مرحبا بكم على موقعنا | أتمنى أن يعجبكم محتواه | فقط ادعمونا بالانضمام الى الموقع | لتحفيزنا على تقديم المزيد. ×

كوري بيوتي Goree

شرح جميع ازمنة كتاب اللغه الانكليزيه للصف السادس اعدادي






شرح زمن الماضي والماضي المستمر 



نبدي بأسم الله ☝️ ونستضيف زمن الماضي البسيط ونطرح علي شكم سؤال ..

السؤال الاول لضيفنه الكريم .انت شنو شغلك 🤔

الماضي البسيط: اني شغلي في الزمن الماضي بس ما اختص لا بالحاظر ولا المستقبل ..

تكدر توضحلنه اكثر استاذ ماضي😐

الماضي البسيط: اني اوضحلك .الحدث الي يصير بيه يصير بالماضي ويخلص وينتهي وهو بالماضي يعني ماعدنه اي ارتباط بالحاظر او المستقبل ..

السؤال الثاني استاذ ماضي✌تكدر تنطينه القاعد الي تشتغل عليهة بحياتك 😕

الماضي البسيط: قاعدتي بسيطه ويكدر الجميع يمشي عليهة 
اني اتعامل ويه (فاعل) و(فعل) احب البساطه بالشغل 


جدا حلو استاذ ماضي تكدر تكلنله شنو مواصفات الفعل الي تتعامل ويا😐

الماضي البسيط: اني احب فعل جيل الطيبين ..احب الفعل يجيني بصيغه الماضي ..

مرات يستوجب علي اني احوله للماضي اكو بيهن مايشلعن الكلب بس انطي ed واكله توكل واكو لا لازم اسويله فد تغيير 

استاذ ماضي سؤال اخير ..اذا ماعجبك الفعل وردت تنفي شتسويله 😅

الماضي البسيط: اصيح صديقي didn't علي هذا شيسوي 
يبسط الفعل ويرجعه مجرد من اي علامه للماضي ..
شكرا استاذ ماضي بسيط ..😍

الانكلـــيزية|رحلة التفوق, [٣٠.٠٥.١٦ ١٣:٠٦]
الملخص ..

الزمن الماضي يتعامل ويه حدث صار وخلص بالماضي 
..
القاعده 
S+v
اضيفلهed اذا قياسي واذا شاذ لازم يتحول ويصير تغير يالفعل 

..
مثال 

Ali opened the door🚪

She wrote  five e-mails 💌

They played football yesterday ⚽️

I had a big dinner last week 🍽

..
ضروف هذا الزمن 
Last month,week,day,..etc
ago
Yesterday
In the past
اي سؤال بخصوص هذا الزمن 
بالخدمه  @saifshaker ..زمن بسيط كلش حتى انطيكم شكم سؤال

الانكلـــيزية|رحلة التفوق, [٣٠.٠٥.١٦ ١٤:٢٤]
ملاحظات بخصوص الماضي البسيط 👇

اذا لكينه بين قوسين الفعل be ..هذا يتحول للافعال المساعده مالت الماضي الي هنه 
Was ,were  

مثال ..
She ..... a good girl in the past (be)

She was a good girl in the past 

Was للمفرد 
Were للجمع 

Ahmed and ali .... in the same team last match (be) 

Ahmed and ali were....الخ 

حتى ان شاء الله انزللكم الافعال الشاذه الاكثر استخدام ..حتى تحفضوهن ونبدي نشرح الماضي المستمر

الانكلـــيزية|رحلة التفوق, [٣٠.٠٥.١٦ ١٤:٢٧]






ذي اكثر 50 فعل استخداما


هسه راح نبدي بالماضي المستمر 🙄

دقيقه!😳 ..شلون ماضي 😳 وشلون مستمر 😳؟؟؟!! 

تضحك علينه انت؟! 😡 

لاع اصبر افهمك 😒

ماضي معناهة حدث صار بالماضي وهذا شي مبين 

مستمر معناهة مستمر بالماضي لفتره محدده 


اكلك تره لصتهة عليه فهمني اكثر😒

مثلا اني امس جنت اقره انكليزي من ساعه ب ٩ لحد ساعه ب ١١ 

واجيت حظرتك سألتني شجنت تسوي ساعه ب ١٠ ؟🤔. 

اكلك جنت اقره يعني اني مستمر بالقرايه ..يعني اني جنت بنص الحدث الي هو القرايه ..


ف اذا تلاحظ هنا الحدث صار بفتره محدده بالماضي وبنفس الوكت مستمره لان اني ب ١١ خلصت قرايه وانت سألتني شجنت تسوي ب ١٠ القرايه استمرت من ١٠--١١ 😝 ..فهمت😒


زين يابه ميخالف خلي نكول اني هسه فهمت 🙄 اكو قاعده اكدر امشي عليهة ..جهرت هذا زمن شلون صايره😒 اتحفني 


بويه بسيطه شجاك ..قاعدته تكول 

اكو فاعل ؟ ..هذا الفاعل s 
اكو افعال مساعده؟ ..هذني was,were

الفعل شلون تريده؟ ..اريده مستمر يعني بي ing 

S+was,were+v-ing 

هااا😳 ..خوش زين ماعجبني هذا الزمن اريد انفي 😁

 سهله خلي not للافعال المساعده 
Wasn't, weren't 

فهمت😒 لا 😒 
🏃

الخلاصه👇
الزمن الماضي المستمر يحجي عن حدث صار بفتره محدده بالماضي  يعني مثلا 
حدث بده بنقطه a ونتهة بنقطه b بس بالماضي
a...............الماضي المستمر....................b

باع مكان الماضي المستمر وين؟ الحدث بعده ماخالص ..ومستمر بالماضي 
.....
القاعده 
S+was,were+v-ing 
.....
امثله 
I was playing football at7 o'clock last night ⚽️


راح انطي بس هذا المثال لان البقيه من نشرح استخدام الماضي البسيط والمستمر سوه 
.....
نفي wasn't, weren't 

سؤال بس صعد was, were خليهن كدام الفاعل 

اي سؤال @saifshaker 

اقرو حتى يبقه عدنه بس استخدامهن سوة ونمتحن ان شاء الله 😍😍

الانكلـــيزية|رحلة التفوق, [٣٠.٠٥.١٦ ١٨:٠٦]
جا مادريتو😳😳😳

غير الماضي المستمر تزوج💃🎺

تدرون اخذمن؟ 😌

اخذ while  😍😍 

وخلفو ولد اسمه as😁

وياسبحان الله  الماضي البسيط هم تزوج وهم خلف 💃💃💃

تزوج when ❤️❤️
وخلف بنيه زركه اسمهة and 😒

...
من خلال هذا العرس شفتهمنه؟ 

انو وره while ,as   دائما يجي ماضي مستمر 

وره 
When,and 

دائما يجي ماضي بسيط

لان كلمن ومرته وزعاطيطه😁


بس تدرون عدنه عريس اجكم واكو عريس صاك 

الماضي المستمر هذا طول😌 وضخامه💪 ودائما اول 

الماضي البسيط زقج😒 مدحدح🙄 دائما بالاخير 


شعرفنه من المواصفات 

انو بالجمله اذا اجه حدثين 

ف الحدث الطويل يصير بالماضي المستمر
والحدث الكصير يصير بالماضي البسيط

الانكلـــيزية|رحلة التفوق, [٣٠.٠٥.١٦ ١٨:١٧]
الخلاصه..

دائما وره while ,as يجي مستمر شلون يعني ..مثال..
While ali was eating,somebody knocked the door 

شوف بس ركزو وره ال while  اجه مستمر يعني باقي الجمله يصير بسيط سواء اجت بنص الجمله while او بالبدايه ف وراهة مستمر as نفس الحاله ..
.....
دائما وره when  ماضي بسيط 

I was eating when somebody knocked the door.
لاحظو جمله وره when ماضي بسيط والي كبلهة ماضي مستمر 
.....
لاحظ بالامثله الي فوك انو المستمر دائما حدث طويل والي بالبسيط هو حدث عارض 

يعني عمليه الاكل عمليه طويله بس دكت الباب حدث عارض صار واني اكل 

...

خلصنه ذني الازمنه 


"للمزيد من المواضيع المفيدة للطلبة والاسئلة والاستفسارات يرجى زيارة قناة موقع كوكل لي على التلكرام من خلال الرابط ادناهـ"





شرح جميع ازمنة كتاب اللغه الانكليزيه للصف السادس اعدادي شرح جميع ازمنة كتاب اللغه الانكليزيه للصف السادس اعدادي Reviewed by حسين الاخرس on 3:26 ص Rating: 5

ليست هناك تعليقات:

يتم التشغيل بواسطة Blogger.