#تحـــــــسين_الـــمـــعــــــــــدل
هو قرار يكول .اذا انته طالب ناجح دور 1 بجميع المواد .. وشفت معدلك ما عجبك او عندك درس او درسين تريد تصعد درجاتهن حته يصعد معدلك . يحقلك تسوي تحسين بهاي المادة أو المادتين .. هسه ناخذ اسئلة عنه 👇
1⃣ هالسنة أكو تحسين ؟
حسب رأيي 100% أكو
2⃣ شوكت يعلنوه اذا اكو او لا ؟
قبل امتحانات الدور الثاني اما بأسبوع او 10 ايام
3⃣ ألمن يشمل ؟
يشمل الطالب الي ناجح دور 1 بجميع المواد فقط ..
4⃣ أذا سويت تحسين تروح الدرجة الي ينطوها للناجح دور 1 ؟
نعم تروح وتعتبر طالب ناجح من الدور الثاني
5⃣ مثلا اني نجحت واريد اعيد شسوي ؟
تسوي تحسين معدل ومتروح تمتحن .فراح تعتبر غائب وترسب
6⃣ كم مادة يحقلي احسن ؟
مادة او مادتين لا اكثر وانته تختار اما مادة او مادتين ..
7⃣ شلون اسويه ؟
تروح لادارة مدرستك ينطوك استمارة تمليها بأنه احسن بدرس كذا ودرس كذا
8⃣ يصير اسوي تحسين بس بعدين ابطل ؟
بمجرد ان توقع ع الاستمارة بعد ميصير تتراجع عن قرارك . ودرجتك السابقة راح تحذف وتعتبر طالب مؤجل
نقلا عن (رحلة التفوق في السادس)