مرحبا بكم على موقعنا | أتمنى أن يعجبكم محتواه | فقط ادعمونا بالانضمام الى الموقع | لتحفيزنا على تقديم المزيد. ×

للبنات وصفات العناية بالشفاه


العناية بالشفاه 👄

نتيجة بحث الصور عن الشفاه

اولاً 1️⃣
تقشير الشفه شي ضروري كولش كولش لازم تقشرين شفتج كل يومين حتى تتخلصين من التشققات الي بيهه وتصير شفتج تلمع 😁 اكو سكراب من ذا بدي شوب ومن لاش ومن فكتوريا سيكرت بس اكيد اني ماريدكم تشترون شي ف ذوات الدخل المحدود تجيبون شكر وفازلين وتخبطوهن وتفركون بي شفتهم او عسل وشكر وفركو بي شفتكم ب فرشه الاسنان او بالايد راح تتقشر ❤️

ثانياً 2️⃣
رطبي شفتج دائماً ب اي مرطب شفه مفضل عندج واذا ماكو استعملي فازلين او زيت جوز الهند ❤️

ثالثاً3️⃣
سالفه نفخ الشفه الي انتشرت ب آخر فترة من هدى بيوتي حتسبب حصر للدم بالشفه وبالاستمرار تتحول شفتج زرگه 😁 ف ابتعدو عنهه

رابعاً 4️⃣
الحمره السحريه تسبب تصبغ ع الشفه ف لتكثرون منهه و الحمر المات هم تخلي الشفه يابسه كولش ف رطبو الشفه قبل لتخلون ووره متشيلوهه هم رطبو الشفه

خامساً 5️⃣
اذا عندج طلعه بالشمس وراح تطولين بيهه من تخلين واقي شمس لوجهج مرري شويه ع شفتج من عنده حتى يحميهه من الشمس الحارقه 😁

سادساً 6️⃣
اذا تحبين تسوين مرطب شفه بالبيت جيبي حمره لون وردي او احمر موعيهه بخاشوكه ع النار وخليهه ويه فازلين وشويه زيت جوز الهند وقطرات ڤيتامين e

سابعاً 7️⃣
اذا تحبين شويه تنفخين شفتج استعملي اللبن (روبه) وخمرة وبيكنك باودر .ونشا ملعقه صغيره من كل وحده ع نص علبه لبن خليهه بالثلاجه واستعمليهه ٤ او ٥ مرات بالاسبوع

ثامناً 8️⃣
شربي كولش هوايه مي لانو مو بس للشفه مفيد انما للجسم هم والبشرة ولتمررين لسانج ع شفتج لانو ينشفهه بالزايد

تاسعاً 9️⃣
اذا ردتي تكبرين شفتج بالمكياج استعملي الكونسيلر عليهه ورجعي رسمي شفتج ب قلم التحديد ❤️

عاشراً 1️⃣0️⃣
اذا تحبون تخلون شفتكم وردية اكيد كلكم تعرفون (القچرات) يم اي عطار تلكوهه تفوروهه وتخلوهه ويه الفازلين وتستمرون تدهنون بي شفتكم ..

للبنات وصفات العناية بالشفاه للبنات وصفات العناية بالشفاه Reviewed by Rawnaq Ahmed on 4:04 م Rating: 5

ليست هناك تعليقات:

يتم التشغيل بواسطة Blogger.