مرحبا بكم على موقعنا | أتمنى أن يعجبكم محتواه | فقط ادعمونا بالانضمام الى الموقع | لتحفيزنا على تقديم المزيد. ×

كوري بيوتي Goree

دراسة الخارجي (ماهو الخارجي - وكيفية التقديم) ابتدائية - متوسطة - اعدادية


#ألخارجـــــــــــــــــــــــــــــــي
شنو الخارجي ؟ وشلون أقدم خارجي ؟ وشوكت ؟ وهل شهادته نفس الصباحي ؟ وغيرها .. راح أوضحه
الخارجي / هو أن تكعد وتسكت بالبيت بدون ما تداوم ..فقط تروح تمتحن امتحان #تمهيدي 🤗 بشهر الثاني هنه 7 مواد انته مخير تمتحن 5 او 6 او 7 .. تمتحن اذا نجحت ب 5 راح تدخل وزاري اذا دخلت وزاري تروح بوقت الامتحانات وي طلاب الصباحي بشهر 6 تمتحن وزاري وهم يحقلك دور 1 و 2 و 3 اذا انطوه
قبل المعروف يجب ان تترك سنتان حته تقدم وشرط عمرك جبير .. أما الان أجه قرار جديد .. هو : ☺️ { من رسب في صفه سنتان متتاليتان يحول أما للمسائي أو يقدم ع الدراسه الخارجيه } هذا معناه بعد بدون ما تترك واعتقد هالسنه ان يكون مواليد 1998-97-96...الخ يحقلك تقدم خارجي .. هذا وفق قرار العام اما هالسنه بعد يبقه نفسه او لا .. الله اعلم
🚫 انتبه / من تقدم خارجي شرط مامسجل مسائي هالسنه يعني مو مسجل حضرتك بالمسائي ومداوم واجه بمزاجك تقدم خارجي #لا شرط مامسجل ...... هسه أوضح بعد 😌 شوكت أقدم وشلون أقدم وشسوي انتبه 👁👁
أول شي الوزاره تكول ينفتح 11/1 بس هو الحقيقه عن ما توصل التعليمات وكذا فيبدي التسجيل 11/15
أذا جنت طالب سادس تاخذ 10 صور حجم 3.5 × 4.5 يعني صور جواز خلفيه بيضاء .. وجنسيتك وشهادة جنسيتك اصليات واستنساخ وبعد 🤔
تروح #لمديرية_التربية الي بمحافضتك قبل لا تدخل بالباب تاخذ فايل وبيه استمارة تقديم ع خارجي (عريضه) بألفين دينار وتدخل تسلم وتكولهم يابه اريد اقدم ع خارجي 😢 هسه يكلك جيب الفايل أنطيهياه بعدها يوقع وينطيك ورقتين
1⃣ اول وحده تجيب بيها وثيقة الثالث متوسط من متوسطتك الجنت بيها .. اذا جنت نازح بغير محافظه يطلعوها عن طريق الحاسبه بدون ما تروح..بالممثلية
2⃣ الورقة الثانيه تجيب بيها #واقع_حال اخر صف جنت بيه وشنو جان فرعك .. أذا جنت ادبي فمجبر تسجل ادبي اذا جان علمي مجبر تسجل علمي وتختار تطبيقي او احيائي
وبعد 🤔
تجيبهن وتجي تنطيهمياه وتدفع 50 الف 💵 وينطوك وصل يكلولك روح تعال قبل شهر 2 ب 15 يوم شوف مكان امتحانك التمهيدي وبس واكعد ابيتك وأدرس
هسه نجي نجاوب سؤال وجواب 
🔵 سؤال / شهادة الخارجي تفرق عن شهادة الصباحي ؟
🔘 الجواب / خارجي صباحي مسائي كولهه شهادة وحده ومتفرق أبد ولا حته بالقبولات ادرس خارجي وطلع 98 تدخل طب ومحد يكولك منين أجيت . الفرق بس بالاعمار . هالسنه مواليد 1993-94-95 الخ ينقبل بكليات الصباحي اما 1992 لا مسائي
🔵 سؤال 2/ أكدر أغير فرعي ؟
🔘 الجواب / أذا حسب قرار العام نعم . مثلا جنت طالب احيائي او ادبي .بس من تقدم خارجي يحقلك تغيره . هالسنه يبقه نفسه لا .الله اعلم
🔵 سؤال 3/ اذا قدمت خارجي ورسبت يحقلي اقدم مره ثانيه ؟ 🤔
🔘 يحقلك تقدم 5 مرات ع خارجي حته لو ترسب
🔵 سؤال 4/ أني راسب او تارك بصف رابع او خامس او سادس قبل 50 سنه او قبل سنتين يحقلي أقدم هسه ع خارجي ؟
🔘 الجواب / نعم يحقلك

دراسة الخارجي (ماهو الخارجي - وكيفية التقديم) ابتدائية - متوسطة - اعدادية دراسة الخارجي (ماهو الخارجي - وكيفية التقديم) ابتدائية - متوسطة - اعدادية Reviewed by HamaDa Al-iraqi on 7:35 م Rating: 5

هناك تعليق واحد:

يتم التشغيل بواسطة Blogger.