نبذة تعريفية عن قسم علوم الحياة البايو Biology في الجامعات العراقية

Ahmed AlHaddad
3
نبذة تعريفية عن قسم علوم الحياة البايو Biology

#علوم_الحياة او #البايو

☘️هواية طلبو مني معلومات عن هذا القسم اول شي هو يقبل معدل من ٨٦ وفوك بالنسبة للجامعة المستنصرية واحيانا يوصل للتسعين وبجامعة بغداد يقبل من ٨٨ وفوك  

☘️الفرق بين المستنصرية وبغداد انو بجامعة المستنصرية يتخرج كباحث مو محلل ويكدر يشتغل بمختبر عادي بس بعد تدريب خمس اشهر وعندة شهادة وبعد خمس سنوات ممكن يفتح مختبر بس لازم ماجستير  اما جامعة بغداد فهو يتخرج كمحلل مباشرة يكدر يشتغل بمختبر لان القسم ببغداد اسمة تحليلات مو علوم بايو 


☘️بالمستنصرية قسم علوم الحياة او البايو الي يطلع اول بالمرحلة الاولى يكدر يحول صيدلة او طب اسنان هاي بالنسبة للاول اما الباقين من يوصلون للمرحلة الثالثة فاكو تخصص يعني بالمرحلة الاولى والثانية جان يدرس عام وبالثالثة حيتخصص الى اربع اقسام اما مايكرو او تقانة احيائية او حيوان او نبات هاي التخصصات الاربعة من الاعلى للادنى وهاي تتخصص الها حسب معدلك بالمرحلة الاولى والثانية وعلى حسب كلام ممكن تنشال هلتخصصات وممكن لا مااعرف بعد

☘️اما بالنسبة لجامعة بغداد فماكو هيجي تخصصات هو من تدخل قسم العلوم حتلكة اقسام مالها تحليلات وتقانة وكيميا وفيزيا والى اخره 
هنا من تروح تحليلات فانتة متخصص مباشرة وعندهم قسم تقانة هذا قسم كامل يدرسوه اربع سنوات بس بالمستنصرية فهو من ضمن تخصص يدرسوه سنتين مثل ماوضحت فوك 

☘️نجي على المستقبل مالتة بالنسبة لجامعة بغداد فشهادتها اعلى اكيد ومن تخلص تشتغل بمختبر مباشرة اما مستنصرية فانتة تعتبر كباحث بس لازم تدرب يلة تشتغل بمختبر وهو قسم حلو بس هنا بالعراق محد معبرة يعني اكتشاف الفايروسات والطحالب والامراض تطلع من هذا القسم وحتى اكتشاف العلاجات للامراض كلة من هذا القسم وبالخارج كلش مرغوب اما بالعراق فدراسة صعبة مو سهلة ابد بس للاسف مستقبل مابيها 

يعني اذا تروح معهد نفط ممكن تتعين بعدين بس بايو مابي تعين حتى انطو تعينات للاهلي وللمعاهد  تحليلات حسب مسمعت بس حكومي بايو ماكو الا واسطات

 وطبعا ارجع واكول الي يشتغل على نفسة ويدور ويتعب ممكن يلكة تعين ومحد يعرف ورة اربع سنوات شيصير فلي يحب هلقسم ويبدع بي يروحلة والي ميحبة ليجي خلي يروح معهد طبي احسن هاي بالنسبة للمستنصرية لان هي جامعتي

☘️اما بغداد فهاي معلومات الي عندي عنها ماعندي اكثر وباقي الكليات هم مااعرف وانتو اذا تريدون معلومات عن اي كلية مو بس بايو فاسالو من طلاب كلية نفسهم او من صفحات على الفيس ادخلو ابحثو واسالو هناك


هناك 3 تعليقات:

  1. السلام عليكم بس عندي استفسار , بالنسبه لليطلع اول و يروح صيدله او اسنان تقصد اول على الدفعه لو من 10 الاوائل ؟ و هل اكو هذا الشي بقسم الكيمياء يعني اذا طلع اول يروح صيدله؟ و اخر سؤال اذا شخص قرا مثلا بايو يصير وراها يقرا فيزيا او كيمياء او اي كليه ثانيه يعني شهاده ثانيه؟

    ردحذف
  2. بالنسبة للجامعة المستنصرية قسم نبات أو حيوان يكدر يحصل اجازة فتح مختبر حاله حال المتخرج من باقي قسم البايو إذا دخل دورة منح اجازة؟

    ردحذف
  3. السلام عليكم بس سوال اني كليه تربيه صرفه قسم بايو اذا اطلع الاول على الدفعه يحقلي احول الى كليه او معهد التحليلات المرضيه

    ردحذف