مرحبا بكم على موقعنا | أتمنى أن يعجبكم محتواه | فقط ادعمونا بالانضمام الى الموقع | لتحفيزنا على تقديم المزيد. ×

شلون تاخذ درجة كاملة ١٠٠٪ بمادة الاحياء للصف السادس علمي



"إعلانات"
"------------------------------------------------"

برنامج رحلتي في السادس:
السؤال اللخ :-
سؤالي هو الاحياء شلون اخذ درجه عاليه بي اني مأجله بس الاحياء
الجوواب ||

١-اني طبعا جنت اكثر مادة خايفه منها الاحياء وقريتها هوووااية بالمراجعه لان ممتحنت بيها بس فصل اول ونصف سنه اجلتها لان مريضه جنت وفصل ثاني كعدت بالبيت ،بس قريتها بالمراجعه وبدون ملازم اعتمدت بس ع كتاب ومخليت شي مقريته والحمد لله جبت بيها ٩٧ ع رغم خوفي منها بس اللي يتعب يكدر يجيب درجه عاليه ماكو شي مستحيل 😌❤️

٢-الاحياء الكتاب اهم شي ورسموا وكتبوا شكد متكدرون حته لو كتابه مخربطه وممفهومه التكتبوا مو مثل التقروا  وحاولوا تراجعوا اكثر من مره لان الشرح ينسي واقروا بصوت ضروري تره القرايه ع الصامت صعبه وتأخركم هواي واذا مليتوا امشوا واقروا  وملخصات هم تفيد بملزمه عفاف نذير او ماهر نايف ..😊

٣- الاحياء مادة تحتاج الى قراية اكثر ونصيحتي من الافضل تبلشون بل عطله  اما شلون قريتهه اني اعتمادي بشكل رئيسي على الكتاب لان حلو وكنت اقرة على الرسومات لان مستحيل تنسي  حتى لو موحفظ لان تذكرها بسرعه بل امتحان اما الملزمه فقط حلول اسئلة الفصل كنت اقراهة على الملزمه ماهر نايف وافضل لو تختبرون نفسكم ورقه وقلم مع القرائة  مو فقط الاحياء اي مادة  ورقه وقلم حتى تترسخ بل دمااغ وبفضل رب العالمين جبت بيهه 95 راح تعانون منهه بل بدايه بس هيه تحب الاعادة بل توفيق يارب للجميع

٤- الاحياء طبعا اكثر مادة جنت اخاف منها واغلب اللي اعرفهم اجلوها وخوفوني اكثر بس قررت اشد حيلي ودرستها كلش زين وراجعتها مرتين وحاولت اقراها كلها ليلة الامتحان واهم شي اقروا وزاريات قديمة وطبعا لازم الانسان يتحلى بالشجاعة بالامتحان يعني انا على اخر اللحظات جنت داجل بس ما اجلت وتوكلت ع الله والحمدلله اخذت ١٠٠ يعني فكرة مسح الدفتر اتركوها لان هوايا طلاب يمسحون ومن يطلعون تطلع اجاباتهم صحيحة فشدوا حيلكم وركزوا ع الاحياء واتعبوا بيها تره هي درس متعب بس اكيد بالنهاية الله ما راح يضيع تعبكم وراح تجيبون درجة وانصح الكل يقرون ع الكتاب ويتصفحون ملزمة ماهر نايف ويقرون وزاريات قديمة يعني سنة ال٩٠ وفوگ وبالتوفيق

٥-الاحياء حتى واحد ياخذ درجة عالية بي لازم يحفظه ويفهمه الحفظ وحدة لايكفي بالنسبة الي اني اخذت 99 بالاحياء مماخذة خصوصي بي اعتمدت عل كتاب ضبطت الرسومات جانت عندي مشكلة بالتعاريف ماكدر الا اعبر من يمي اتجاوزت هاي المشكلة من خلال الاعادة للمادة خلي اعتمادك الاول والاخير عل كتاب مو بكثرة الملازم ولا بالخصوصي بس هم ضرورية الملزمة وياك اني جان اعتمادي صح عل كتاب لكن من اخلص المادة اختبر نفسي تحريريا مو شفهي بالاسئلة الموجودة بالملزمة اكو اشياء مضمونة لازم تجي بالاحياء مثلا مامنشا ماوظيفة ما موقع  مقارنات مهمة لازم تجي مانوع النسيج هذني اني لخصتهم يمي باوراق وظليت اقراهن وكذلك المجموعة الكروموسومية  المسائل الوراثية لازم تتضبط حتى بالاسئلة اذا مثلا فراغ معرفته او اي سوال اخر تجاوب سؤال المسالة الوراثية وتترك ذاك السؤال .

شلون تاخذ درجة كاملة ١٠٠٪ بمادة الاحياء للصف السادس علمي شلون تاخذ درجة كاملة ١٠٠٪ بمادة الاحياء للصف السادس علمي Reviewed by HamaDa Al-iraqi on 3:19 م Rating: 5

ليست هناك تعليقات:


يتم التشغيل بواسطة Blogger.