القائمة الرئيسية

الصفحات

ازيكم نسيتوني ولا لسة فاكرين اختكم بنت النيل 💕💕💕 علي البساطة البساطة يا عينى على البساطة هايغديني جبنة وزيتون ويعشيني بطاطاااااا...

ازيكم نسيتوني ولا لسة فاكرين اختكم بنت النيل 💕💕💕
علي البساطة البساطة يا عينى على البساطة هايغديني جبنة وزيتون ويعشيني بطاطاااااااا😋😋😋😋😋بذمتكم مين يقدر يقاوم بطاطا سخنة مولعة ومعسلة وملزقة ومستوية ودايبة دوبان
من هنا ورايح لا للتورتة والجاتوووو
محبي الميلفية والشيكولاتات يمتنعوووون
احنا بتوع على الاصل دور
لكل اللي بتشتكي انها مش بتعرف تنقي البطاطا ولا يهمك اشتري اي بطاطا بس يكون حجمها متوسط واغسليها كويس اوى علشان هناكلها بقشرها
لاتنين كيلو بطاطا حلوة هانجيب صاج نفرد فيه ورقة فويل ونغلفها بورق زبدة او ورق ابيض عادى ونفرش نص كوب صغير سكر ونرص البطاطا ونرش فوقيها نص كوب صغير سكر ونغطيها بورق زبدة او ورق ابيض عادى ونغطى فوقيه بورقة فويل ونقفله كويس اوى من غير ولا نقطة مية وندخلها الفرن على حرارة عالية جدا هانلاقى السكررررر ساااااح وناااااح والبطاطا طلعت مية منها فيها بعد نص ساعة نشيل الفويل وورق الزبدة اللي علي الوش وندخلها نص ساعة كمان الفرن هانلاقيها استوت ودايبة دوبان واتشوت والسكر اتكرمل وغطا البطاطا 😋😋😋😋😋انا جوعت وانا باكتب هاقوم اكل واحدة كمااااان🤣😋😋
#enas_abass #chef_enas_abass











(Feed generated with FetchRSS)

هل اعجبك الموضوع :

تعليقات