القائمة الرئيسية

الصفحات

السلام عليكم .. طبعا هاي اول مشاركة الي بهذا الكروب الجميل ☺️ وكلش دنستفاد من افكاركم وخبراتكم 🌸 شكرا الكم اليوم سويت ملفوف ورق عنب (يبرق) وحبيت اشارك وياكم الخطوات ☺️.. ... بما انو هسه وقت يكون بي ورق العنب متوفر فأكيد بالورق الطازج يطلع اطيب واذا ممتوفر صورتلكم العلب اللي موجودة بالاسواق تگدرون تستخدموها وطبعا الافضل تسلگهوها قبل لتبدون باللف حتى تصير سلسة مو قوية👍🏻 نجي للحشوة اني استخدم التالي: (والمقدار حسب الكمية اللي تسووها ،، بحيث كمية التمن مساوية لكمية اللحم) تمن عنبر (لحم مثروم + شحم) والافضل كمية الشحم ضعف اللحم تطلع اطيب شبنت (طازج او مجمد او مجفف) كلها ترهم 👍🏻 كرفس بصل اخضر هو واوراقه واذا ماكو بصل عادي (ملح + ليمون دوزي + فلفل اسود + كزبرة) نخلطها سوية بعدما نثرم البصل والكرفس وتصير جاهزة ونزلت صورتها 👇🏻 طبعا شغلة مهمة لنجاح هاي الطبخة وهي طريقة اللف المحكمة بحيث متطلع ولا حبة للخارج وهم نزلت تسلسل الخطوات باللف والورقة من تنلف تكون عروقها للأعلى والوجه الناعم للاسفل ونسد فتحات الورقة ونبلش بالحشو واللف نجي نحضر الحبشكلات اللي تتخلى بقعر الجدر وهي البطاطا والجزر ونقطعها حسب متحبون اني احب هاي القطاعات واستخدمها يطلع حلو شكلها ، مرات اضيف وياها باقلاء هم تنطي طعم طيب لان اكو شبنت بالموضوع 😉 خليت ورق زبدة بقعر الجدر حتى من تلچع متلزگ 😊وضفت عليه زيت وصفطت الحبشكلات وبديت ألف وارصفها ومهم كلش ترصفوها زين حتى متنفل ،، تريدون قطري بكيفكم☺️ اني احب ارصفها هيچ مثل البناء (حل وشد) 😅 وراها خليتها عالنار شوية تنحمس وبعدين خليت ماعون ثگلتها بي وضفت المي وكميته يادوب تغطيها لان من يكثر المي تتفلش وتتأخر يللا تنشف وطبعا النار لازم تكون هااادية ويستوي ع راحته ساعة تقريبا يتهدر.. بعدها گلبته بصينية والصور تشهد ع جمال المنظر والطعم طبعا 😋😍 وسويت يمها حمص بطحينة😋 يمكن كتبت هواية 😅 بس حتى اوفر عليكم الاسئلة والاجوبة🤗 تحياتي وعافيات

السلام عليكم .. طبعا هاي اول مشاركة الي بهذا الكروب الجميل ☺️ وكلش دنستفاد من افكاركم وخبراتكم 🌸 شكرا الكم اليوم سويت ملفوف ورق عنب (يبرق) وحبيت اشارك وياكم الخطوات ☺️.. ... بما انو هسه وقت يكون بي ورق العنب متوفر فأكيد بالورق الطازج يطلع اطيب واذا ممتوفر صورتلكم العلب اللي موجودة بالاسواق تگدرون تستخدموها وطبعا الافضل تسلگهوها قبل لتبدون باللف حتى تصير سلسة مو قوية👍🏻 نجي للحشوة اني استخدم التالي: (والمقدار حسب الكمية اللي تسووها ،، بحيث كمية التمن مساوية لكمية اللحم) تمن عنبر (لحم مثروم + شحم) والافضل كمية الشحم ضعف اللحم تطلع اطيب شبنت (طازج او مجمد او مجفف) كلها ترهم 👍🏻 كرفس بصل اخضر هو واوراقه واذا ماكو بصل عادي (ملح + ليمون دوزي + فلفل اسود + كزبرة) نخلطها سوية بعدما نثرم البصل والكرفس وتصير جاهزة ونزلت صورتها 👇🏻 طبعا شغلة مهمة لنجاح هاي الطبخة وهي طريقة اللف المحكمة بحيث متطلع ولا حبة للخارج وهم نزلت تسلسل الخطوات باللف والورقة من تنلف تكون عروقها للأعلى والوجه الناعم للاسفل ونسد فتحات الورقة ونبلش بالحشو واللف نجي نحضر الحبشكلات اللي تتخلى بقعر الجدر وهي البطاطا والجزر ونقطعها حسب متحبون اني احب هاي القطاعات واستخدمها يطلع حلو شكلها ، مرات اضيف وياها باقلاء هم تنطي طعم طيب لان اكو شبنت بالموضوع 😉 خليت ورق زبدة بقعر الجدر حتى من تلچع متلزگ 😊وضفت عليه زيت وصفطت الحبشكلات وبديت ألف وارصفها ومهم كلش ترصفوها زين حتى متنفل ،، تريدون قطري بكيفكم☺️ اني احب ارصفها هيچ مثل البناء (حل وشد) 😅 وراها خليتها عالنار شوية تنحمس وبعدين خليت ماعون ثگلتها بي وضفت المي وكميته يادوب تغطيها لان من يكثر المي تتفلش وتتأخر يللا تنشف وطبعا النار لازم تكون هااادية ويستوي ع راحته ساعة تقريبا يتهدر.. بعدها گلبته بصينية والصور تشهد ع جمال المنظر والطعم طبعا 😋😍 وسويت يمها حمص بطحينة😋 يمكن كتبت هواية 😅 بس حتى اوفر عليكم الاسئلة والاجوبة🤗 تحياتي وعافيات











(Feed generated with FetchRSS)

هل اعجبك الموضوع :

تعليقات