بالنسبه لتقسيم الجامعات .. راح اشرح حسب الموجود ..يعني حسب الي بالصوره بعد الموجود صح كذب ما ادري هذا حسب ماطلع من هيئة الرأي بس حسب الموجود :
دايكولك
#الاحيائي ( الطبيات - التمريض - المعهد الطبي - التقنيه الطبيه - الطب البيطري )
#التطبيقي ( هندسه معماريه - هندسة نفط - هندسه مدنيه - هندسة الكهربا- هندسة الالكترونك - التقنيه الهندسيه - هندسة الميكاترونكس )
هسه ذني تريد احيائي تروح بوحده منهن تريد تطبيقي تروح بوحده من ذني ..
يعني / يازهور اذا عاجبتج الهندسه المدنيه شرط تكونين طالبة تطبيقي
يعني / يا وسام اذا عاجبك طب الاسنان شرط تكون طالب احيائي
هسه نجي للكليات المشتركه هنه كومه
العلوم
الاداره والاقتصاد
التربيه
القانون
الهندسه
.
.ألخ
لحد ما صارن 20 وحده
هسه تكول شنو انته لوتي ؟ انته مو كولت #الهندسه تطبيقي ؟ شو هاي مشتركه ؟
اها شوف هاي المشتركه (( هو دايكولك بس ذني اقسام الهندسه ال 7 تطبيقي )) يجوز عدنا 20 قسم هندسه فدايكولك ذني اول 7 شرط تطبيقي اما الباقيات بكيفك جنت تطبيقي او احيائي فتكدر تدخلها
ناخذ مثال/
مثل الهندسه الطبيه
هاي جنت تطبيقي او احيائي تدخلهه
وضحت ؟
هسه نجي للمعدلات ..
صدك المعدله 60 يطردوه ؟ 😢😭
ليش يطردوه ؟
هذا قانون ثابت بالجامعات اذا معدلك 60 وفوك تقدم ع جامعات
المعدلات راح تصعد تنزل ؟
حسب رأيي بعضها تصعد وبعضها تنزل وبعضها نفسها نفس الطبيات اعتقد تبقه نفسها والصعود احتمال قوي يكون بالاقسام مو بالكليه ككل .. واذا صعدت فصعودها يكون بفارق بسيط درجتان او 3 مو اكثر
منقول من (رحلة التفوق في السادس)