الفرق بين الاحيائي والتطبيقي لطلبة السادس الاعدادي .. 2016

الفرق بين الاحيائي والتطبيقي لطلبة السادس الاعدادي .. 2016


"إعلانات"
"------------------------------------------------"

السؤال الدائما يتكرر اني راح اعيد سنة😢بس حاير ادخل #احيائي لو #تطبيقي 

اني راح اجاوبك باختصار وابينلك امور وانت قرر وفقها 

.
🎇شنو التطبيقي؟؟ 

🎆التطبيقي هو نفس الكتب تدرسها بس اضافات قليلة وحذف ايضا 
عدك كتاب الرياضيات نفسة والفيزياء اعتقد كذلك ممتغيرات 
وكتاب الاحياء حذف وحطوا بمكانة كتاب الاقتصاد
والكيمياء بيها حذف امور واضافة اخرى 
والاسلامية وعربي وانكليزي  ممتغيرات 😉

.

🎇زين الاحيائي شنو؟؟  

🎆الاحيائي اعتقد نفسة ممتغير 
مثلا الرياضيات والفيزياء بيهن حذف 
والكيميا تقريبا نفسها 
والاسلامية، عربي، انكليزي ممتغيرات 

.
🎆زين فهمنة هاي نجي سؤال مهم جدا اني شنو راح اختار😭

.
🎇شوف انت حط ببالك اذا دخلت احيائي فالكليات راح تكون الطبيات ومشتقاتهة يعني.
طب 
صيدلة 
علوم بايو
تقنية طبية 
معاهد طبية 
وغيرها هووواي هوواي 
اي شي يتعلق بالطبيات احيائي 

.
🎇اما التطبيقي الهندسات ومشتقاتها يعني 
هندسة 
علوم رياضيات 
علوم فيزياء 
وغيرها هووواي 
اي شي تشوف يتعلق بالهنادس😁والرياضيات تطبيقي 

.
🎆اوك اوك وشلون اختار اني دوختني شكد تلغي😒

🎇حط ببالغ شغلة اخيرها هاي السنةطلاب الاحيائي ضعفين طلاب التطبيقي 😉 اذا فكر بذكاء 

.
وتذكر العندة هدف يكدر يحققة باصرارة شوف انت شنو تريد من كلية 😍😍وادخل على وفقها للفرع الي تريدة احيائي او تطبيقي 
.
وشد حيلك وادرس وتوكل ولتخاف من شي، تبا للمستحيل ان وجد نحن قوم لن تهزنا الصعاب😌

.
ياهدف سأحققك لو كان هذا اخر يوم في حياتي 😍😍 


اتمنالكم اختيار موفق وتحقيق هدف طال انتظاره😍😍

نذرنا اعمالنا👈 #الى_الله_تعالى



وضع القراءة :
حجم الخط
+
16
-
تباعد السطور
+
2
-