زمن المستقبل ..👇
كبل لا نبدي نشرح زمن المستقبل خلي نعرف شكم شغله وهذني الشكم شغله اريدكم تركزون عليهن وتفهموهن🙃
..
المستقبل هو مو زمن يعني مثل باقي الازمنه ..لا هو مجوعه استخدامات لصيغ معينه تعبر عن الوقت بالمستقبل🤓
..
Will
Going to
ذني يجي وراهن infinitive يعني مصدر ..شنو يعني مصدر🤔
يعني الفعل الي يجي وراهن مابي اي اضافه ..مصلخ ..كلشي ماكو
لا ed
لا ing
لا تصيرف ثالث
هيج كلشي ماكو مجرد فعل ...
....
طبعا هذا الشرح جاي اكتبه والنت فاصل يمي 😁. ف بس يجي راح تطلعلكم هاي الرساله😂
نبدي باول صيغه للتعبير عن المستقبل الا وهي . طب طب طب طب 👇
المستقبل البسيط .تيارارا 😜
Future simple: 👇
هنا راح تختلف طريقه الشرح راح نبدي بالقاعده اول شي .. القاعده مالت هذا زمن تكول ياحلوييين😘
S+will+inf.
Inf.يعني مصدر🙄
S فاعل 😐
Will ثابته 😒
...
هذا زمن يسموو المستقبل البسيط او يسمو. Will
المن استخدم هذا الزمن ..🤔🤔
اله ثلاثتو استعمالاتن 😐
الاول يكلك من تريد تطرح رأيك الشخصي بفد موزوع معين ..ع اساس فهيم يعني وكذا😌
الثاني✌️ من تتنبأ او نسميهة بلكت ..او أمل 🙏
الثالث يامعزوز العين والسعاده من تريد تنطي وعد تنطي حجايه 👀
نجيهن وحده وحده نفصلهن ..نفصخهن ..
👇👇👇👇
اعطاء الرأي والتنبأ حاجه وحده بس ليش فاصلهن بالكتاب ما اعرف😒 حتى مامنطي مثال عن اعطاء الرأي 🙄
...
راح نشرح اعطاء الرأي وهو نفسه التنبأ يعني نشرح موضوع واحد 👇👇
..
شلون يعني تنبأ شلون يصير .. مثلا
Iraqi government will help us
يكول الحكومه العراقيه راح تساعدنه سوده عليه ..هذا الحجي عباره عن مثل مانكول
حجيك مطر صيف مابلل اليمشون😂
يعني تنبأ يعني لو يصير لو لا وهو نابع من فكرتك انت ورأيك هذا بالحكومه 🙄
..
The exam was difficult, i will not pass it
او
I will get bad mark, the exam was too difficult
يكول اني راح ارسب وما اجيب شي بهذا الامتحان لان جان صعب ..بس هو مايدري مجرد تخمين لان نتائج ماطالعه بعدهي ..
...
هسه مثلا شلون جماعه السادس بعدهم ماطالعه نتائج من تجي تسأل واحد منهم يكلك والله يمكن مانجح بفلان ماده
..
It will rain tomorrow
يكول راح تمطر باجر .. بس هو ماعندي شي يثبت مجرد طلع شافهة عجه كلك اهو راح تمطر هيج مجرد استنتاج شخصي
فهمتو ؟ بسيط مو 🤔
بعد شعدنه 🤔 خرب نسيت خلي اصعد لفوك اشوف تقسيمات 😂
...
ها اي عرفت😁 احنه مو شرحنه ثنين سوة ..هسه نشرح الوعد 👌
.
هسه من اسمه وعد يعني تنطي فد وعد لشخص انت راح تسويله فد شي ..مسال😁👇
I will help you with your homework
تكله انت راح تساعده بالواجب مالته ف انته قطعتله وعد 🙏
..
جاي يشرح الاستاذ هيج مثلي😁 وكلشي مافتهمتو 😅 كلتوله استاذ عيدلنه الماده ..هو شيكلكم
I will teach you the same subject tomorrow.
بالمعنى يكلك اني راح اعيدلكم الماده باجر..خلص هذا وعد
..
الخلاصه ..افضل الخلاصه مال كل موضوع من بدينه لسه تكتبوهة ..الكم هي
..
المستقبل البسيط : يستخدم لقطع الوعود promise و التنبأ prediction او اعطاء رأي opinion
...
قاعدة الثابته هي الاتي 👇
احتاج فاعل ..
هذا s
احتاج will ثابته
واحتاج مصدر 👍
S+will+inf
..
النفي
اضافه not لل will
فتصير won't
...
السؤال
Will+s+inf?
..
الااااااان going to تظهر للجميع ..الصيغه الثانيه للتعبير عن المستقبل ..😌👇
اوكف يابه شو سبيتنه انت ..منو هاي going to?😏
لك هاي going to اكو واحد مايعرفهة 😳
اي اني ..سولفلي عنهة اتحفني😒
لك هاي يجي وراهة مصدر inf شبيك😳
لك هاي استعملهة من اريد اخطط لشي 😱
من اريد اسوي شي اني مخططله 😨
يعني شلون 😐
يعني مثلا ..
I am going to study English next month.
يعني اني مخطط ومرتب اموري حتى ادرس لغه انكليزي الشهر الجاي 😐
بعد وضحلي اكثر 🤔
I am going to visit my grandfather tomorrow 👇
يعني انت محظر روحك لام هدومك مخابر جدك منطي خبر انو انت راح تجي تزوره 😍
زين اكلك هاي قعدتهة شنو🤔🤔
شوف 👇
S+be+ going to + inf
هووووووووب✋
هاي be شنو ؟؟ 👌
سألتني ..هاي تتحول الى
Is
Are
Am
حسب الفاعل
He
She ---is
It
They
We ----- are
Yoy
I---am
وبس
..
بالنسبه ل be حتى ترحون تصلون
مو تجيكم بالسؤال وتحولوهة
لا
بس بدال ماعيد القاعده ع كل فاعل
واكتب
I+am + going to
She
He +is +going to
It
They
We +are+ going to
Yoy
هنه ذني is , are ,am
اختصارهن be
وضحت؟
هسه خلصنه 😐. جنه نشاقه بزمن المستقبل ..
هسه اريد كامل قواكم العقليه وياي لان هسه راح يبدي الصدك 💪
الصيغ الاخيره للمستقبل هي الاتي:
زمن المضارع البسيط
زمن المضارع المستمر
المستقبل المستمر
المستقبل للماضي
الاخيره ماتنبلع وراح نبدي بيهن👇👇
كبل ابدي شلون استعمل المضارع البسيط للمستقبل ..خلي نعرف شنو هو المضارع البسيط👇👇
مراح ناخذ منه بس القاعده ماحتاج تعقيد 👇
المضارع البسيط قاعده كل الاتي
S+v
هاي هيه ..هذا الفعل اضيفله s
اذا الفاعل مفرد
وابقي مجرد اذا جمع👇👇
She plays tennis
They eat lunch
I have a car
He has a piano
واضح؟؟
استعماله للمستقبل بسيط ومايحتاجله كل تعقيد وهوسه
..
استعمله لأي توقيت واضعته الحكومه او جهات خاصه يعني شلون🤔
مواعيد الطائرات✈️
مواعيد القطارات🚅
مواعيد عرض الافلام والسينمات🎥
مواعيد بدء العام الدراسي والصفوف👦👩
مواعيد المباريات والبرامج⚽️🖥
وغيرهن ..ذني مو اني وانت نتحكم بيهن ذني الهن جهات خاصه تخليهن..مثال🙃
كبل لا انطي المثال اريدكم تعرفون انو هو بالقاعده مالته يدل ع الحاظر بس التفسير للمستقبل😎
My class starts at 8 o'clock
يكول حصتي تبدي ب٨ هذا شي مو هو محدده هذا دوام رسمي انو الصف المحاظره تبدي ب ٨ 🤓
...
The train leaves at 11:30 am
القطار ينطلق بهذا الوقت🚅 هذا مو اني وانت نحدده هذا هو جدول ثابت
...
Final exams start next week
الامتحانات النهائية تبدي الاسبوع الجاي ايضا مو شي نتحكم بي اني وياك🚫
...
Her train arrives at 8:35
قطارهة يوصل بهذا الوقت ايضا توقيت محطه🌐
...
هذني كلهن يسموهن
Schedule
سكاجول ..
حفظوهة هاي الكلمه☝️
معناهة مجدول او جداول .
..
وبس هذا استعماله 😐
فهمتو ؟؟ بسيط صعب ؟؟
تره بسيطه
هو صح ك شكل مابي اي شي يدل ع المستقبل بس المعنى مالته للمستقبل👇
يعني ذني المواعيد تصير اليوم وباجر وعكب باجر لهيج سموهن جداول 😐
اكو مافهمو نعيد ...
👇👇
شوفو زمن المضارع ..هو صح اسمه مضارع بس دلالته للمستقبل ..يعني واحد من استعمالات زمن المضارع البسيط هو دلاله للمستقبل ..شلوووون🤔
...
المضارع البسيط قاعدته العامه
فاعل + فعل 👍
هذا الفعل اضيفله s الشخص الثالث اذا الفاعل مفرد😍 واتركه مجرد اذا جمع😒
يعني من اكول
She plays football
اذا اريد انكث الجمله شيطلع 🤔
يطلع فاعل she
ويطلع فعل play
ويطلع s الي لازم اضيفهة لان الفاعل مفرد😐
....
يمته استعمله للمستقبل ..بما انو زمن المضارع البسيط يعبر عن شي يصير بصورة تكرار او دائما يعني فد شي يتكرر سواء يوميا او بنفس اليوم 🌐
ف خلو يعبر عن الجداول الزمنيه 😱
لان ذني يتكررن اغلب الاوقات يعني مثلا موعد البرامج
هذا البرنامج يبدي يومي الساعه ب ٩👀
The show starts at 9 o'clock
هذا👆 يوميه يبدي بهيج وقت .
ف خلي انكث الجمله 👇
فاعل the show
فعل start
وهاي s لان الفاعل مفرد هو بس برنامج واحد
...
هاي وصلت ويا للكشر تره 😀
وهسه؟؟
هسه نجي لزمن المضارع المستمر
😐😐😐😐😐😐😐😐😐😐😐😐
شنو قاعدته 🤔
S+be+v-ing
S:
مفرد 👇
He
She---is
It
جمع👇
They
We ---are
Yoy
I--am
..
V-ing 👇
هو فعل + ing. لان زمن مستمر
..
She is working hard
انكث الجمله😐
فاعل she
فعل مساعد is
فعل working
ها لهنا واضحه ؟
هسه اجي بيش استعمله للمستقبل 😐
تره انت والله سبيتنه ..كل شويه طالعلنه بسالفه😡
اهووو هم انت 😒 شبيك هذا سهل
شلون بالله سهل اتفضل احجي😒😒
شوف احنه مو كلنه المضارع البسيط استعمله للجداول والمواعيد الحاطته الحكومه😌
اي😒
هذا للمواعيد الي حاطهن انت بنفس يعني تكدر تغيرهن وتكدر تسويهن او لا 😁
😳انطيني مثال 😐
مثل اكول ..
I am meeting Ali next Sunday
اني وعلاوي متفقين نطلع او نتلاكه يوم الاحد ف هذا الموعد اني وعلاوي حطينا 😐
انكث الجمله 👇
فاعل i
فعل مساعد am
فعل meeting
شو ماوصلت بعد مثال اخيك🤔
صار ..شوف مثلا تكول
He is playing football tomorrow
هو يلعب طوبه باجر ..هو قرر ..هو حط الموعد لنفسه ..هذا مو جدول ثابت هذا مو حكومه حاطته 😐
زين ذني الاحداث الي حجيتهن شيسموهن ؟؟ 🤔
اول مره تسال سؤال بي خير ..ذني يسموهن
Arrangement
اريجنمت يعني ترتيبات استعدادت .. هيج شي
..
بشرووو؟ 😀😀
المستقبل المستمر 🤔
هسه شنو مستقبل ؟
وشنو مستمر؟؟
👇👇
المستقبل كلنه نعرفه يعني الي هو مو الحاظر لكدام شويه ع ايدك اليمنه كبل 😁😁
زين مستمر شنو؟!
يعني الحدث مستمر لفتره معينه بالمستقبل قد تكون هاي الفتره ساعه او سنه ..الخ
دختو مو 🤔...تعرفون علي؟؟ متعرفو 😐 تعالو اعرفكم علي 👇👇👇
👦
👕
👖
هذا علاوي↖️علاوي عنده جمله يريد يكولهة الكم😐 كول علاوي 👇👇
عمو اني باجر من الساعه ب ٣الفجر لل ٧ المغرب صايم 😐
عفيه علاوي 👏 روح اكعد بمكانك حبيبي لا الطشك بالحايط😍
علاوي كال اني باجر من ٣ لل ٧ صايم ..شعرفتو من هاي الجمله🤔
اول شي "باجر" مستقبل 👍
باع الفتره الزمنيه محدده والفعل استمر من بدايتهة لنهايتهة ✌️
من ٣ ل ٧ حسبوهن جم ساعه 😐 قوي بالرياضيات اني😁
بعد شعدنه عدنه الفعل الي هوة الصوم👇
الي نريد نكوله شنو انو هاي صيغه تركز على استمراريه الحدث لفتره معينه بالمستقبل
☝️
هذا لحد الان شرح عام بدون اي قواعد فقط استخدام الزمن
فهمتووو
نجي لقاعده هذا الزمن 👇
مرحبا 😐
اهووووو هم انت شتريد 😒
حباب بس هل المره ..اكلك شنو سالفه المستقبل المستمر هاي😁 يعني لازم شيتوفر عندي حتى اشتري🤔
شوف لازم عندك فاعل S
الحمد لله عندي من بقيه الازمنه S😁
😒لازم عندك will هاي هم عدك؟
اييي 😐 كمل
لازم عندك be اكيد عندك
ها😅
ولازم عندك فعل بي ing 😒
ذني المؤهلات 😒
الاصت😅 شلون ارتبهن بالفايل 😐
S+will+be+v-ing
هووووووب✋
انت مو كلت will يجي وراهة مصدر ؟؟
اي😕
شو هذا فعل بي ing😠
يا اخي be هي المصدر 😑
يعني هاي ماحولهة is , are ,am ?
لااااا ثابته هاي 😑😑😑
ها خوش باي
...
فهمتو ?
خلي ننطي امثله
شباب تره الامثله ماجيب مثال سهل اريد تفكير حتى تفهم ماتحفظ ..كل مافكرت هاي شلون صارت كل ما صارت احسن👇
Susan will be waiting for the bus for 10 minutes
يكول سوسن راح تنتضر الباص ع مايوصل وتبقه واكفه لمده عشر دقائق تبقه منتضره هي
باعو التركيز عليمن
ع الحدث و مده استمراريته
اذا اريد انكث الجمله 👇
S : Susan
Will+be
V-ing : waiting
.....
They will be studying until 5 o'clock
همه مستمرين بالدراسه منا للساعه خمسه👇
المستقبل صار -منا للساعه خمسه -
انكثوهة انتم 😁 ما الحك
...
مثال الكتاب
Next year i will be studying English
شوفو الفتره زمنيه شكد استمرت سنه كامله والحدث ايضا بصيغه ing دليل ع الاستمراريه
...
Between 10 and 11 tomorrow I'll be writing a letter
هاي عليكم فصخوهة ونكثوهة ☝️
الخلاصه لهل الصيغه ..
المستقبل المستمر : زمن وضيفته حدث يصير بفتره معينه بالمستقبل هذا زمن ياكد ع استمراريه هذا الحدث بهاي الفتره ..
..
القاعده
S+will+be+v-ing
Be ثابته ماتتحول
.....
النفي
اضافه not لل will
....
السؤال
Will +s+be+ing
الاسئلــــــــة
1-He (not / play) all afternoon.
2-I (not / work) all day.
3-(eat / you) at six?
4-(drive / she) to London?
5-(fight / they) again?
هسة هذا سهل بس اريدك تطبق القاعدة ع الجمل
نفي سؤال مثبت
الجووووووواب
He will not be playing all afternoon.
I will not be working all day.
Will you be eating at six?
Will she be driving to London?
Will they be fighting again?
هذا الحل
سامعين بالمستقبل للماضي ؟🤔
اني اكلكم هذا شنو 👇👇
تتوقع المستقبل بالماضي يعني شلون
دخلت دورة مالت حاسبات عبالي اتعلم شلون اشتغل ع الحاسبه 😒
اني دخلت دوره ..بالماضي 😐
توقعت راح اتعلم للحاسوب..بالماضي
يعني اني بذاك الوكت الي دخلت بي دوره توقعت اني راح اصير بيه خير بالحاسوب 😐😐
ماوصلت😐
وين هذا الي دائما يجي يسألني😂
بعد مثال ...👇👇
شاركت بالبطوله مالت الرسم عبالي راح اطلع الاول ..😐😐
انت شاركت بالبطوله بالماضي يجوز السنه الفاتت وبالوكت الي شاركت بي عبالك او تنبأت راح تطلع الاول 😐😐😐..
قاعدته شنو 🤔🤔
كلشي اخذنا بالمستقبل رجعه ماضي😳
مثلا المستقبل البسيط او التنبأ وجماعته
مو قاعدته will +inf ؟؟
رجعهة ماضي تصير
Would +inf
...
بعد ال going to
مو s +be + going to +inf
هاي ال be مو تنفتح is,are,am
اذا ماضي شيصيرن؟؟؟؟🤔🤔
اكيد was ,were
S+was,were+going to+inf
...
المضارع البسيط يصير ماضي بسيط
..
Will+be+ing
👇👇👇
Would +be+ing
بعدين نتعمق هذا ك شرح عام لكل الزمن
كله الاخذنا اكلبه بالعكس 😍
مفهومه هاي؟؟
ملاحظة حول المستقبل للماضي
اذا شفتو كلمة decided
معناهة استعمل صيغة going to في الماضي
..
اذا شفتو كلمة thought معناهة صيغة التنبأ
would
»
اكو افعال من يطلب من عدنة نسوي جملة بالمستقبل للماضي لازم نغيرهة للماضي حتى تكعد وية الجملة
مثل
i know-i knew
think -thought
لازم الجملة متناسقة