نبذة تعريفية على "كلية اللغات" في الجامعات العراقية

Ahmed AlHaddad
31
نبذة تعريفية على "كلية اللغات" في الجامعات العراقية

اليوم نحجيلكم شوي عن كليه كلش راقيه ❤️يمكن هواي مايعرفوها لو ماعدهم معلومات عليها🌸
#كلية_اللغات✌🏻
اول شي نعرف وين موجوده؟!
موجوده بذني جامعات👇🏻
١-جامعه بغداد🔴
وقبلت /٦٤،١ادبي/٧٩،٩ احيائي/٧١،١ تطبيقي
اقسامها:-(انكليزيه،فرنسيه،المانيه،اسبانيه،روسية،تركيه،فارسيه،عبريه،سريانيه)

٢-جامعة الكوفه⚫️
قبلت/٦٥ادبي/٨٦،٩ احيائي/٧٩،٩ تطبيقي
اقسامها 
(انكليزيه وتركيه)


✅احسن قسم بيها طبعا الانكليزي وراه الفرنسي والتركي
❇️شغله مهمه انو الي يدرس بجامعه بغداد لغات انكلش يدرس اول مرحلتين فرنسي يعني يتخرج عنده دبلوم لغه فرنسيه وبكلوريوس لغه انكليزيه😍
✳️الي يتخرج من هاي الكليه يكدر يشتغل ب٣ مجالات

١-مهنة التدريس سواء بالمدارس او بالجامعات💜

٢-مترجم بهواي شركات ومختلف دوائر الدوله والوزارات❤️

٣-باحث لغوي💛

طبعا بسبب وضع العراق اكثر شي يتجوهون خريجين هاي الكلية بالوقت الراهن للتدريس بالجامعات والمدارس 
وشغله المترجم كلش راقيه وحلوه وحتى بيها فلوس زينه😂 الي يكدر يحصل شركه ويصير مترجم كلشش راح يستفاد وراح تتغير حياته
بسس الشركات بالعراق تعرفون الوضع بس ان شاء لله يتحسن الوضع وترجع الشركات😍
والباحث اللغوي هل شي شوي معقد ولارم تكمل دراسات وبعدين انزللكم معلومات عليه✌🏻

💹هسه نجي اول ميتخرج الطالب شنو الي راح يصير؟
اول ميتخرج اسمه متدرب يدرس بالنقابه ومكان بيه ترجمه ويمتحن ويصير مترجم
وراهة من مترجم هم لازم يدرس حته يصير ممارس وراهة خبير وخبير اعله شي بالترجمه
وعنده تخصصص وره التخصص ينطوه شهاده ترخيص لفتح مكتبه الخاص
يعني بيها امل تكمل تدرس وتكمل وتوصل حلمك اذا محصلت تعين لاسامح الله👍🏻
صراحه كلشش قسم راقي وكلية راقيه خاصا الي يجيها عن رغبة راح يبدع بيها😍😍
اتمنا ماطولت عليكم واتمنالكم كل الموفقيه❤️

هناك 31 تعليقًا:

  1. طيب سؤال، انا لازم ادخل بقسم الادبي حتى اروح لكلية اللغات؟ لو هم يصير اذا رحت للقسم العلمي، لان سمعت ناس تكول رح يلغوها بالقسم العلمي او ماكو.. رجاءا رد.

    ردحذف
    الردود
    1. لا عادي تقدر بالحالتين لكن المعدل يختلف

      حذف
  2. هو اكيد يگدر يشتغل مترجم لو هاي كلاوات لان اكو ناس يگولون لا ميصير وهاي دراسه وحد 😐رد رجاءاً

    ردحذف
  3. سلام عليكم ممكن ترد اكدر اني اكمل دراستي لغات وكلشي اكمل اخذ شهادتي واروح للخارج اتعين أو شي وافضل شي يا دوله واكدر من اكمل سادس اروح ادرس كليه بالخارج وشكرا جزيلا❤️🥀

    ردحذف
  4. شنو المعدل المطلوب لدخول مجال اللغات والترجمه ،، للفرع الأدبي.؟؟ الي يعرف يجاوب باليز🙂

    ردحذف
  5. ممكن اعرف هالقسم اكو بالاهلي وشكد المعدل

    ردحذف
  6. ممكن احد يفهمني يعني لازم ندخل فرع أدبي يصير علمي ؟؟

    ردحذف
    الردود
    1. لا عادي يصير بل علمي بس معدل يختلف

      حذف
  7. اكو كلية لغات بالبصرة

    ردحذف
  8. جكد المعدل المطلوب للادبي واكو كليه لغات بلبصره الي يعرف يجاوب بلا زحمه 🙂

    ردحذف
    الردود
    1. 64 أو 65 وماكو بس جامعه بغداد وجامعه الكوفه والجامعه العراقيه

      حذف
  9. شكد المعدل للعلمي..؟

    ردحذف
  10. يصير اتعلم لغتين لأن حاب اتعلم تركي وانكليزي

    ردحذف
  11. انا ضعيف بلانكليزي وحاب هل قسم اذا دخلت راح اواجة مشاكل شون راح يتعاملون ويانه رد رجاءً منتضر ردك ؟!

    ردحذف
  12. التعيين او التوضيف شلونه بيه واحد يكعد ويسكت بالبيت لو مده ويشتغل لو شنو

    ردحذف
  13. يصير يقدمون عليه طلاب محافظات
    يعني انه بصره واريد اقدم عليه عادي
    يقبلوني

    ردحذف
  14. ممكن سؤال واتمنه جاوبني عليه كلية اللغات تعتمد على درجة الإنكليزي لو لا

    ردحذف
  15. لا تعتمد على المعدل فقط

    ردحذف
  16. ممكن اسماء الجامعات المتوفر بيها قسم الترجمه ،الي يعرف يرد وشكرا

    ردحذف
  17. علمي احيائي شكد يحتاج معدل ت اطلع كلية اللغات ؟

    ردحذف
  18. شلون اسجل بيها؟
    وهل اكدر اختار قسمين من اللغات
    مثل الفرنسية والفارسية

    ردحذف
  19. ممكن سؤال لو دخلة معهد للغات كم سنة و أخلص ؟

    ردحذف
  20. اذا ردت ادرس اللغه الكوريه وين ادرس

    ردحذف
    الردود
    1. اني هم اريد اللغة الكورية🇰🇷

      حذف
  21. هل قسم الغات اذا درسته وكملته اكدر اصير طياره او مضيفه طيران لو هاذ ماله دخل بهاذ✌🏻💔اتمنه اتجاوبون

    ردحذف
    الردود
    1. اعتقد ان مضيفة الطيران بدون شهادة او شي, بس لو تعرف/تعرفين لغه رح يكون احسن بصالحك انو تتعين بشركات اجنبيه لان اغلب المضيفات اذا مو كلهم يحجون لغتين او اكثر

      حذف

مساحة اعلانية
مساحة اعلانية