مرحبا بكم على موقعنا | أتمنى أن يعجبكم محتواه | فقط ادعمونا بالانضمام الى الموقع | لتحفيزنا على تقديم المزيد. ×

بخصوص الكليات الاهلية والية التقديم فيها للعام الدراسي 2015-2016



"إعلانات"
"------------------------------------------------"

حبايب شلونكم , توضيح للكليات الاهلية الي فاتحه التقديم حالياً والي جاي انشر بيها بصفحتنا على انها فاتحة القبول . رغم تعليمات والاستمارة الالكترونية للتقديم الخاصة بالاهلي لم تطلق بعد من الوزارة . 



هذا الموضوع مو جذب انما الكلية فاتحة التقديم بمعناهـ , الطالب يروح للكلية ياخذون اسمه ويكلوله روح جيب تأييد التخرج ( وثيقة التخرج ) من الاعدادية وتروح تصدقه من التربية وتعنونه الى الكلية الي راح تقدم الها . وهذا الموضوع يحتاج لعدة ايام لذلك الكلية سبقت الاوان وطلبت من الطالب يروح يكمل هذه الاجراءات لحد ما الوزارة تعلن عن الاستمارة والدليل الخاص بالاهلي , هذه فقرة 


الثانية / اكو طلاب يسألون هي الاستمارة مو الكترونية ليش نروح للجامعة . الجواب ...
الكلية الاهلية تطلب من الطالب يروحلها حتى هي تقدمله على كليتها يعني شلون ابو المكتبة من تروحله يقدملك اذا جان الطالب ميعرف يقدم او حتى لاتصير مشكلة بالتقديم . 


وبنفس الوقت الكلية راح تضمن انت طالب صرت يمها . 

الثالثة / حضرتك تكدر تقدم على اكثر من كلية اهلية من نفس الاستمارة .
الرابعة / تكدر تقدم على اكثر من قسم داخل نفس الكلية .


الخامسة / اذا اريد اقدم لاكثر من كلية او قسم شلون اسوي اكثر من تاييد تخرج؟
الجواب / لا عيوني انت اذا مقرر على كلية معينة ومتاكد راح تقبلك روح سوي تاييد التخرج . اما اذا ما مقرر 100 % وبالك مشوش , تروح تقدم على الكليات ومن يطلع قبولك بالكلية الي انت رايدها بعدين روح سوي تاييد التخرج 

وربي يوفق الجميع . 


بخصوص الكليات الاهلية والية التقديم فيها للعام الدراسي 2015-2016 بخصوص الكليات الاهلية والية التقديم فيها للعام الدراسي 2015-2016 Reviewed by HamaDa Al-iraqi on 6:46 م Rating: 5

هناك 6 تعليقات:

  1. خويه مو انته ما تعرف روحك انقبلت الا لمن تقدم على الاستماره الالكترونيه وتروح للكليه حته يفعلون الاستماره وياخذون التأييد منك وبعدهه يالله تطلع القبولات فأذا تريد تقدم لأكثر من كليه تحتاج اكثر من تأييد والتأييد مو نفسه الوثيقه التأيد مجرد ورقه وحده يخلون عليها صورتك ودرجاتك بالمدرسه ويه الختم والتوقيع مالات المدير يعني تاخذ اكثر من تأييد وكل كليه تروحلهه تنطيها تأييد ( نفس الشيء صار وياي لمن قدمت على المسائي كل كليه اروحلهه يردون تأييد بحيث هسه لمن راح اقدم للأهلي سويت لكدام تأييدين وراح اسوي بعد تأييدين وتخلص اطلابتي #_# ومن الله التوفيق)

    ردحذف

  2. السلام عليكم
    اخي العزيز. تفعيل الاستمارة الالكترونية على الكليات الاهلية هسة لو من تنفتح على موقع الوزارة وينزل الدليل الخاص بالكليات الاهلية وتعليمات القبول ومعدلات القبول في كل كلية لو شلون
    ارجو الرد.......... وشكرا

    ردحذف

  3. السلام عليكم
    اخي العزيز . هل يتطلب منا جلب اكثر من تأييد تخرج للكليات التي نرغب في التقديم عليها لو تأييد تخرج واحد ومن ثم نستطيع التقديم على اكثر من كلية وعلى اكثر من قسم لو شلون
    ارجو الرد.................... وشكرا

    ردحذف
  4. @مرتضى الكيشوان

    من تنفتح على موقع الوزارة وينزل الدليل عزيزي .بس حاليا الكليات الاهلية توزع استمارات ملىء معلومات فقط وليست استمارة تقديم .

    ردحذف
  5. @مرتضى الكيشوان

    اذا حالياً لازم تجيب لكل كلية تاييد .
    اما اذا تنتظر ومن تقديم ع الاستمارة الالكترونية للاهلية , تاخذ تاييدك للكلية وتروح . وانتهت .

    ردحذف


يتم التشغيل بواسطة Blogger.