معاهد النفط العراقية - معهد النفط - اجوبة لكل استفسارات الطلاب

Ahmed AlHaddad
28
#معاهد_النفط_العراقية 
#معهد_نفط_بغداد 
#اجوبة على مجموعة من الاسئلة عن معهد التدريب النفطي في للطلاب الجدد /
________________


س/ شوكت التقديم ؟ 
ج / ينفتح بعد نتائج الدور الثاني ب ايام 
________________
س / شلون يتم التقديم ؟ 
ج ،التقديم الكتروني عن طريق الموقع الرسمي للمعهد.




________________
س/ يا محافظه ويا محافظه يقبل المعهد 
ج/ يقبل كل محافظاتنه الوسطى 

السماوه. الكوت. الحله . القادسيه. النجف .كربلاء. بغداد 
________________
س/ المعهد بي مسائي ؟ 
ج/ماكو مسائي ويقبل خريجي الفرع العلمي حصراً ،، المتخرج هاي السنة من السادس او ثاني سنه بعد التخرج ، يعني مثلا لو كان اول مرحلة بالكليه وخلصهه ، من حقه السنه الوراهه يقدم على المعهد 
________________
وين صاير المعهد ؟ 
ج / بالوزيرية قرب جامعة الامام الصادق ( البكر سابقآ) ، نفس فرع شركة الصناعة و المعادن او شارع دخول دائرة كهرباء الرصافة خلف الرعاية الاجتماعية بالضبط بس تسأل يدلوك عليه .
_______________
س/ شكَد المعدل المطلوب ؟؟
المعدل لا يقل عن 75 بس القبول يكون حسب التقديم .. 
خلال السنتين الفاتن تراوح معدل قبول الولد من 83_85 
ومعدل قبول البنات تراوح من 86_ 88

والبنات ينقبلن باقسام محدده ومن ضمنهن اعلى الاقسام 
( يعني اختصاص تكدر البنية تعمل بيه ) 
________________
س / فرضا طلع اسمي وانقبلت شسوي ؟؟ 
ج / انت سواء طلع اسمك او مطلع تروح تقدم على الانسيابية وتنقبل بكلية وتقدم عليها حسب الاصول وتنطيهم وثيقتك وبعدين من يطلع اسمك بالمعهد تاخذ كتاب ترقين قيد من كليتك وتجيبة للمعهد ويه البطاقه الامتحانية ، ووثيقة تسحبها من الموقع من يطلع اسمك  وتجي للمعهد تقدم اوراقك وتباشر دوام .
و تره التقديم ع المعهد يسموا خاص مو مباشر لتشتبه يعني ماله علاقة بالتعليم العالي انت اتصالك وية وزارة النفط
________________
س/  شنو الاقسام الموجوده ومنو اعلى قسم ؟ 
ج : معهد النفط اربع اقسام وكل قسم يتفرع الى اختصاصات 

#قسم النفط : و يشمل كل من :-
       *- شعبة الانتاج و القياسات الحقلية
             *- شعبة ميكانيك اجهزة الحفر.
                       *- شعبة الحفر.
                        .

#قسم التصفية : و يشمل كل من:-
                       
                 *-شعبة التحليلات النفطية
             *- شعبة التشغيل و السيطرة.
                           *- شعبة تقنية الغاز.
               

#قسم الميكانيك : و يشمل كل من:-
               *-شعبةالسلامة الصناعية
           *- شعبة المضخات و التوربينات.
        *- شعبة ميكانيك المعدات النفطية.
         *- شعبة اللحام الغازي و الكهربائي.
             *- شعبة تقنية خطوط الانابيب.
        
         
#قسم الكهرباء : و يشمل كل من:-
            *- شعبة كهرباء المعدات النفطية
                  *- شعبة القياس و السيطرة.
_
* ملاحظه ع الاقسام 👆: كل طالب يفضل الاقسام من حيث واقع حاله يعني اكو اختصاصات خده و خدر بس راتبه مو مثل الاختصاصات المتعبة و الخطره يعني خليها بـ بالك النفط راتبك ع كد تعبك، ۿسه راح ارتب الاختصاصات حسب رأي غالبية الطلبة : 
1_ التحليلات النفطية
2_الانتاج
3_التشغيل و السيطره 
4_ القياس والسيطره 
5-تقنية الغاز
6_ كهرباء معدات نفطية 
7_سلامة صناعية
8_ميكانيك معدات نفطية

اما بقية الاختصاصات متقاربه فيما بينها تتبع رغبة كل شخص 

*** #تنويه_مهم/ كل سنة تنفتح اختصاصات و تنسد اختصاصات حسب الحاجة .
__
س / العشرة الاوائل ؟ 
ج، ماكو شي اسمه العشرة الاوائل ، اكو 10% اوائل ، تفرق ، يعني اذا قسم بي 40 طالب يطلعون 4 بس 

وقبولهم بالكليات حسب الاختصاص مع العلم  ، لازم سنتين تطلع اوائل بالمعهد ، ومن تخلص يخيروك بين التعيين والهندسه 
فرضا اختاريت الهندسة ، لازم تطلع خلال اربع سنين من الربع الاول بالكليه ، حتى ترجع تتعين بالنفط ، واذا سنه من  السنين مطلعت ينلغي العقد بينك وبين شركة النفط وتبقى على التعليم العالي حالك حال اي طالب هندسة ...

هناك 28 تعليقًا:

  1. هل يقبل خريجي طلاب المهني ( الصناعي)

    ردحذف
  2. اجور موازي معهد النفط شكد؟
    وفرق المعدل شكد؟

    ردحذف
  3. هل يوجد معهد نفط في كربلاء واين

    ردحذف
  4. الفرع لاحيائي ينقبل بلمعهد او الهندسه النفط لو بس التطبيقي

    ردحذف
  5. طلاب المهني فرع حاسبات ينقبل معهد نفط لو لا

    ردحذف
  6. خويه اذا اني احيائي يقبلوني
    وهم اذا احيائي لازم معدلك اعلى من المعدل المطلوب

    ردحذف
  7. سلام عليكم ... معهد النفط يقبل سنوات سابقه

    ردحذف
  8. هل يحق للشخص إكمال كلية هندسة مسائي و حصل على شهادة البكالوريوس و إضافة الشهادة البكالوريوس هل يبقى عامل فني لو يصبح مهندس

    ردحذف
  9. يلي مخلص ثالث متوسط يصير يروح معهد نفط بلا ميكمل اعداديه لو لا

    ردحذف
  10. يوجد معهد نفط اهلي لطلاب السادس العلمي

    ردحذف
  11. السلام عليكم اني طالبة جامعة كملت مرحلة اولى بس حابه اقدم على المعهد معدلي 87.9بدون اضافات انقبل او لا

    ردحذف
  12. اني قدمت السنه الي فاتت بس منقبلت هل سنه يحقلي همين اقدم بس اخاف ما انقبل

    ردحذف
  13. ياااارب يااارب ياررب اطلع معهد نفط 😭😭💔💔

    ردحذف
  14. احسنتم كثيرا


    للمعلومات المفصلة الجديدة عن المعهد 2021

    https://enciq.com/%D9%85%D8%B9%D9%87%D8%AF-%D8%A7%D9%84%D9%86%D9%81%D8%B7/

    ردحذف
  15. هل يقبل معهد النفط شهادة الثالث متوسط او بدرجة عالية يعني بلثماني فما فوق

    ردحذف
  16. طالب الادبي يكدر يقدم على معهد نفط

    ردحذف
  17. السلام عليكم خويه معهد النفط يقبل الدراسه المهنيه قسم البتروكيمياويات

    ردحذف
  18. ليش ما يصير لطلاب الادبي يقدمون على معهد النفط

    ردحذف
  19. واللي من محافضه الانبار شلون

    ردحذف
  20. اللي مكمل بكلوريوس يكدر يقدم معهد؟

    ردحذف
  21. سلام عليكم
    يصير اجيب تأييد درجات ووثيقة وتأييد سكن معنون لغير جامعه

    ردحذف
  22. اذا اني متخرجة من كلية علوم اكدر اقدم على معهد النفط ؟

    ردحذف