#الــــتـــــأجــــــــــــــيل
للتأجيل فوائد واضرار .. شوكت أأجل ؟ وشوكت اقرر التأجيل ؟
#وقت_التأجيل
افضل وقت للقرار هو قبل لا تراجع الماده . يجب أن تتخذ القرار اما أن تأجل أو ان تضحي بهذه الايام وتستميت لأجل الامتحان ..
#شوكت_أأجل ؟
اذا جنت مافاتح كتاب أبد . او اذا جنت ما فاهم او ما دارس اكثر من نصف الكتاب . يعني اذا جان الكتاب 8 فصول . وانته ما دارس 5 فصول منه .
#فـــوائـــد_التــأجــــــــيل
1⃣ ينطيك وقت اكثر لضبط الماده .كمشاهدة شرح ع يوتيوب او اخذ خصوصي او غيرها ..
2⃣ الاستفاده من ايام هذه الماده لماده اخرى .. يعني بفترة المراجعه ايام الماده اللي أأجلهه اضيفهن ع باقي المواد
3⃣ الوقت بين امتحان وامتحان . تأجيل ماده او اكثر ربما يعطيك فتره استراحه بالامتحانات واسترخاء اكثر
#اضــــرار_الـــتــأجـــــــــيل
1⃣ تروح عليك درجة الدور الأول . لأن اللي يأجل مينطوه درجة ع المعدل مال النجاح من الدور الاول
2⃣ ربما تفقد الواهس لان امتحانات الدور 2 تصادف 8/27 يعني بهالفتره يجوز يصيبك الملل او الاحباط
3⃣ بالتفضيل . يعني مثلا قسم #التحليلات .يجوز باقي 5 مقاعد ويقبط . وباقين فد 10 طلاب مقدمين فهنا من يختارون 5 راح يفضلون الناجح بدور 1 ع الناجح من الدور 2
4⃣ ربما تجي الاسئله سهله بالدور الاول . واحتمال تجي اصعب بالدور 2
*⃣*⃣*⃣*⃣*⃣*⃣*⃣*⃣*⃣*⃣*⃣*⃣*⃣*⃣
الطالب هو من يقرر يأجل او لا .لأن الطالب هو أعرف بنفسه من غيره لكن اتخاذ القرار يجب ان يكون جريئ