كل شي عن الدراسة الخارجية الامتحانات الخارجية , الامتحانات التمهيدية

شنو المقصود بـ " #الإمتحانات_الخارجية " لطلبة الإعدادية ؟ ومنو تشمل ؟ 

- اعزائي، الإمتحانات الخارجية أو كما معروفة " الإمتحانات التمهيدية " هي فرصة الحصول على الشهادة الإعدادية في الفرع الذي ترغبه، هذه الإمتحانات تشمل فئة معينة من الطلبة وهمَّ : 

- الطلبة إلّلي رسبوا سنتين متتاليتين في نفس الصف، بمعنى طالب السادس الصباحي من يرسب سنتين متتالتين في نفس الصف ينتقل مسائي وإذا رسب سنتين في المسائي هنا حيطلع من الدراسة المسائية، زين وين يروح ؟ يروح يقدم للإمتحانات الخارجية إذا احب يكمل الدراسة.


- الطلبة إلّلي تركوا دراستهم من سنين بسبب أوضاع خاصة بيهم، مهما كان عمرهم يگدرون يقدمون على الإمتحانات الخارجية ويحصلون شهادة إعدادية ومن خلال معدلهم يگدرون يقدمون للكليات وفق الإستحقاق. 

- الأشخاص إللي دخلوا كليات وتخرجوا ويردون يحصلون شهادة ثانية، يعني مثلاً أنت أحياناً تلاحظ شخص واحد لديه شهادة في القانون وشهادة في الإعلام وغيرها، فتگدر بواسطة هذا القرار وهذه الإمتحانات تحصل على اكثر من شهادة "وفق التعليمات الأخيرة الخاصة بالإمتحانات الخارجية" وهذا له بوست خاص به وله ضوابط وتعليمات. 

ومن خلال هذا القرار تگدر تمتحن وزاري مع طلبة السادس العاديين في الموعد إلّلي تخصصه وزارة التربية، لكن قبل هذا لازم تقدم للإمتحانات الخارجية وموعد التقديم يكون بداية شهر 11 ويستمر التقديم لأكثر من 40 يوم تقريباً، وبعد التقديم واكمال الإجراءات والتسجيل راح تخضع لشيء اسمه " الإمتحان التمهيدي " وهو امتحان تحدده وزارة التربية ويكون في بداية شهر شباط " الشهر 2 " وتمتحن كل المواد من البداية حتى النهاية، وإذا نجحت بـ 4 مواد من أصل 7 مواد يتم تأهيلك وقبولك في الإمتحانات الوزارية التي ستحددها وزارة التربية لاحقاً لطلبة الإعدادية وتعتبر طالب سادس حالك حال أي طالب آخر. 

#الملخص : الإمتحانات الخارجية مجرد اختبار إلك يكون في شهر شباط، وإذا نجحت بـ 4 مواد يتم قبولك وتتأهل للامتحانات الوزارية النهائية، وإذا رسبت بأكثر من 4 مواد فلا يتم تأهيلك ولك الحق ان تقدم مرة اخرى للامتحانات التمهيدية ولكن في السنة الدراسية القادمة، والإمتحانات الخارجية يُشمل بها فئات محددة من الطلبة فقط وكما ذُكِرَ أعلاه. 

- ملاحظة أولى : لا فرق بالتقديم للكليات بين الطالب الناجح من الدور الأول أو الدور الثاني أو الناجح من الدراسة المسائية أو الناجح من الإمتحانات الخارجية على الأطلاق، الكل يعتبر خريج إعدادية وتاخذ استحقاقك تماماً وفق معدلك. 

- ملاحظة ثانية : الإمتحانات الخارجية متوفرة لطلبة الإبتدائية والمتوسطة والإعدادية، وكل ما تنجح من امتحانات وتتخرج من فرع تگدر تقدم على فرع أعلى منه إلى ان تصل إلى الإعدادية وتنجح للكلية بإذن الله. 


- هذا بصورة عامة المقصود بالإمتحانات الخارجية "التمهيدية"، والتعليمات تصل في شهر اكتوبر " شهر 10 " من كل سنة تقريباً، وسنوضّح كل شي يخص التقديم تماماً وكل الإجراءات المطلوبة منك عند صدور التعليمات من اللجنة الدائمة للإمتحانات، وهي غير معقدة ولا صعبة بإذن الله.


شارك الموضوع

مواضيع ذات صلة

9 التعليقات

التعليقات
27‏/09‏/2018 2:13:00 م حذف

اني مواليد ١٩٩٩ اتخرجت من السادس ادبي اريد ارجع خارجي علمي يصير اقدم

رد
avatar
غير معرف
30‏/09‏/2018 9:26:00 م حذف

مرحبا اني مواليد 1999 تركت من السادس الابتدائي يصير امتحن خارجي

رد
avatar
14‏/10‏/2018 3:51:00 م حذف

اني مواليد 1990 طالبه سادس مارسبت ولا سنه بالمسائيه والسنه يكلولي لازم انتي خارجي تمتحنين صحيح هذا الشي

رد
avatar
16‏/10‏/2018 3:22:00 م حذف

سلام عليكم اني مواليد ٢٠٠٠ وتركت بل سادس بتداي يصير متحن خارجي

رد
avatar
18‏/10‏/2018 10:05:00 م حذف

بلازحمه يعني اللي دايدرس كليه ويريديتركهاويرجع.يعيدالسادس بنفس القرن يحقله لوميحقله

رد
avatar
20‏/10‏/2018 2:03:00 م حذف

السلام عليكم اني مواليد1988 تركت الدراسه2003بسبب الحرب كنت صف ثاني متوسط يحق اليه ادرس خارجي ولكم جزيل الشكر

رد
avatar
21‏/10‏/2018 8:28:00 م حذف

لازم تنجحي من السادس واكو مدرسة يسموهة حقوق الانسان يستقبلوج وتداومين جمعة وسبت بس وهم اصلا ينجحوج .والسنة الي بعدهة تقدمين هارجي وتدرسي ثالث متوسط

رد
avatar
21‏/10‏/2018 8:29:00 م حذف

اي يحق لك والتقديم شهر 11 وراح تدرس ثالث متوسط ..

رد
avatar
22‏/10‏/2018 3:14:00 م حذف

السلام عليكم اريد اقدم لبنتي للثالث متوسط واريد نصيحة كيف ندرسهه واي مادة ضرورية لتدريسها في المعهد من اجل التمهيدي

رد
avatar