مرحبا بكم على موقعنا | أتمنى أن يعجبكم محتواه | فقط ادعمونا بالانضمام الى الموقع | لتحفيزنا على تقديم المزيد. ×

كوري بيوتي Goree

ايهما افضل المعهد الطبي ام معهد النفط ؟ السؤال الذي يتكرر لدى طلاب الكلية وخريجي السادس الاعدادي


تريد تقدم على معهد و حاير ياهو الاحسن؟ اليوم الحل ويانا....
و بنفس الوقت راح نعرف على أجور الرواتب و شنو تخصصك من تتخرج و هوا امور غيرها...
س/ منو الافضل المعهد الطبي لو معهد النفط؟!
هذا السؤال يتكرر علينا دائمآ لذلك حبيت اوضحه بهذا المنشور.
اني ما راح اكلك ياهو الاحسن بس راح اوضحلك اهم الامور و الباقي عليك
1- #التعيين
■ المعهد الطبي تعيينه مركزي
■معهد النفط تعيينه مو مركزي
لكن التعيين فيه مستمر وماكو احد من خريجينه كاعد.
تتعيين بالشركات النفطية
و المعهد يقبل الطلاب ع اساس المقاعد المحددة من قبل الشركة
مثل الشركة مال بغداد محددة 80 شخص تحتاج بعد سنتين
فيقبل المعهد 80 شخص فقط حتى يضمن تعيينهم
وصلت👍
و الشركات النفطية هي حكومية مو اهلية و اكيد بيها تقاعد
س/ لعد مو يكتبون تعهد عدم المطالبة بالتعيين ؟
اي صح بس هاي شي روتيني
و مو يعني ماكو تعيين( تابع الملاحظة في نهاية المنشور )
2- #الراتب معهد النفط أعلى بهواي راتبه من المعهد الطبي و النفط بي شغلات خطورة وكذا
و غيرها يعني #تقريبا بعدين راتبه اول شي 800-950 الف ( حسب الشركة) و بعدين يزود و يصير ضعف راتب الطبي( ما عدا قسم التخدير )
رواتب المعهد الطبي
اغلب الاقسام رواتبهم 490الف
عدا قسم التخدير و الادلة الجنائية ب600او 700الف
● الأقسام الطبية تكدر تشتغل شغلة ثانوية
مثلا الصيدلة تكدر بصيدلية و تستلم إلى جانب الراتب 500 الف تقريبا من شغلك وكذلك صحة مجتمع بس اكيد ما يحصل فلوس مثل الصيدلاني الاختصاص
وكذلك التحليلات تشتغل بمختبر و أيضا تحصل راتب من شغلك
و التمريض تفتح عيادة زرق الابر
وكذلك بالنسبة لمعهد النفط بي أرباح سنوية يحصلون بالسنة تقريبا 5 او 4ملايين او اكثر حسب الشركة
3-#مكان_العمل اكيد خريجي المعاهد الطبية شغلهم كله بالمستشفيات و اكيد اغلب الاقسام شغلهم خفارة.
نجي على تخصص الاقسام
■ صحة مجتمع هذا شغله جوكر
يشتغل وية الممرضين و او يطلع كشف صحي على المحلات و المطاعم او يطلع على التلقيح( ذولة اليفترون كل سنة يلقحون الاطفال ) او بصيدلية هم يكدر..
#فحص_بصر شغله فحص العيون و تركيب النظارات
#الادارة_الصحية
الادارة الصحيه مسؤول عن الامور الاداريه كالاحصاء والسجلات وادارة الاقسام والمخازن بالمستشفى
■الاجهزة الطبيه(الالكترونيك) اجهزة صيانه ومراقبه الاجهزة الطبيه بلمستشفيات
مسؤول عن امور التحقيق في الحوادث والجرائم وعملهم باقسام الطب العدلي وفحص الادلة والجثث والبصمات وراتبه
تقريبا 650 الف
#التمريض زرق ابر و سحب دم و مراقبة العلامات الحيوية ( الضغط، التنفس ، النبض ) وكذلك شد الكانولة و المغذي.....
و باقي الأقسام واضحة من اسمها مثل التحليلات الماضية
بالمختبرات و الفحوصات الروتينيه سحب دم او تحاليل الشامله للجسم
و الصيدلة يشتغل بالصيدلية او بالمذاخر ( ما يكدر يفتح صيدلية بس يشتغل بيها كعامل يعني تحت اشراف الصيدلاني )
#معهد_النفط شغلهم بالشركات النفطية و المختصة بذلك ( أغلب الاقسام خفارة )
●الخفارة يعني شغلك ليلي و تبات بالشغل
● اكيد التعيين للمعهدين بمحافظتك لان اكو شركات نفطية تروح تتعين بيها
بأستثناء قسم حفر الابار تعيينه فقط بالمحافظات الجنوبية وراتب هذا القسم مليونين.
● شغل البنات هو إداري
4- #الشهادة للمعهدين هي دبلوم و مدى الدراسة سنتين فقط في المعهدين..
زين بيا معهد بعدين اكدر اكمل دراسات؟
■معهد النفط فقط الاوائل يكدرون يكملون هندسة نفط. صباحي. ( زين عادي يستلمون راتب و هم يكملون دراسات؟؟
لا اذا يداوم هندسة نفط ما يستلم راتب.
● توضيح
اوائل معهد النفط رح يكون الهم عقد وي وزارة النفط
اذا كملوا هندسة صباحي رح يتعيينون مباشرة كمهندسين. لكن بشرط يكونون من الربع الأول بالـ٤ سنوات هندسة
اذا مو ربع اول ينلغي العقد
ويبقى حاله حال خريج الهندسه الي بدون تعيين
● الربع الاول يعني من الاوائل
مثلا بالقسم 100 طالب
لازم انت تطله من 25%
يعني انت تسلسل معدلك مثلا رقم 21
تمام👍
بس اذا اكو 27واحد اعلى من معدلك ينلغي العقد( هذا كمثال اذا كان العدد 100)
لهذا السبب اغلب الأوائل بمعهد النفط يفضلون التعيين عن إكمال الهندسة..
زين عادي الي مو أوائل يكملون مسائي هندسة نفط؟ ويدفع قسط لو لا؟
اي عادي يكدر يكمل و ما يستلم راتب و يدفع قسط الهندسة
#المعهد_الطبي
ايضآ فقط العشرة الاوائل يكدرون يكملون كلية ( قسم الصيدلة يكملون كلية صيدلة ) وهكذا باقي الأقسام
و يكون اختيار الطالب أما التعيين
او اكمال الدراسة ( على حساب الحكومة )
هاي فقط الدراسة الصباحية ( المسائي ما يصير)
المسائي الاول بالمرحلة الاولى يخفض القسط 50% والثاني 30% والثالث 20% ويحق لهم فقط الدراسه على حسابهم سواء كليه مسائيه او اهلية.
زين عادي الي مو أوائل يكملون كلية مسائية؟ يستلمون راتب و هم يكملون دراسات؟
اي عادي يدرس كلية مسائية و هو متعيين و يستلم راتب ايضآ بس يدفع قسط الكلية اليدرس بيها ( هذا الكلام يشمل فيه طلاب الدراسة الصباحية و المسائية )
5-#المعدلات حسب الأقسام لكن بكل الاحوال النفط أقل ويقبل معدلات 80 او 78 هذه السنة بسبب زيادة المقاعد(●○ المعدلات مو مقياس ابدآ لقيمة المعهد يعني مو لان النفط أقل من الطبي يعني الطبي احسن
لا ابد بس الأمر متعلق بعدد المقاعد
ويذكر معهد النفط تابع لوزارة النفط مو للتعليم )👍👍
1- بيا معهد اكو مسائي و اهلي؟ الطبي موجود بي مسائي لبعض الاقسام. و ما بي اهلي
. و النفط ما بي مسائي و لا اهلي ( فقط بأربيل و تعيينهم على الشركات الاهلية)
2-شلون اقدم؟
■معهد النفط تقديم الكتروني ( يرجى مراجعة اول تعليق وكذلك الملاحظة في نهاية المنشور )
■المعهد الطبي التقديم الصباحي انتهى مع التقديم المركزي و المسائي مفتوح لبعد نتائج التقديم المركزي ب10ايام ( يفضل التقديم قبل هذا الموعد لان احتمال يقبط و بعد ما يستقبل طلاب )
اذا قدمت على معهد النفط ما ينحجب تقديمك المركزي و عادي بعدين تختار الي يعجبك
يوم الاحد القادم آخر موعد للتقديم على معهد التدريب النفطي( البصرة )
و باقي المعاهد في يوم 12
لذلك نسترعي انتباهكم
و يمكنكم الإطلاع على شروط و استمارة التقديم في اول تعليق..
بالنسبة لباقي الصفحات الي راح تنشر المنشور
نحن نخول الجميع بنشره بس بشرط و هو ذكر المصدر
يعني ما بيها شي اذا ذكرت المصدر
لان احنا دا نتعب حيل بأعداد المنشور وترتيبه يعني مثل هذا المنشور تقريبآ اكثر من 4ساعات يلا كملته
و انت تجي عالحاضر بدون ما تتعب تنشره و تنسبه الك فهذا حرام وعيب عليك هذا الفعل مو من شيم الرجال (الرجال ما يسوي هيج امور .فكن رجلآ)
شارك المنشور ليصل للجميع 

ايهما افضل المعهد الطبي ام معهد النفط ؟ السؤال الذي يتكرر لدى طلاب الكلية وخريجي السادس الاعدادي ايهما افضل المعهد الطبي ام معهد النفط ؟ السؤال الذي يتكرر لدى طلاب الكلية وخريجي السادس الاعدادي Reviewed by HamaDa Al-iraqi on 2:38 ص Rating: 5

ليست هناك تعليقات:

يتم التشغيل بواسطة Blogger.