هَــ(✋)ــِلاؤ ↝ ✩🎀 بنات
طبعا كلنا نعاني من مشكله شحوب البشره والتصبغات والجفاف وشعورها بالتعب
واكيد كلنا نعاني انو الميك اب ميثبت عدنا ووره فتره يسيح ويخربط الدنيا
وطبعا عدنا شدوات الوانهن حلوه بس مو ثابته وباهته
عندي الكم الحل طبعا هيه وصفه جمعتها من وصفات هواي وجمعتها بوصفه وحده
تحطيها بعلبه مال بخاخ وتخليها بالثلاجه ترشين منها باي وقت كل متفتحين الثلاجه رشي منها
ورشي منها قبل وبعد الميك اب راح يثبته
واذا عندج شدو باهت وميثبت رشي ع فرشه وشوفي الفرق
الوصفه
تجيبين علبه مال بخاخ اشتريها من صيدليه سعرها الف يمكن
حطي نص العلبه مي مقطر مو مي حنيفه لان بيه أملاح وكذا تتعب البشره ف حطي مي مقطر
حطي ٣ قطرات زيت الجلسرين اذا جانت بشرتج دهنيه و٥ او ٦ اذا جافه
وحطي باقي العلبه مي ورد
وحطي قطرات شاي اخضر واذا معندج حطي أوراق نعناع واذا ال٢ حطيتهن افضل
وحطي بالثلاجه وشوكت متردي بخي وانتعشي😂😻
زيت الجلسرين هو الزيت الوحيد الي قابل للذوبان بالماء يعني راح ينحل بالماء ومينفصل
طبعا يبيض البشره ويربطها ويخلصج من اثار الحبوب واهم شي يخليها نقيه وصافيه وخاليه من الشحوب
ملاحضه بنات اذا جنتو تستخدمون مي ورد مال اكل ف لتحطون مي مقطر لان هو أصل مخفف اما اذا مي ورد من العطار مخفف لا أتعبو الوصفه
وطبعا اني مخليته بعلبه مال برايمر
هاي الوصفه تفيد كولش خصوصا للي عدهم مسامات مفتوحه وهالات سوداء