شرح "الصفات التي تنتهي بـ ing & ed" في اللغة الانكليزية للسادس الاعدادي - سيف شاكر

شرح "الصفات التي تنتهي بـ ing & ed" في اللغة الانكليزية للسادس الاعدادي - سيف شاكر

شرحنه عن صفات الي تنتهي 

Ed 

Ing 

ويمته اختار ed  ويمته ing 

Be ready 😍😘

هذا الموضوع علي درجتين وزاريات 😍😍

شوفو هوسه الكتاب كايلك 👇

الصفه الي تنتهي ب ed معناهة هذا شخص هو صاحب الاحساس 😌

Ali is not interested in books 

يكلك علي مايهتم بالكتب ماتجذب اهتمامه ف هو صاحب الاحساس 🙄

اما ing ف شخص هو يسبب الاحساس للاخرين 😒

يعني مثال 

I watched an interesting film 🎬

يكول اني شفت فلم ممتع ف الفلم سببلي المتعه 🙄

..

اني شكلكم ..اكلكم هاكم هاي طريقه👇

كل جماد  او شي مو حي اختارله ing 

كل كائن حي اختارله ed 

This book is boring 😒

My job is boring 

هذا كتاب مضجر 

عملي ممل 

He is  bored with his job 😔

هو يجد عمله ممل او مضجر 

..

ملاحظه 

يمته يحقلي اضيف ing بعد ؟؟ 🤔

اعرفكم باحمد 👦

احمد واحد عكره😝

وين مايكعد يخلي الوادم الداير مدايره تضوج 😠

Ahmed always talk about the same things . He is very  boring 

لاحظ احمد سبب الضجر للداير مدايره ف صار هو راوتر يبث ضجر وملل يبث احساس للداير مدايره هنا استعمل ing  

جايتكم الامثله بالطريقه بس كلولي افتهمتو لو لا 🙃

هاي يرادلهة گعده واستكان جاي وهي كلش بسيطه☕️

..

بصو يالربع ✋

Ed 

المن توصف 🙄

الاشخاص العاقل 

وضمائره 

Ahmed,ali,they,he,she,we,i,it 

Saif is bored 

He is bored 

I'm bored 

اني ممل هو ممل سيف ممل 

ذني اذا حجن وصفن شي عاقل هاي طريقه☝️

طريقه ثانيه خاف مافهمتو الاولى ✌️

يوصفن صاحب الشعور مو اني ماريد اذكر هاي طريقه بس لازم لان موجوده بالكتاب ..

شلون صاحب الشعور 😓

يعني الاحساس عائد اله 😭😭

Ali is interested in car

He is shocked when he saw me

الجمله الاولى تكول علي مهتم بالكتب هاي رغبته هو صاحب الاهتمام يعني مثل مانكول ذوقه يحب الكتب شي عايد اله 😱

الثانيه تكول هو فزع انصدم من شافني 😨😨

ف هو صاحب الاحساس صار منه وبي😭😭

فهمتو هاي ؟؟ 😭😭

هاي تقريبا عصرت الامثلة وعقلي وافكاري ماخليت شي ماعصرتة يالة وصلت لتقريب 😐 اقرب من كدة مفيش😁👇

صفاات الي تنتهي ب ed 

احم احم .. 

يارب يفتهمون 🙏 يارب يفتهمون 🙏

....

هاي الصفات تصف التالي:

شعور ( كيف يشعر الشخص 😱😭)

عواطف 😢

استخدمهة لوصف شعور او عاطفة شخص ما (شخص مااا يعني شخص يعني بشر يعني يتنفس يعني he ,she ,it ,we,they,you,) يعني ahmed  و ali 

يعني susan  اختهم .. يعني الله فوك يعني ed  جوة وسمعني احلا سلااااام .. اخذني الواهس 😁

يعني من اكول امممممممممم 

My girlfriend is bored  حبيبتي ضايجة .. يعني هي تشعر بالضوجة .. اروحلهة فدوة 😍😍 الغسل 😒

يعني من اكوول اممممممم 

I am confused  اني مامفتهم او مرتبك .. يعني اني اشعر انو اني مامفتهم هذا الشي اني صاحب الاحساس ..👊👊👊😚

يعني من اكول اامممممممممممم

He was surprised to see Helen.  هو متفاجئ من شاف المكموعة هيلين يعني هو شعر بالتفاجئية 😐 شلون مصطلح هذا 😂 هو صاحب الاحساس بالانفجائية 😐 صاير احجي مصطلحات 

يعني من اكول امممممم حلكي يبس من هاي امممم

Feeling tired and depressed, he went to bed. يشعر بالتعب سودة علية والارهاق ف ولة انخمد 😒👊 يعني هو يشعر بالارهاق والتعب هوووو مو اني مو انت هووو صاحب الاحساس ..

يعني من اكول اممممممممممممم

I was very bored in the maths lesson اني احس بالملل بدرس الرياضيات يا اخي مشكلة هاي الرياضيات 😭 المهم شفتو يكول اني احس بالملل 

او اني استمتع بالكتب  

او اني اضوج من الاكل الحار 

او او او او 

اول وتالي اني صاحب الاحساس .. ملكي 😌  اني راعية اني الي جاي احس انتو شعليكم 😒

حاولو تثبتون ع موقفكم راح اشرح ing  😐😐

الصفات التي تنتهي ب ing  تحتون تحتون 👇👇👇 

هذه الصفات تصف الاتي 👇

شيء 🔦🌵🏀⚽️📙(thing  باع الانكليزي جماد فد شي يعني )

مسبب هذا الاحساس او الشعور ( يعني شنو الشي لي خلاك هيج تشعر ياهذا )

شخصية انسان ( يعني شخصيتة محبوب 😍عكرة 😒👊مخبل😆 )

ارجع لحبيبتي اليوم اني متعارك وياهة متعارك😂😂 

My girlfriend is boring.. حبيبتي فد وحدة عكرة مزعجة ماتنجرع هي شخصيتهة هيج  .. مو قصدي بس لخاطر العلم 😅😅

خلي نرجع لهاي اممممممم 

Have you seen that film? It’s absolutely terrifying. 

يكلة ولك حميد شفت هذا الفلم .. يابوية يخوف يموت خوف 😭😭 

اني شمدريني يخوف ؟؟؟ غير الفلم اثر علية وسببلي احساس الخوف 😱😱

مرة ثانية اممممممممممممممممم

I could listen to him for hours. He’s one of the most interesting people I’ve ever met.

هذا المثال شوية اقرب من مالت حبيبتي بس غلسو ع حبيبتي 😂😂 

يكول عندي استعداد اكابلة ساعات واسمعة .. يا اخي شخص محبوب وممتع 

interesting  شفتو i n g  ممتع هذا الشخص هو شخصيتة هيج شلون اني 😁

وبعد امممممممممممممم

لا هاي هية بقت سالفة احمد اشرحهة برسالة وحدة 

بشروني 😢

بعد شغلة ..😢😢  ing  

يارب يعدي هل الموضوع ع خير 😭😭😭 

صعبتو ع نفسكم وهو سهل 😢

اكو شخص يسبب شعور لشخص ثاني 

انتبه شخص يعني عاقل واحنة كلنة مايصير نستعمل ing  مع العاقل بس هنا الجماعة بكيفهم يتملعبون 😒😒

He talks about the weather for hours. He’s so boring.

واحد اجاني مدري منين 😒 كعد يسولفلي ع الطقس 👊

يا اخي سببلي الكأبة والضوجة 

سببليييي😳 ستنادب ولا كلمة 

سببلي يعني هو خلاني اشعر بالضوجة 😢

هو نفسة شخصية بس هنا راح تتوضح اكثر 

👇👇

He's got a very (annoying) habit of always interrupting people.

هو عندة فد عادة تضوج كلش دائما يقاطع الناس وهمة يحجون وهذا شي يضوج 

شوووفووو يضوووج يسبب للي يحجي ويا الضوجة لان يقاطعة 😐😐

وصلت يمعودين وصلت وياهن للكشر .. وهسة راح امتحنكم 😢😢

بشروو

وهاي طريقه ثانيه ماتعتمد ع فهم وصفنه للجمله مجرد تباوع كبل الفراغ وره الفراغ هواي من طلاب دزوهة كالو انشرهة😐

..

بالنسبه اليه افضل طالب يعرف ليش اختارينه هيج اختيار احسن من ما يحطه شامي عامي ..بس هم استخدموهة تفيدكم

..

يكلك اولا ☝️👇

اذا قبل الفراغ عاقل 👦

وبعد الفراغ مباشرة 👇

حرف جر. At, in , on ,....الخ

اداة when , because ...الخ 

ظرف 

نختار صفه ام ed  

....

اذا قبل الفراغ عاقل 🙄

وبعد الفراغ مباشرة 👇

اسم عاقل او غير عاقل 

شنخلي؟؟ ing  

..

اذا جان ( باع التحول من كان الى جان) 

قبل الفراغ اسمون غير عاقل😐 

نخلي ing  بغض النظر عن ما بعد الفراغ😁

..

هذا والله ولي التوفيق