القائمة الرئيسية

الصفحات

السلام عليكم اليوم راح اشاركم بحلوى جميلة وسهلة اسمها حلوى الموزائيك قبل كم شهر نزلت صورتها بتعليق على احد المنشورات وكثير سألوني عليها اليوم اقدمها الكم بتفاصيلها طبعا مقاديرها قليلة وعملها جدا سهل لكن تاخذ وقت لانتظار التبريد المقادير… نوعين او تلاثة جيلي او اربعة بكيفكم كوبين حليب سائل ٣٠ غرام جيلاتين اي ما بعادل ثلاثة ملاعق اكل ممسوحة وراح اشوفكم نوعه والبديل ثلاثة ارباع الكوب من الحليب المكثف المحلى العمل تذوبين كل نوع من الجلي على حدة بصحن بلاستك او حافظة ويكون مدهون بشوية زيت وتستعملين لكل باكيت جلي كوب واحد فقط ماء مغلي يعني مو مثل الاعتيادي كوبين حار وبارد لان الجلي لازم يكون ثخين وطبعا بعد ان تتركين صحون الجلي تبرد بدرجة حرارة الغرفة تدخليها للثلاجة وتتركيه اربع ساعات الى ان يجمد ولهذا اني اسوي الجلي بالليل حتى اضمن انجماده وثاني يوم اطلعه من الحافظات قطعة وحدة لهذا دهنتها بالزيت واستعملتها بلاستك واقطعه الى قطع متوسطة مستطيلة مربعة بكيفكم واحطه كله بصحن واحد واتركه بالثلاجة الان نخلي كوبين الحليب مع ثلاثة ارباع الكوب الحليب المكثف المحلى وراح تشوفوه هواية لا تقلقون هو يبين هيج بس ما تزيد الحلاة لان عدنا بعد خطوات اخرى نصع خليط الحليب على النار ونخوطه الى ان يغلي اول غلوة نطفي الطباخ ونترك الخليط الى ان يبرد تماما بدون ما ندخله للثلاجة لازم يبرد خارج الثلاجة احنا بهذا الاثناء نحضر القالب الذي راح نستعمله وندهنا بشوية زيت من يبرد خليط الحليب نبدي نسووي الجلاتين نخلي الجلاتين بكاسة ونصب عليه ثلاثة ارباع كوب ماء مغلي مو بس حار وانما يغلي ونبدي نحركه الى ان يذوب الجلاتين تماما نضيفه الى خليط الحليب ونخوط شوية بعدين ناخذ قسم من هذا الخليط ونحطه بالقالب ونخلي عليه قسم قطع الجلي بشكل عشوائي وبعدين نضيف جزء من خليط الحليب الى القالب ونحط عليه قطع الجلي وبعدين نحط ما تبقى من خليط الحليب وندخله للثلاجة فد تلاثة الى اربع ساعات وطبعا راح تسألون ليش تحطين الجلي وخليط الحليب طبقات لان هذا الخليط يجمد بسرعة فما يلحك يتغلغل بين قطع الجلي وبعدين الصور توضح كلشي واريد انبه الى ان الكوب الذي تستعملوه للقياس لازم يكون نفس القياس لكل مرحلة يعني مو تستعملون اكواب بقياسات مختلفة لاتغطون القالب من تحطوه بالثلاجة بس طبعا بعيد عن الماء او اي سائل هسة من نطلعه وحتى لا يعذبنا اولا نحا بسكين او بكشاطة الكيك شوية نحرك حوافي الخليط بعد ذلك نخلي ماء حار بتبسي ونكعد القالب بيه بس لمدة ثواني يعني حوالي ٢٠ ثانية او نجيب فوطة مطبخ ونكعها بمي حار ونلفها حول القالب لمدة دقيقة وبعدين نقلب القالب بصحن التقديم وبالعافية بالمناسبة القالب الذي اني مستعملته صغير على هذه المقادير لهذا زاد عندي خليته بقالب كلش زغير لهذا انتو استعملوا قالب اكبر طبعا اني طولت بالشرح اكثر من شغل هذه الحلوى بس علمود اوضحلكم كلشي وهسة راح انزل الصور وحتى الاواني المستعملة بالنسبة الى الجلاتين استعملت باودر وراح احطلكم نوعه واكو. نوعية على شكل اشرطة انتو اختارو بما يضمنلكم نفس الكمية ونفس النتيجة

السلام عليكم اليوم راح اشاركم بحلوى جميلة وسهلة اسمها حلوى الموزائيك قبل كم شهر نزلت صورتها بتعليق على احد المنشورات وكثير سألوني عليها اليوم اقدمها الكم بتفاصيلها طبعا مقاديرها قليلة وعملها جدا سهل لكن تاخذ وقت لانتظار التبريد المقادير… نوعين او تلاثة جيلي او اربعة بكيفكم كوبين حليب سائل ٣٠ غرام جيلاتين اي ما بعادل ثلاثة ملاعق اكل ممسوحة وراح اشوفكم نوعه والبديل ثلاثة ارباع الكوب من الحليب المكثف المحلى العمل تذوبين كل نوع من الجلي على حدة بصحن بلاستك او حافظة ويكون مدهون بشوية زيت وتستعملين لكل باكيت جلي كوب واحد فقط ماء مغلي يعني مو مثل الاعتيادي كوبين حار وبارد لان الجلي لازم يكون ثخين وطبعا بعد ان تتركين صحون الجلي تبرد بدرجة حرارة الغرفة تدخليها للثلاجة وتتركيه اربع ساعات الى ان يجمد ولهذا اني اسوي الجلي بالليل حتى اضمن انجماده وثاني يوم اطلعه من الحافظات قطعة وحدة لهذا دهنتها بالزيت واستعملتها بلاستك واقطعه الى قطع متوسطة مستطيلة مربعة بكيفكم واحطه كله بصحن واحد واتركه بالثلاجة الان نخلي كوبين الحليب مع ثلاثة ارباع الكوب الحليب المكثف المحلى وراح تشوفوه هواية لا تقلقون هو يبين هيج بس ما تزيد الحلاة لان عدنا بعد خطوات اخرى نصع خليط الحليب على النار ونخوطه الى ان يغلي اول غلوة نطفي الطباخ ونترك الخليط الى ان يبرد تماما بدون ما ندخله للثلاجة لازم يبرد خارج الثلاجة احنا بهذا الاثناء نحضر القالب الذي راح نستعمله وندهنا بشوية زيت من يبرد خليط الحليب نبدي نسووي الجلاتين نخلي الجلاتين بكاسة ونصب عليه ثلاثة ارباع كوب ماء مغلي مو بس حار وانما يغلي ونبدي نحركه الى ان يذوب الجلاتين تماما نضيفه الى خليط الحليب ونخوط شوية بعدين ناخذ قسم من هذا الخليط ونحطه بالقالب ونخلي عليه قسم قطع الجلي بشكل عشوائي وبعدين نضيف جزء من خليط الحليب الى القالب ونحط عليه قطع الجلي وبعدين نحط ما تبقى من خليط الحليب وندخله للثلاجة فد تلاثة الى اربع ساعات وطبعا راح تسألون ليش تحطين الجلي وخليط الحليب طبقات لان هذا الخليط يجمد بسرعة فما يلحك يتغلغل بين قطع الجلي وبعدين الصور توضح كلشي واريد انبه الى ان الكوب الذي تستعملوه للقياس لازم يكون نفس القياس لكل مرحلة يعني مو تستعملون اكواب بقياسات مختلفة لاتغطون القالب من تحطوه بالثلاجة بس طبعا بعيد عن الماء او اي سائل هسة من نطلعه وحتى لا يعذبنا اولا نحا بسكين او بكشاطة الكيك شوية نحرك حوافي الخليط بعد ذلك نخلي ماء حار بتبسي ونكعد القالب بيه بس لمدة ثواني يعني حوالي ٢٠ ثانية او نجيب فوطة مطبخ ونكعها بمي حار ونلفها حول القالب لمدة دقيقة وبعدين نقلب القالب بصحن التقديم وبالعافية بالمناسبة القالب الذي اني مستعملته صغير على هذه المقادير لهذا زاد عندي خليته بقالب كلش زغير لهذا انتو استعملوا قالب اكبر طبعا اني طولت بالشرح اكثر من شغل هذه الحلوى بس علمود اوضحلكم كلشي وهسة راح انزل الصور وحتى الاواني المستعملة بالنسبة الى الجلاتين استعملت باودر وراح احطلكم نوعه واكو. نوعية على شكل اشرطة انتو اختارو بما يضمنلكم نفس الكمية ونفس النتيجة











(Feed generated with FetchRSS)

هل اعجبك الموضوع :

تعليقات