القائمة الرئيسية

الصفحات

السلام عليكم البارحة وحدة من الاخوات نزلت منشور تسأل بيه عن تمن المندي شلون يصير الوان احمر وبرتقالي ..وشفت هواي من الخوات كالولها خلي معجون طماطة شوية وناس تكول اطبخ كل لون بجدر وبعدين اخبطهن ..عزيزاتي ميحتاج كل هذا التعب هسة راح انزللكم طريقة المندي واني لخاطر عيونكم سويت غدانا اليوم مندي علمود انزللكم الطريقة والصور وطبعا المندي اليشوف مكوناته يتوقعه فد خطوات مطولة وصعبة ..احب اكوللكم ابدا مو صعب ولا ياخذ منج وقت اصلاً اسهل واسرع من البرياني بهووواية والمكونات هي : كمية من... الرز البسمتي حسب كفاية العائلة يغسل وينقع بالماء لحم غنم ويفضل في المندي اللحم الدهين مو الناشف يعني مثلاً ضلوع الغنم (الصفة ) وتكدرين تخلين غيرها حسب الرغبة بس اطيب شي بالمندي الصفة مال الغنم. بصلة مفرومة ناعم + ملعقة اكل ثوم مهروس الوان غذائية حسب الذوق ويفضل اللونين الاحمر والبرتقالي (صبغ اللوزينا) اما التوابل فهي : كمشة قرنفل حب مامطحون +كمشة فلفل اسود حب مامطحون والماعدها حب خل تستخدم الفلفل الاسود المطحون . ٨ حبات هيل + عود دارسين + ورق غار +نومي بصرة وحدة مامطحونة ملعقة اكل كبيرة بهارات مندي خاصة +ملعقة اكل كبيرة بهارات السبعة وتكدرون تخلوله بهارات برياني عادي لان المندي يحب بهارات هوايه لانه هو نكهته وطعمه يصير حار +ملعقة كوب فلفل اسود مطحون . نجي على طريقة العمل : ١- نغسل لحم الغنم ونحمسه بقدر الضغط مع البصل وحبتين هيل وبهارات ونومي بصرة وملح وتخلي يستوي لمدة نص ساعة او ثلت ارباع الساعة حسب لحمكم وجودة الجدر مالتكم بالطبخ . ٢-بعد مايستوي اللحم نرفع اللحم من السوب مالته ونخليه بصينية الفرن وناخذ قطرات من اللون الاحمر واللون البرتقالي نمزجها بقليل من الماء وندهن وجه اللحم المستوي بحيث ياخذ لون شواء حلو مائل للاصفر والاحمر مثل مالت المطاعم وندخله للفرن لمدة ١٠ دقايق الى ربع ساعة حتى يتحمص وجه اللحم ويبين كأنما مشوي بس مو تيبسوه 🤫🤫 وبعدين تسبوني تكولون علمتنا خطأ😂😂 نجي على طريقة طبخ التمن تاخذين قدر وتخلين بيه زيت او سمنة وتحسين البصل والثوم وتخلين عليه ورق الغار والفلفل الحب والقرنفل والنومي بصرة وعود الدارسين و كل التوابل المذكورة وتقلب معا حتى تطلع ريحة التوابل وتمتزج النكهات تنزلين القدر وتضيفين عليه مرقة اللحم وتضيفين التمن المنقوع بعد تصفيته من ماء النقع وملح حسب الرغبة وتتركيه على النار الا ان يمتص الماء ويبقى فقط على التهدير هنا تنصين النار الجوا هنا السر اللي يخلي حبايات تمن المندي كل وحدة لون بدون ماتمتزج الالوان وتتخربط وهو مزج ملعقة طعام من صبغ اللوزينا بربع كوب مي وبكوب اخر نمزج اللون الاحمر السائل بربع كوب مي ونجي نصب اللون الاصفر بجهة من القدر والاحمر بالجهة المقابلة ونغطي القدر حتى يتشرب التمن الالوان بدون تقليب واكرر وااكد عليكم بدون تقليب ورة ربع ساعة يالة تكشفيه وتقلبين التمن بوقتها راح ميتخربطن الالوان لان كل جهة من التمن امتصت لونها فيصير عندج منظر يجنن وهو حبات متناثرة ابد ماملتصقة وكل وحدة لون واني احب احمي زيت وافركع التمن يطلع اطيب وانكه وعافيات على قلوبكم 😔😔 وتعب من الحجي

السلام عليكم البارحة وحدة من الاخوات نزلت منشور تسأل بيه عن تمن المندي شلون يصير الوان احمر وبرتقالي ..وشفت هواي من الخوات كالولها خلي معجون طماطة شوية وناس تكول اطبخ كل لون بجدر وبعدين اخبطهن ..عزيزاتي ميحتاج كل هذا التعب هسة راح انزللكم طريقة المندي واني لخاطر عيونكم سويت غدانا اليوم مندي علمود انزللكم الطريقة والصور وطبعا المندي اليشوف مكوناته يتوقعه فد خطوات مطولة وصعبة ..احب اكوللكم ابدا مو صعب ولا ياخذ منج وقت اصلاً اسهل واسرع من البرياني بهووواية والمكونات هي : كمية من... الرز البسمتي حسب كفاية العائلة يغسل وينقع بالماء لحم غنم ويفضل في المندي اللحم الدهين مو الناشف يعني مثلاً ضلوع الغنم (الصفة ) وتكدرين تخلين غيرها حسب الرغبة بس اطيب شي بالمندي الصفة مال الغنم. بصلة مفرومة ناعم + ملعقة اكل ثوم مهروس الوان غذائية حسب الذوق ويفضل اللونين الاحمر والبرتقالي (صبغ اللوزينا) اما التوابل فهي : كمشة قرنفل حب مامطحون +كمشة فلفل اسود حب مامطحون والماعدها حب خل تستخدم الفلفل الاسود المطحون . ٨ حبات هيل + عود دارسين + ورق غار +نومي بصرة وحدة مامطحونة ملعقة اكل كبيرة بهارات مندي خاصة +ملعقة اكل كبيرة بهارات السبعة وتكدرون تخلوله بهارات برياني عادي لان المندي يحب بهارات هوايه لانه هو نكهته وطعمه يصير حار +ملعقة كوب فلفل اسود مطحون . نجي على طريقة العمل : ١- نغسل لحم الغنم ونحمسه بقدر الضغط مع البصل وحبتين هيل وبهارات ونومي بصرة وملح وتخلي يستوي لمدة نص ساعة او ثلت ارباع الساعة حسب لحمكم وجودة الجدر مالتكم بالطبخ . ٢-بعد مايستوي اللحم نرفع اللحم من السوب مالته ونخليه بصينية الفرن وناخذ قطرات من اللون الاحمر واللون البرتقالي نمزجها بقليل من الماء وندهن وجه اللحم المستوي بحيث ياخذ لون شواء حلو مائل للاصفر والاحمر مثل مالت المطاعم وندخله للفرن لمدة ١٠ دقايق الى ربع ساعة حتى يتحمص وجه اللحم ويبين كأنما مشوي بس مو تيبسوه 🤫🤫 وبعدين تسبوني تكولون علمتنا خطأ😂😂 نجي على طريقة طبخ التمن تاخذين قدر وتخلين بيه زيت او سمنة وتحسين البصل والثوم وتخلين عليه ورق الغار والفلفل الحب والقرنفل والنومي بصرة وعود الدارسين و كل التوابل المذكورة وتقلب معا حتى تطلع ريحة التوابل وتمتزج النكهات تنزلين القدر وتضيفين عليه مرقة اللحم وتضيفين التمن المنقوع بعد تصفيته من ماء النقع وملح حسب الرغبة وتتركيه على النار الا ان يمتص الماء ويبقى فقط على التهدير هنا تنصين النار الجوا هنا السر اللي يخلي حبايات تمن المندي كل وحدة لون بدون ماتمتزج الالوان وتتخربط وهو مزج ملعقة طعام من صبغ اللوزينا بربع كوب مي وبكوب اخر نمزج اللون الاحمر السائل بربع كوب مي ونجي نصب اللون الاصفر بجهة من القدر والاحمر بالجهة المقابلة ونغطي القدر حتى يتشرب التمن الالوان بدون تقليب واكرر وااكد عليكم بدون تقليب ورة ربع ساعة يالة تكشفيه وتقلبين التمن بوقتها راح ميتخربطن الالوان لان كل جهة من التمن امتصت لونها فيصير عندج منظر يجنن وهو حبات متناثرة ابد ماملتصقة وكل وحدة لون واني احب احمي زيت وافركع التمن يطلع اطيب وانكه وعافيات على قلوبكم 😔😔 وتعب من الحجي













(Feed generated with FetchRSS)

هل اعجبك الموضوع :

تعليقات