او درجتين😉 من المعدل المطلوب .

#س6/ اكو طب اسنان مسائي؟
لا يوجود طب اسنان مسائي.😒

#نصيحة
طب الأسنان المهنة الي مشوهة سمعتهة بالعراق 😁على انو هي مو حلوة و متعبة و يصير عندك فقرات من وراهة 😂😂 و هذا كلة مو صحيح بل على العكس تماماً💪😇 اني من طلعت معدل بالسادس اهلي كلولي لا تروح طب أسنان لأن مو حلو و متعب و هالحجي المحبط و روح صيدلة و بيهة فلوس و كعدة و مدري شنو بس اني جنت أحب طب الأسنان 😇و كلت ليش الناس هلكد تحجي عليه مع العلم همة اصلا و لا يمة و لا يعرفون جزء بسيط منه و كتبت طب الأسنان و انقبلت بجامعة بغداد .🏢.. شفت طب الأسنان يختلف تماماً عن ما الناس تحجي بي🙄 شفتة فن حلو و شي راقي و جميل انو تصنع ابتسامة شخص😁 و تخليهة حلوة و راح تتحسن شخصيتة من ورة هذا الشي و يشكرك شفت أنو عبالك داخل كلية فنون جميلة نحت عدنة بأدوات جميلة و صحيح اكو أشياء مو حلوة 😵بس هذا هو حال الطب ككل يعني دم و هالامور و تشريح و أنسجة و التهابات طب الأسنان يختلف عن ما تحجي الناس صدكني هو فن و شي راقي و إذا يعجبك لا تتردد بشعرة انو تدخلة هاي نصيحة مني☺️ لا تسمع بحجي ناس جهلة يكلولك حلاق و الصيدلاني بياع و هالسوالف اسمع نفسك😇 و ضميرك و الناس المتخصصة بهل الأمور و اتمنالكم التوفيق 🌹 


شارك الموضوع

مواضيع ذات صلة