نصائح للطالب بخصوص الاعادة (اعادة السنة الدراسية)

#ألاعـــــــــــــــــــــــاده 

شنو نصيحتي بخصوص اعادة السنه ؟ 

- نصيحتي هي شي واحد بس .. أي اعادة بدون #تصحيح_الاخطاء فاشششششله فشل ذرررريع 

هووواي طلاب يكولون اذا معدلي 95 اذا عدت راح ينزل معدلك 
او اذا طلعت 75 وعدت صعب تحصل 98 
و...
و...
و....


شوفوا هذا 👆 خطأ . معدل السنه الاولى ما أله اي ربط بمعدل السنه الثانيه .. اكو طلاب مادخلت وزاري بثاني سنه طلعت 85 .. او اكثر 🙂

أنته ليش تعيد ؟ 
حته تحصل معدل اعلى 

شنو الفائده تعيد وانته ماعندك خطه دراسه ؟ 
اغلبكم يفكر شلون يطلع 99 بس ماعنده خطه ما صحح اي خطأ ماغير طريقة دراسته .. 
اكيد ما راح يتغير شي وما راح يصعد معدله 

اذا تريد تعيد طبق هالأمور 👇👇


💠 #الخطه اذا متسوي خطه لتعيد ابد ولتورط نفسك .. 
شنو الخطه ؟ الخطه هي 
ع اي ملازم راح تعتمد ؟ 
باليوم كم ساعه تدرس ؟
بالاسبوع كم يوم تدرس ؟
يوم الجمعه والسبت شتسوي بيهن من اجل رفع مستواك ؟
الدرس اللي ما فاتحه شلون راح تتعامل وياه ؟
شلون تتخلص من سالفة النقوصات ؟
شوكت تخلص كتبتك ؟ قبل اشهر المراجعه ؟
كعدتك ؟ نومتك ؟ ونستك ؟ ... الخ
وبعد هواي امور 

💠 صحح صحح صحح اخطائك . سجل اخطائك بورقه وصحح كل خطأ بيهن اذا متصحح الاخطاء اللي وكعت بيها لتعيد

💠 التضحية بالفشل . 

براسك شغلتين ( الفشل والنجاح ) 
والعقل نفس الكلب ميصير ل اثنين 

لو يحتوي الفشل لو يحتوي النجاح .. اذا تعيد كون تضحي بالفشل وتتخلى عنه . وتخلي بعقلك بس النجاح .. 
مو كل اسبوع وكولت لو ادري ماعايد .لو ادري ناجح وخلصان .لو ادري ماعدت لان جماعتي راحوا كليات .اذا تبقه بهالتفكير ماراح تحقق شي .. 

#ملاحضه / كولشي حجيته هسه انته تعرفه . بس مشكلتك مدا تصارح نفسك بيه . متعنت برأي واحد وتفكير واحد .لكل سلبي معاكس ايجابي .حاول توجد الايجابي دوم 

شارك الموضوع

مواضيع ذات صلة

3 التعليقات

التعليقات
11‏/08‏/2018 1:24:00 ص حذف

اني معدلي ٨٩.٣ ادخل معهد النفط في بغداد

رد
avatar
13‏/08‏/2018 12:36:00 ص حذف

السلام عليكم معدلي 65.5 شنو انقبل عفيه

رد
avatar
14‏/08‏/2018 2:12:00 ص حذف

ليش متجاوبون بليز

رد
avatar