القائمة الرئيسية

الصفحات

40 يوم نباتي - vegetarian 🌿 ! كعدت الصبح قبل 13 يوم وقررت اصير نباتي من دون سبب حرفياً ، والحمدلله لحد هسه اموري تمام رغم اغراءات ريحة الشاورما وشكل البيتزا وذكريات طعم اللحم والبرغر والسمج المسكوف بس بعدني مقاوم 💔😂 المهم صح اكو هوايه فوائد من تصير نباتي مثل الفيتامينات والمعادن الي حيكتسبها جسمك و قلة المصرف مال اكلك لدرجة جبيرة وخصوصاً اذا مثلي عايش وحدك وبلأضافة الى ان ماراح تجوع ابد لان تقسم وجبات هواية بس بكميات معقولة وحتى لو زدت الكمية تبقى السعرات الحرارية للخضروات …اقل من اللحوم بهواية و الأهم راح تنصدم من الامور الي تكدر تاكلها من دون لحوم بصورة عامة ! بس حتعاني من كم مشكلة مثلاً اذا تطلع ويه اصدقائك راح تضل تباوع عليهم عندهم الف خيار بلأكل وانت اقوه شي تلكاه سلطة عربية خيار وطماطة واذا حطوا وياها خس سووها فتوش ع اساس غيروا بلوصفة ونوعوا بلخيارات المشكلة الثانية راح تشبع تحشيش من اغلب الي تكلهم اني قررت اصير نباتي وحيطلعوك يأما طلي وتاكل بس خس يأما حيصيرون حاتم الطائي براسك وكلساع عازميك ع طلي مسكوف 😂 بس السؤال المحيرني يا ترى هم اكو ناس نباتيين هنا بلكروب؟ لان كل ما اطب ماشوف غير بس طريقة شواء اللحوم وطريقة المندي والكباب والخ 🤔 فاذا اكو كتبولنه شكد صارلكم نباتيين وشنو السبب وناوين تستمرون؟ وبلنسبة للبقية شنو المانعكم من تجربة تكونون نباتيين حتى لو بس اسبوع تحت كل صورة مكوناتها

40 يوم نباتي - vegetarian 🌿 ! كعدت الصبح قبل 13 يوم وقررت اصير نباتي من دون سبب حرفياً ، والحمدلله لحد هسه اموري تمام رغم اغراءات ريحة الشاورما وشكل البيتزا وذكريات طعم اللحم والبرغر والسمج المسكوف بس بعدني مقاوم 💔😂 المهم صح اكو هوايه فوائد من تصير نباتي مثل الفيتامينات والمعادن الي حيكتسبها جسمك و قلة المصرف مال اكلك لدرجة جبيرة وخصوصاً اذا مثلي عايش وحدك وبلأضافة الى ان ماراح تجوع ابد لان تقسم وجبات هواية بس بكميات معقولة وحتى لو زدت الكمية تبقى السعرات الحرارية للخضروات …اقل من اللحوم بهواية و الأهم راح تنصدم من الامور الي تكدر تاكلها من دون لحوم بصورة عامة ! بس حتعاني من كم مشكلة مثلاً اذا تطلع ويه اصدقائك راح تضل تباوع عليهم عندهم الف خيار بلأكل وانت اقوه شي تلكاه سلطة عربية خيار وطماطة واذا حطوا وياها خس سووها فتوش ع اساس غيروا بلوصفة ونوعوا بلخيارات المشكلة الثانية راح تشبع تحشيش من اغلب الي تكلهم اني قررت اصير نباتي وحيطلعوك يأما طلي وتاكل بس خس يأما حيصيرون حاتم الطائي براسك وكلساع عازميك ع طلي مسكوف 😂 بس السؤال المحيرني يا ترى هم اكو ناس نباتيين هنا بلكروب؟ لان كل ما اطب ماشوف غير بس طريقة شواء اللحوم وطريقة المندي والكباب والخ 🤔 فاذا اكو كتبولنه شكد صارلكم نباتيين وشنو السبب وناوين تستمرون؟ وبلنسبة للبقية شنو المانعكم من تجربة تكونون نباتيين حتى لو بس اسبوع تحت كل صورة مكوناتها







(Feed generated with FetchRSS)

هل اعجبك الموضوع :

تعليقات