القائمة الرئيسية

الصفحات

بما انو اليوم جمعه ولمه فسويت قوزي بلفرن صراحه هوايه مسويه قوزي بس طريقة الفرن احلى واطيب طريقه اول شي اجيب اللحم واغسله واشرحه...

بما انو اليوم جمعه ولمه فسويت قوزي بلفرن صراحه هوايه مسويه قوزي بس طريقة الفرن احلى واطيب طريقه
اول شي اجيب اللحم واغسله واشرحه بلسكين حتى تدخل التتبيله بي
التتبيله عباره عن فلفل اسود وقرنفل وهيل ودارسين وورق غار وملعقه صغيره من البابريكا وثوم مجفف وبصل مجفف وكاري وملح واطحنهم بلطاحونه واضيفهم ع اللحم واضيف ٣ ملاعق لبن حامض و٢ ملاعق باربكيو صوص و١ ملعقه خردل
اتبل اللحم واغطي بورق شمع ووراها ورق سليفون كلش زين ماخلي مجال يطلع هوا ابدا وادخله ع الفرن من ساعتين الى ٣ ساعات ع حراره ٢٠٠ درجه
والتمن اسوي ع جهه واخلي بصل وفلفل اخضر وفلفل حار كله شي قليل مجرد للنكهه يطلع فدشي خرافي اكلته بلسعوديه وضليت من اسوي قوزي اضيف هاي الشغلات وابقي شويه من بهارات اللحم اخلي هم للتمن فد شي بسيط وماجي واخلي بچعب الجدر بتيته تصير مكان الحكاكه وكلش طيبه
طبعا البصل مو كله للتمن والحشو اني اسوي وياه مثل التشريب حتى لا يكون الاكل ناشف عباره عن بصل وفلفل اخضر وحار ونفس بهار اللحم ورياه خاشوكه معجون وماجي 😬
جربوا الطريقه هاي وحتشوفون كلش مختلف واطيب من المطاعم حتى 😬🤤











(Feed generated with FetchRSS)

هل اعجبك الموضوع :

تعليقات