تحسين المعدل للصف السادس الاعدادي - لعام 2018
#تـــحـــــســــــين_الــمـــعـــــدل
خل نوضح التحسين اول ..
جان اكو قرار يكول الناجح من الدور الاول بجميع المواد . شرط ناجح من الدور الاول ..
يكدر يحسن معدله بمادة او مادتين ..
شنو يعني 🤔
يعني مثلا درجاته كولهن تسعينات بس بالاحيا 66 وبالانكليزي 55
فيريد يحسنهن .الوزاره تسمحله بأنه يعيد امتحانهن بالدور 2 ..
بس ها
راح تروح منه درجة الناجح من دور 1
هذا الحجي 👆 صار بسنة 2015- 2016
اما ب 2017 شصار 😳
صار قرار ما صاير بكل الدنيا 😒 ..
الوزاره كالت اقرار التحسين من صلاحية رئيس الوزراء .. والعبادي كال لا هذا من صلاحية وزارة التربية . واخر شي كالت الوزاره ماعدنا فلوس نسوي تحسين..
فأجوا بقرار مفاجئ . وهو يسمح للطالب الناجح من الدور 1 بأعادة السنه بجميع المواد .. تحت مسمى (التحسين)
هسه 👇
هالسنه يجي يا قرار ؟ بس ابو الدرسين ؟ لو ابو اعادة السنه ؟
يجي لو ما يجي ؟ 💔
محد يعرف الا بعد اسبوع ياله يطلع الخبر الاكيد