مجموعة من اسئلة واجوبة تخص طلبة الدراسات الخارجية 2016-2017

مجموعة من اسئلة واجوبة تخص طلبة الدراسات الخارجية 2016-2017

مجموعة من اسئلة واجوبة تخص طلبة الدراسات الخارجية 2016-2017


المستمسكات المطلوبة للتقديم على الامتحانات الخارجية و كيفية التقديم 

------------------------------------
التقديم يبدي الثلاثاء 11/1 و ينتهي 12/20 , تاخذ بطاقة السكن و ورقة من اخر مدرسة درست بيها مكتوب انت شنو اخر صف درسته و كم سنه راسب و يا سنه تركت المدرسة .. تروح للتربية ياخذون منك الورقة و 50,000 خمسون الف و تاخذ منهم وصل تستنسخه تنطيهم الاستنساخ و تاخذ الاصلي , 
ياخذون منك صور (4) قياس 3,5×4,5 سم 
و هوية الاصلية و الاستنساخ راح ينطونك استمارة تاخذها لمدرستك حتى ينطونك الوثيقة و تبصم بالابهام الايسر وتروح تسلمها للتربية و راح يكولولك روح و تعال قبل الامتحان بأسبوع استلم بطاقتك الامتحانية و شوف مركزك الامتحاني و الامتحان التمهيدي بشهر 2

#ملاحظة هذا الكلام ما يشمل النازحين ولا الساكن بمحافظة و مدرسته بمحافظة ثانية 


#تغيير_الفرع
-لا يحق للراسب في الصف الخامس و السادس اعدادي تغيير فرعه .
يعني طلاب الاعدادية(عدا الرابع) الراسبين و قدموا خارجي ما يحقلهم يغيرون الفرع اذا علمي يبقى علمي واذا ادبي يبقى ادبي .
-المتخرج من الاعدادية (اكاديمي او مهني) يحقلة يقدم خارجي و يمتحن الفرع المغاير لفرعه .
يعني الناجح من السادس يحقلة يقدم خارجي و يغير فرعه , يمتحن بالفرع الي يختارة .

اذا امتحن خارجي يقبلوني بالجامعه مثل طلاب المدارس لو يقبلوني بس جامعات اهلية ؟ 
شوف انت سواء تدرس صباحي او مسائي او خارجي ما راح يأثر الاسم على قبولك , ولا راح يسألونك انت خارجي لو طالب مدرسة؟ يقبلونك حسب مواليدك و معدلك شوف👇👇
هاي السنه الكليات الصباحية تقبل مواليد 
92, 93 , 94 , 95 , 96 ....فما فوق

وهاي السنه الكليات المسائية تقبل مواليد 
91, 90 , 89 , 88 , 87 , 86 ...فما تحت 

يعني ما عليهم اذا دارس خارجي لو صباحي بس عليهم بمواليدك و تنقبل حسب معدلك .



هل يحق لي اقدم خارجي و انا في كذا صف؟

#المتوسطة

1) اذا ناجح من السادس ابتدائي و ما مكمل الدراسة لازم تترك 3 سنوات يلا يحقلك خارجي .
 و #سنوات_الرسوب_ماتنحسب.

2)أذا ناجح من الاول متوسط و ما مكمل الدراسة لازم تترك سنتين يلا يحقلك خارجي .
و #سنوات_الرسوب_ماتنحسب.

3) اذا ناجح من الثاني متوسط و ما مكمل دراسة تترك سنه وحده يلا يحقلك خارجي 
و #سنوات_الرسوب_ماتنحسب.

#الأعدادية 

4) اذا ناجح من الثالث متوسط و ما مكمل الدراسة لازم تترك 3 سنوات يلا يحقلك خارجي 
و #سنوات_الرسوب_ماتنحسب.

5) اذا ناجح من الرابع اعدادي و ما مكمل الدراسة لازم تترك سنتين يلا يحقلك خارجي 
و #سنوات_الرسوب_ماتنحسب.

6) اذا ناجح من الخامس اعدادي وما مكمل الدراسة لازم تترك سنه يلا يحقلك خارجي 
و #سنوات_الرسوب_ماتنحسب.

*اضافة على ذلك الراسب سنتين في الصف السادس اعدادي يحقلة يقدم خارجي .






وضع القراءة :
حجم الخط
+
16
-
تباعد السطور
+
2
-