كيفية دراسة مادة الادب والنصوص للصف السادس الاعدادي (شرح مبسط وخطوات سهلة)

شلون أدرس مادة الأدب ؟ أعاني منها . مداتنهظم . 👇

#الادب .. 

ماده سهلة جدا . والاربعين درجه بيها مضمونه حيل .. شلون ؟ لان دار داران . نفسها تجيك دار داران .. لا مسأله رياضية ولا مجاهيل ولا خارجي 👏

هسه نريد الزبده شلون نقراها ؟ شوف 
قبل كولشي لازم اعرف اني شدا أقره ؟ 📕 .. اني اكولك . همه شعراء وكتاب . بس ذوله جانوا كلمن وجماعته . يعني مو شاعر وكبل .
هو مو شاعر يطلع ع التلفزيون ويكول 

روح براحتك هو انته تطرب ع الغريب . وخلص 

لا لا .. ذولة بوقتهم ع مستوى العالم فألهم 👈 #مدارس . كل 4 أو 5 بمدرسه معينه .. كلمن وشلته التعبانه .. 

هسه نجي نشوف المدارس وجماعاتهه

#الادب وتطوره .. هاي بيها 3 تعاليل وتعداد نفسهن يعيدوهن 

#مدرسة_الاحياء .. بيها 5 شعراء 
البارودي - الكاضمي - الجواهري - الحبوبي - حافظ ابراهيم 

#مدرسة_المهجر .. بيها 
جماعتين .. جماعة الشمال وجماعة الجنوب ومنهم 
ميخائيل نعيمه 

#جماعة_الديوان .. هم بيها 4 مخربطين بس فلج واحد بيهم اسمه
عبدالرحمن شكري

#جماعة_ابولو بيها 2
علي محمود طه - وعبدالقادر الناصري

#مدرسة_الشعر_الحر .. بيها نازك والسياب

هسه انتبه وياي 😳 ذوله 👆 العصابات او الجماعات كلمن وشلته التعبانه .. فأنته من تدرس 📝 تدرس المدرسه شوكت تأسست منو بيها ؟ شسوت للشعر ؟ شنو الي نجحت بيه ؟ وبشنو فشلت ؟ 
بعدها ندرس الشاعر البيهه .. 
#الشاعر شندرس بيه ؟ هو الشاعر خبزته شنو غير #القصيده 😏

حياته .. مؤلفاته .. قصيدته .. وبس 
بعدها تعال تناقش بحياته وقصيدته .شلون جانت ؟ والمن جان يطرب ؟ وليش كتب هالمصخومه ؟ (القصيده) 😐 وهالسوالف التعبانه 


هسه لحد هنا بالوزاري من 18 الى 25 درجة ذوله وحدهم ..

طيب خلص الادب ؟ 🤔 لا اكو بعد 
اكو شعراء صح بلا مدرسه .بس هو متصدر بفد نوع من انواع الشعر .اما قصيده او غناء او خطبه او مقام او غيرها


#انواع_الشعر 👇👇👇👇👇


#الشعر الوجداني . اشتهر بيه مصطفى جمال الدين

#الشعر_المسرحي . بيه محمد علي الخفاجي 

وعدنا #شعر_تعليمي #شعر_ملحمي .

 #شعر_القضية_الفلسطينية .. الي بيه فدوى طوقان ومحمود درويش 

وبعد ؟ عدنا #النثر
وعدنا #القصه_القصيره بيها #محمد_خضير هذا نفسه الي بكتاب الانكلش 

وعدنا #الرواية وعدنا #المقاله وبيها علي جواد الطاهر 

واخر شي #الخطابه .. والي اشتهر بيها عبدالله النديم وخطبته دوم تجي بالوزاري دوم .. 

هسه شعرفت ؟ 
الادب عباره عن مدارس .. ينطيك المدرسه وفد 2 او 3 او 5 من شعرائها . او نوع من انواع الشعر وفد شاعر من المشهورين بهذا الشعر .. 

طبعا اذا ادرس شي جاهله ما راح اهظمه . لان كبل من الجواهري اطب ع السياب ومن نازك ارجع ع بارودي . وتاهت يحسنه . 

لازم اقسم .كل مدرسه وجماعتهه . احفضهم اكملهم ياله انتقل لغير مدرسه .. 


شاركني رأيك