القائمة الرئيسية

الصفحات

#العسليه اليوم سويت حلويات جيل الطيبين😂طبعا هيه كلش سهله وسريعه ومتاخذ وكت وبنفس الوقت الكل يحبها 😋اكو ناس تذكرها وناس ناسيتها احنه نسميها العسليه. مقاديرها كلش سهله ومتوفره بكل البيوت الي هي كوب وربع شكر. وكوب مي. وملعقه صغيره فانيلا. وملعقه صغيره عصير ليمون او لمندوزي. وملعقه صغيره ملونات غذائيه. تلكوها عند العطارين واكو هوايه الوان اني استعملت الاحمر👍. طريقه عملها كلش سهله انحط المي والشكر عالنار🔥 إلى ان يبدي يفور وراها نحط الليمون وبعدين نظيف اللون وطبعا اللون ضيفو شويه ش…ويه الى ان تشفون اللون الي تريدو. وطبعا تعوفوها عالنار تفور ربع ساعه من بدايه الفور تحسبون الوقت ربع ساعه يله طفوها يعني يصير شويه بيها ثخن. ولازم نكون محظرين صينيه مفروش كميه مناسبه من الطحين ونطبع بقاعده الاستكان مكان الي راح ندير بي العسليه واني موضحتها بالصور... وراها نعوفها تبرد زين ومن الافضل نحطها بالثلاجه فد نص ساعه وبعدين طلعوها واستمتعوا بطعمها 😋👍.... ..... وعليكم بالف عافيه....











(Feed generated with FetchRSS)

هل اعجبك الموضوع :

تعليقات