القائمة الرئيسية

الصفحات

السلام وعليكم حبايب اشكركم عالتشجيع والتعليقات الحلوه مثلكم بلنسبه للي رادو اطريقه رول السمسميه راح انزلها بكل الخطوات ولتشوفون شرح طويل وخطوات هوايه تره كولها سهله متاخذ وقت يلا تابعوني بلتفصيل حرفا حرفا👌😂 # مكونات رول الفستق نحتاج ١- كوب فستق 👈عادي او حلبي بكيفكم بس نزعو القشر الخارجي ٢- ملعقتين كبار سكر وملعقتين عسل 👈تردون بس عسل او بس سكر هم تصير ٣- ملعقه صغيره ليمون او ربع ملعقه شاي ليمندوزي 👈ديربالكم تصير حامضه وقاسيه حطو ذرات … # نجي للطريقه نضع السكر والعسل يتكرمل للاخير متبقه ذره سكر بعدين نخلي الهيل 👈حسب الرغبه بعدين رشه ملح وليمون صغنونات👌👍 بعدين نخلي الفستق ونخبطهم سوه وطفون نار هنا كون انتم محضرين ورق سليفون مدهون بلزيت حت تفرشون الفستق بلطول بشكل اسطواني او شبه دائري ونوب تلفونه وتركونه ع جهه ياخذ قالب نجي# لتغليف الرول بلسمسم# نحتاج👈💃👇 مو رقصه اقصد فره جوه 🤣🤣 ١- كوب وربع سمسم ٢- ربع كوب سكر 👈تكدرون تضيفون بس عسل او دبس نص كوب ٣- ملعقتين دبس او عسل ٤- هيل اذا تحبون نجي للعمل:- ناخذ السمسم نحمصه وع جهه ناخذ السكر والعسل نكرملهم بعدين نخلي رشه ملح وملعقه شاي ليمون او ربع ملعقه شاي ليمندوزي لتكثرون تصير حامضه وصلبه🤪 هنا نخلي السمسم ونطفي النار ونخبطه خبطه تمام حت يتلابس الخليط كوله ناخذ ورق السلفون وندهنه بزيت نوب نصب السمسم ونساوي ولازم يكون بطول الرول مال فستق موتسونه البطانه اطول من الوجه😂لا لازم حد بحد سوه .ضحكنه شويه لازم نكمل😓صبينه السمسم بالطول هنا نجيب رول الفستق نشيل السليفون منه ونخلي بنص السمي هيج متربع🧘‍♀️🤣🤣 نوب نلفهم سوه ونتركهم يتعاركون فد اربع دقايق بين ميتماسك بعدين تاخذون سكين🔪🔪 تدهنوها بزيت او راشي وتقطعون ع شكل دوائر اذا شوي تخربط الشكل بايدكم رتبو .😴😴تعبت من الحجي هنا اريد تفاعلكم بكد كلام الحجيته واذكروني بلخير تحياتي لكل الموجودين🤗












هل اعجبك الموضوع :

تعليقات