مرحبا بكم على موقعنا | أتمنى أن يعجبكم محتواه | فقط ادعمونا بالانضمام الى الموقع | لتحفيزنا على تقديم المزيد. ×

كوري بيوتي Goree

كيفية دراسة مادة اللغة الانكليزية في يوم ونصف فقط للصف السادس الاعدادي


#كيفة_دراسة_ألانكليزي_في_يوم_ونصف

عند الرجوع من أمتحان العربي شلون أقسم الوقت خلال يوم ونصف فقط .بداية خل أنطيك جدول الدراسة 👇

#ألنصف_يوم 

من 3 ظهرا .... ألى .... 7 دراسة
من 7  -  8  أستراحة (صلاة + عشاء)
من 8  -  12 دراسة 

#المجموع ←← 8 ساعات دراسة

♥️♥️♥️♥️♥️♥️♥️♥️♥️♥️♥️♥️♥️♥️

#اليوم_الكامل ( ثاني يوم )

من 5 فجرا .... ألى .... 8 صباحا دراسة
من  8   -   9  استراحة (افطار)
من  9   -   12 دراسة 
من 12  -   3 أستراحة ( غداء + صلاة ونوم)
من  3   -  7 دراسة
من  7   -  8 استراحة ( صلاة + عشاء)
من  8    - 12 دراسة 

#المجموع ←← 14 ساعة دراسة 

♥️♥️♥️♥️♥️♥️♥️♥️♥️♥️♥️♥️♥️♥️

هسه نجي شلون نقرة المادة 

#الطريقه_الذهبيه_لدراسة_الانكليزيه_في_السادس 
شلون أنجح بالوزاري ؟ واخذ درجه حتى أنجح شوف 👁👁
أول شي نقسم درجة الانكليزي وندرس ع طور التقسيم شوف وياي التقسيم
القطعه الخارجيه  ( 10 درجات ) 
القطع الاستعيابيه ( 10 درجات ) 
القطع الادبيه      ( 10 درجات ) 
القواعد             ( 30 درجه ) 
الانشاء              ( 20 درجه )
الفراغات            ( 10 درجات )
الاملاء..اضافات ومرادفات ( 10درجات )
هسه هذا التقسيم ثابت 👆 كل سنه 
شوف الانكليزي ماده حلوة ومضمونه وسهله لان تحفظ انشاء تاخذ 20 نفسه نصا يجي ،تحفظ قطع تاخذ 10 نفسها تجي .. يعني درجته مضمونه 
أذا شلون ادرسها ؟ شلون ابسط الماده ؟
#طريقة_الدراسه 
نجي مثلا للوحده الاولى مو اقراها من اول كلمه لاخر كلمه هذا خطأ.أخذ الشي الي يفيدني الي بيه درجه واشوفه بالوزاري كدامي 
هسه مثلا شبيها الوحده الاولى ؟ بيها مرادفات بيها معاني بيها انشاء بيها قطع بيها قواعد بيها اضافات او اختصارات..
أذا اجيب المرادفات بكل التمارين بالوحده الاولى اكتبهن بورقه اكعد احفظ بس مرادفات لمن اخلصهن..
بعدها اروح للقطع ادرسهن وحدهن اخلصهن ياله اروح لغير موضوع ..  
هسه هاي كطريقة دراسة الانكلش 🤗 بعد شلون احصل درجه ؟ 
نجي #للخبزه و 20 درجه لخاطر هاي العيون 🤓 وهو 
#الانشاء
شلون احصل 20 بالانشاء ؟ وهنه هواي 10 .. شوف هنه 6 قطع و 4 أيميلات وبكل دور يجن 2 تجاوب ع واحد .. بس يجي ( قطعه وأيميل ) ماعدا دورين بس أجن فقط ايميلات وفقط قطع .. فشوف هسه ياهنه القطع ؟ وياهنه الايميلات ؟ هسه نزلت صورهن شوفوهن.. اما شقره ؟ راح انطيك بس 6 فقط لا غير تقراهن تلكه واحد منهن بالوزاري كدامك .. فأنته هنا تختار تحفظ أما #قطع أو تحفظ فقط #أيميلات 👏 هسه انته تكول انته مو كولت 6 ؟ شو هسه صارن 5 🤔 اني انطيك السادس حتى انقذك خاف يجي بدور فقط ايميلات او فقط قطع حتى متنخدع 
أذا اذا تقره بس القطع الي هنه 5 فأقره وياهن ضروري انتبه ضروري تقره وياهن أنشاء ( رسالة شكوى الى المصرف ) .... حلو ؟ 😐

وأذا اذا تقره الايميلات ال 5 فضروري تدرس وياهن انشاء سادس وهو ( الدراسه اثناء العمل ) 
#طريقة_دراسة_الانشاء 

اول شي أترجم لان الترجمه نصف الحفظ خوما اقره شي مجهول ما اعرفه اذا لازم اترجم السطر او اجيب انشاء مترجم وجاهز..هسه نجي نبلش بأول سطر 
اول شي اقراه هيج اشوفه واقراه فد 3 مرات بعدها اقراه شفويا اني ونفسي ع غيب..بعدها اكتبه ع غيب بس سطر او نصف سطر بس اكتبه 3 مرات ع غيب..
بعدها اروح لسطر 2 اسوي نفس الشي بس من اكتبه مو اكتب بس سطر 2 ..لا..اكتب من بداية السطر الاول لحد نهاية سطر 2 ..ومن اروح لسطر 3 اسوي نفس الشي حته بعد أبد ما انساه... 

هسه نجي للقطعه الخارجيه .. الي تحصل 10 تلوك لهل الوجه شلون اجاوبها ؟ اكولك اقره ملف اسمه حسين الخفاجي شارح شلون تجاوب القطعه بأسلوب روعه .. واني شرحته بطريقة اسهل هسه انزل الصور 
وبعد 🤔 بعد عدنا قطع ادبيه وهنه الكناري والارجوحه .. اذا بكل وحده 15 نقطه فأنته اقره 8 نقاط او 9 من كل وحده والي جايات وزاري .. والقطع الاستيعابيه 10 او 8 اقره فد 6 منهن
اما المرادفات والتعاريف والاملاءات يعني اضافات وتحويلات هاي سهله وبيها 10 درجات بسهوله .. 
#وبعد ؟ 
القواعد مشكله بس بيها 30 درجه بس شوف شنو الي ثابت بالوزاري بالقواعد اي مواضيع ؟ ركز عليهن اكثر واضبطها .. هنا ما راح تحتاج مدرس خصوصي لان عندك حل وهو ملزمة #سيف_الشاكر شرحها بتحشيش واسلوب راقي .. اما هاي الملفات وين الكاهن ؟ اني راح انزلهن الك 


#وهسه نقسم الوقت ع عدد الساعات

#النصف_يوم عدد الساعات 8 

🔘 الوحدة الاولى ( 2 ساعة )
🔘 الوحدة الثانية  ( 2 ساعة )
🔘 الوحدة الثالثة  ( 2 ساعة ) 
🔘 أنشاءات أول 3 وحدات ( 2 ساعة )

#اليوم_الكامل عدد الساعات 14 

🔘 الوحدة الرابعة ( 1 ساعة )
🔘 الوحدة الخامسة ( 2 ساعة )
🔘 الوحدة السادسة ( 2 ساعة )
🔘 الوحدة السابعة  ( 2 ساعة )
🔘 الوحدة الثامنة   ( 2 ساعة )
🔘 أنشاءات أخر 5 وحدات ( 3 ساعات )

#تبقى_ساعتان مراجعة شاملة لجميع الوحدات

#شـــــير_لايكـــ_تعــــلـــــــــيق

#شبكة_رحلة_التفوق_في_السادس 
@a_m_z_f 
#أشـــــــــــــــــــــــــــــــو

كيفية دراسة مادة اللغة الانكليزية في يوم ونصف فقط للصف السادس الاعدادي كيفية دراسة مادة اللغة الانكليزية في يوم ونصف فقط للصف السادس الاعدادي Reviewed by HamaDa Al-iraqi on 7:37 ص Rating: 5

ليست هناك تعليقات:

يتم التشغيل بواسطة Blogger.