كل شيء عن الدراسة خارج المحافظات (الاقسام الداخلية) للطلبة والطالبات مهم

اليوم موضوعنا عن  الدراسة خارج المحافظة و #الاقسام_الداخلية 
#القسم_الداخلي يعني بيتي الثاني يعني الخوه الزينة و المواقف 
هواي تجينه اسأله عن الأقسام الداخلية و طبيعة الحياة بيها و سلبياتها..

● المنشور جدآ طويل يعني بس الي اليقدم خارج محافظته يقراه  و الي ما مقدم هم خل يقراه و يتونس😁😁 و طلاب الاقسام الداخلية نتمنى كل واحد يذكر قسمه و رأيه بي مرتب لو لا و نصيحته الطلاب...

للآسف أغلب الطلاب ماخذين نظره سلبيه تجاه الاقسام الداخلية و عبالهم سجن و كأبه و ممرتاحين ابد.. 

لكن العكس هو الصحيح 

● راح احجي كلشي يجي ابالي عن
 الأقسام بدون نقاط او بعض الأمور تمام 👍

الأقسام هي عبارة عن مجمعات سكنية لطلبه الجامعة ( مشابهة للفنادق  والشقق )

الغرفة 5 ×3  هاي يسكنون بيها 5 طلاب 
و اكو غرف كبار بيها 8 طلاب 
و اكو بيها 12- و اكو 18 هاي حسب الجامعات

المهم الغرفة بيها ثلاجة خاص بيها 
و جرابي على العدد ( و الزايد ينام بالكاع😂) 

تلفزيون ما بيها  لان تنسون هيج شي من الونسة😁😁 بس اكو بلازمة تطلع عليها المباريات و بوية الهوسة و الجمهور المهم القسم ينكلب ملعب الشعب😂😂

موبايل مسموح يدخل للولد او اما البنات بأغلب الاقسام ممنوع ابو الكاميرا ( الصرور تاخذنه بس 😁)

المطبخ و الصحيات مشترك بين الطلاب ..

زين اني ما اعرف اطبخ شلون😴
هاي سهلة لان بالقسم تعاون مو طبيعي و طلاب المرحلة الاولى بالبداية مدللين و كل يومية معزومين و طلاب غير مرحلة يعلمنوكم عالطبخ و تصيرون(جنه )😂😂   و عادي شهر ما أتعلم و  تحرك التمن  بعدين تتعود و تعلم😁😁

صدك شلون الاكل بالقسم كله احنا نسوي؟

اول كورس اهلكم مدللينكم أشكال اكل ينطونكم كله جاهز بس تحمي..
بعدين يملون منك و من جيتك 
و تبقى عايش عالفاصوليا و البتيته أربع سنوات😂
لا اشاقة بس هاي معروفة بالأقسام 
المهم المركة تنطبخ بالبيت وتنحط بجياس نايلون و تجمد و بالقسم بس تحمونها  و باقي المشويات مثل كباب  كبة  بعلم تجميد  و التمن عليك انت تسوي

بأغلب الاقسام اكو ملاعب خماسي  و حدائق حتى تأخذون راحتكم لعبات و بطلات وتقرون بالحدائق أيضا 

صدك ماكو قراية بالقسم الداخلي؟!

لا كذب اليريد يقره يقره و الما يقره هيج يكول.
و الاقسام مجمعة قطاع الطب وحد 
ذولة كلهم سجاجة تروح صوت ما تسمع كلها نسج

( شنو القطاع  ) عبارة عن  ممر بي 20 غرفة تقريبا و مطبخ و صحيات  و اكو أقسام ع شكل سويتات 😎

كل كلية الها قطاع وحد مثلا القانون بقطاع الإدارة بقطاع  وهكذا 

انتو و جماعتكم بالقسم تنجمعون بغرفة  و تجيبون السجاح مالتكم و يشرحلكم😐 و هالشي من إيجابيات القسم لان ماكو شي يعصلك و طلاب غير مرحلة يشرحولك. 

اي بعد شكو😉  
نجي عالكشخة يعني الملابس الزينة

المعروفين طلاب الاقسام كلهم كشاخة و كل يوم لبسة جديدة و ستايل 
لان حتى اذا الطالب  ما اله واهسهم يسوله واهس  و تجيب ملابس  من جماعتكم و كل يوم ستايل شكل ( تروح لغرفته تاخذهن بس تغلسهن و ترجعهن حتى يحترمك  )

و اذا متحب هاي السوالف عادي لاتطلب لبسة من أحد و محد يطلب منك...


الونسة بالقسم و الشقة 

احنا كلنا انه القسم بس ونسة و حياتك عبارة عن ضحك  مواقف و تحشيش 😂👌

و هاي المواقف و اللمة طول عمركم ما راح تنوسها لان من اجمل ايام العمر

فالمعروف بالقسم كله تصنيف  و مواقف 😁

الصراحة اكو بعض الطلاب ( حقنة😁) ما يحبون يشاقون و لا يختلطون  و يسلمون ع احد او مغرورين  و ميردون هيج أمور   هالشي غلط بس هالشي راجعلهم ما اعرف شكللهم بس الي يحس نفسه هيج ليروح قسم داخلي  لان محد يحبك 
 و القسم اذا متختلط و تشاقة متكظي السنة و متتونس تمام👍

زين ليش صديقي يكره القسم و روحه طافره منه و يعاني منه؟؟😑😴

__باع هالشي يعتمد ع أصدقاءك و الي وياك بالغرفة 
اذا اجه واحد خنكة و مو خوش ادمي راح تكره نفسك و الكلية و القسم 

فشكد ما اكو ونسة بالقسم شكد ما اكو نفسيات و ناس تكره

بس تكدر تكعد وية أشخاص تعرفهم و تتونسون

و اذا  ما عندك أحد 

بالاولى اتعرف عليهم و بالثانية اكعد و سوة 
تمام👍

تكلمنا عن إيجابيات القسم اعلاه اما سلبياته 
هي كلها متعلقة بغرفتك و الي وياك اذا متعاونين بالطبخ و الشغل و زينين ترتاح نفسيا و وتتونس 
و أيضا اختيارك الجامعة لان اكو بعض اقسام بعض الجامعات  تعبانة جدآ جدآ و ما أنصح بيها  
( بعض مو الكل ) بس شي على شي أغلب  الأقسام مرتبة و كهرباء مستمرة و ماء و غيرها 

الا بعض الجامعات مثل تكريت طلاب الاقسام بيها هواي يعانون منها و جدآ تعبانة و شخصيآ ما أنصح أحد من غير محافظة يقدملها لان هواي راح تعاني..

فهذا منشور بصورة عامة عن القسم 

اكو شغلة 
الحقيقة و الواقع أغلبنا مأخذ نظره مو زينة على سمعة الاقسام الداخلية و سمعة الطالبات  يعني بس يسمع هاي طالبه اقسام داخلية و رايحة غير محافظة عبالك شوف شسمعان عليها و بكيفه يطلع سوالف و ينعثل عليها( هاي حقيقة لازم نحجيها )

فهذا مو مقياس ابد

♡┊آبہܲــنܲہ آلبـ٘ـصــٝܲرهہ ↜┊☻, [٢٨.٠٩.١٧ ١٨:٠٧]
و طالبات الاقسام نسوان معدلات لان شايفيات معاناة و يتجاوزن كلشي و صبورات و تصير ام بيت معدله😁

طبعا اني أيضا طالب قسم داخلي صح الكلية مو حلوة بس الونسة كلها بالقسم ( حتى ب11 او 12 الظهر ارجع للقسم😂👌) 

فكايلها أكثر من مرة الطالب إلى ما ساكن قسم لا يتعبر نفسه طالب جامعي  مو مبالغة بس يا أخي هو شي غير يعني يخليك ت

عتمد ع نفسك و كلشي بيدك تسوي 

يعلمك شنو يعني الخوه شنو يعني التعاون  و تساعد الكل و اذا صارت مشكلة تلكه طالب القسم اول الناس  بالبداية يتدخل...

ها صدك اهم شي نسيت اكوله😁

بالقسم الداخلي مستحيل تعتاز لاحد و اخوتك بالقسم موجودين 

بس كول التريده و يجيك ركض و كلها توكفلك 

اذا تتمرض متحس غير نص القطاع وياك بالمستشفى او المستوصف ويعزلونه😂 يعني اي شي يصيرلك كلها توكفلك

طبعا القسم بي طلاب من جميع المحافظات و كل القوميات و المذاهب  فراح تعاشرهم و تخاويهم بعض النظر عن طائفته...

و هالشي راح يخليك تحب الكل و تنسى شي اسمه طائفية و تغير نظرتك عن هواي امور جنت متوقعها غلط...

المهم هذا كل اجه ابالي هسة و كتبته الكظ و اني بالطريق إلى البيت عائدآ من القسم الداخلي☺️ و انتظرونا في منشورات غيرها

● صحيح تجي ايام او مواقف تكره بيها نفسك تكره القسم و الدوام بس هالشي من مقياس أنه القسم الداخلي محلو بس هي ظروف يمر بيها كل إنسان حتى لو كنت ابيتكم فعادي يعني☺️

شارك المنشور ليصل للجميع

شارك الموضوع

مواضيع ذات صلة