#دراسة_الوزاريات_فقط
موضوع شائك ولا توجد له اجابه وأن وجدت فهي متناقضه .. طبعا الجواب عن هذا السؤال ببساطه هي حسب الماده .. يعني شلون ؟ 🤔
يعني هذا الشي يخدمني #بالاحياء ادرس من سنة 1997 الى 2018 اطلع من 70 ل 85 درجه ..
او #بالادب من 2005 للأن اكدر اطلع من 35 ل 40 لأن اغلبهه متكرره ..
طيب والاسلاميه ؟ ؟
الاسلاميه كتاب جديد صارله سنتين . يعني مابيه ذاك الكم الهائل من الوزاريات حته اكدر اعتمد بس ع وزارياته ..
طيب #والتأريخ ؟ ايضا كتاب جديد . نعم قد تتكرر فد 50 او 60 درجه احتمال التعريف يتكرر بس يجي فراغ والفراغ قد يتكرر بس يجي تعليل
و #الجغرافية و #الاقتصاد ؟ بالنسبه للأقتصاد هواي شفت متكرر . الجغرافيه كتاب جديد لكن بعض مواده قديمه نفسها لكن الاعتماد فقط ع وزاري اعتبره مجازفه ...
#والانكليزي ؟ طبعا دوما يجي متكرر من نفس المواضيع لكن بأفكار مختلفه فأنته اذا تدرس بس وزاريات اشوفه صعب ان توصل 90
هسه نجي 👇
#الرياضيات #الكيمياء #الفيزياء
افترض ادرس بس وزاريات . ياترى بالوزاريات بكل فصل كم سؤال ؟ مثلا الرياضيات اقل شي فد 35 سؤال صح لو لا ؟
يعني تدرس 35 فكره بدون قاعده هاي بالفصل الواحد .
اما لو تدرس كتابك او ملزمتك أقله عندك ملاحضه ع حل وعندك قاعده حافضها لحل أي سؤال . صح لو لا ؟ وتكدر تحل وزاري .
اما تجي كبل تدرس سؤال وزاري فقط بدون اي فكره عن حله هنا راح تضطر تدرخه ! وكون تدرخ 100 فكره !!
وبالنسبه للكيميا والفيزيا نفس الكلام ..
اما كلاميات الكيمياء والفيزياء اغلبهه مكرره وزاريا . لكن مو شرط 100% نفسها فهنا بس يحول بفكرة السؤال احتمال فراغ يجي مره ثانيه تعريف او العكس راح يخليك تفقد كلشي
هاي اجابه مختصره عن ( اذا ادرس بس وزاريات اكدر اخذ 100 ؟ ) ارجوا ان توضحت الفكره