القائمة الرئيسية

الصفحات

صينية برمة حلزونية❤️❤️ طبعا بقلاوة البيت مينشبع منها لان تعرفون مكوناتها وتتحكمون بلشيرة عجينة بقلاوة حاضرة تجي متسطيلات رقيقة جدا اهم شي من تبدون تشتغلون بيها تغطوها بخاولي وتطلعون قطعه قطعه حتى متيبس. نفرش قطعة كبيره ندهنها بدهن حر وزبد مخبوط ونرش عليها فستق مطحون مخبوط وياه شويه هيل مطحون. ونلفها باي شيش خشبي او قلم طويل او قصبة كلها استعملها ههههه. واخر شي نسد العجين بشويه زبد حته يلزك ومتنفتح وره منلفها . نضغطها من الجهتين بحيث تنخرط ويصير هيج شكلها. نقطعها ونصفها بصينية مدورة مدهونة بزبد مذاب ونستمر نسوي الطبقات برمة ونسفطها بهلطريقة بلصينية واخر شي نرش عليها دهن حر مذاب ونمسح بي الوجه وندخلها الفرن. تقريبا ربع ساعة تصير ذهبية نطلعها ونرش عليها شيرة باردة محضره سابقا طريقة الشيرة كوبين سكر كوب ماء وحبات هيل وعصرة ليمون ونخليها تغلي بدون تحريك لحد متلزم ونبردها. واخر شي رشة فستق حلبي مطحون للزينة وصحتين وعافية ❤️❤️



(Feed generated with FetchRSS)

هل اعجبك الموضوع :

تعليقات