المعدل التراكمي لكليات الطب | و الاختصاصات الشائعة فيها

المعدل التراكمي لكليات الطب | و الاختصاصات الشائعة فيها

المعدل التراكمي لكليات الطب | و الاختصاصات الشائعة فيها

المعدل التراكمي لكلية الطب :

5% للمرحلة الأولى
5% للمرحلة الثانية 
10%للمرحلةالثالثة
15% للمرحلة الرابعة 
25% للمرحلة الخامسة
40% للمرحلة السادسة


 نحجي عن اختصاصات الشائعة ومعدلاتها    
١.نبدي بالميجرات اللي هن #الباطنية (وتكدر بعد متخلص 5 سنوات البورد تدرس  سب سباشلتي مثلا كارديو او اونفرولجي  وهكذا ) و #النسائية و #الاطفال و #الجراحة_العامة
(من 50 إلى 65 )

٢.#جراحة_الاعصاب  #جراحة_الصدر 
#طب_الطوارى
بين ( 63 _ 68 )

٣.#نيورو_مدسن #رسبايتوري
أدنى شي 62

٤.#كسور 
بين (65_72)

 ٥.#مفاصل  #جراحة_بولية #امراض_دم
بين (75 _ 70)

                                                #ENT  
تقريبا 76 و77

٦.#العيون  #الجراحة_التجميلية #جلدية
#باثو 
هاي بالثمانين  ونهاية السبعيينات 


٧.#الاشعه أدنى شي 75

٨.#طب_الاسرة و #التخدير و #النفسية
#اورام تعتبر بوست روتيشن , يعني فروع شحيحة يقدملهن الطبيب بعد ما يخلص الاقامة الدورية مباشرة بدون (سنة التدرج) و عادة ياخذهن الاطباء المعدلاتهم قليلة و يريدون يكعدون بالبيت مثل الدكتورات

وطبعا عادي تقدم على حسابك بالخارج على البرانج اللي تريده مثلا على ايران عيون 😅 مجرد اولا تحظر فد كم دفتر فلوس ثانيا تختار بلد ميحتاجون وثيقة
ثالثا تسافر هناك  وتدرس اللي ببالك و بفلوسك 


الواسطة تصنع المعجزات وتلعب دور كبير حتى ممكن تحولك من الصحة للتعليم🌚


الامتحان التنافسي علمود قبول البورد يعني بعد متتوزعين ع البرانج الي هو يعتمد كليا على معدل الكليه


وعلى فكرة كل سنة هالمعدلات  تختلف ماكو شي ثابت ابدا العدد يختلف والمحافظات تختلف والوجبات تختلف. وكذلك الفروع المفتوحة، ومرات بالوجبة 2 او ال 3  يفتحون حتى ماينرات،لذلك لا تخافون، والقبول هم يختلف حسب العدد الكلي المقدم كذلك على عدد المقاعد لكل برانج وكل محافظه شكد فاتحين كذلك حسب رغبه كل شخص لان اكو هواي من اصحاب المعدلات العاليه يرحون ميجرات لان رغبتهم او لان ميردون محافظات فبالتالي الاقل منهم رح تصيرلهم فرصه اكبر

 حطوا ببالكم شنو اولوياتكم، 

هل #الفرع او #السكن 
الفرع حاولو تعرفون كل فرع شنو سلبياته وايجابباته، و قدرتكم، على تحمله،.
 وبعدها الفيميل حطي ببالج اذا عندج بيت واطفال راح تضحين بجزء من كلا الطرفين. احتمال تحصلين بيتج و الفرع الي تحبيه بس تتعبين كلش، واحتمال تضحين بواحد منهن، لذلك فكري زين،




وضع القراءة :
حجم الخط
+
16
-
تباعد السطور
+
2
-